| ກະກຽມກອງປະຊຸມສຳມະນາແຫ່ງຊາດ “ຮັບປະກັນອະທິປະໄຕແຫ່ງຊາດທາງເຄືອຂ່າຍອິນເຕີເນັດ”. | |
| ນະໂຍບາຍການຕ່າງປະເທດຂອງຈີນ ຍາມໃດກໍຖືບັນດາປະເທດອາຊຽນເປັນສຳຄັນ |
 |
| ກອງບັນຊາການຕໍາຫຼວດທະເລຫວຽດນາມ ໄດ້ເປັນປະທານກອງປະຊຸມອອນລາຍ ຄັ້ງທີ 17 ຂອງບັນດາການນໍາຕໍາຫຼວດທະເລບັນດາປະເທດອາຊີ (HACGAM 17). ພາບ: baotintuc.vn |
HACGAM 17 ມີການເຂົ້າຮ່ວມຂອງບັນດາການນໍາກຳລັງຕໍາຫຼວດທະເລ (CSB), ການປະຕິບັດກົດໝາຍວ່າດ້ວຍທະເລຂຶ້ນກັບ 20 ປະເທດ, 1 ເຂດແຄວ້ນ (ຮົງກົງ), 1 ອົງການຈັດຕັ້ງສາກົນ (ສູນແບ່ງປັນຂໍ້ມູນຕ້ານໂຈນສະລັດ ແລະ ການປຸ້ນຈີ້ປະກອບອາວຸດຕໍ່ກັບກຳປັ່ນໃນອາຊີ - ReCAPP ISC) ແລະ 3 ຜູ້ສັງເກດການ (ປະເທດຝຣັ່ງ, ອົງການຕ້ານຢາເສບຕິດ ແລະ ອາດຊະຍາກໍາ ຂອງສະຫະປະຊາຊາດ - UNODC ແລະ ຂະບວນວິວັດ Bali).
ກ່າວຄຳເຫັນທີ່ການຕ້ອນຮັບ ແລະ ເປີດກອງປະຊຸມ, ທ່ານພົນຈັດຕະວາ ເລກວາງດ້າວ - ຜູ້ບັນຊາການ CSB ຫວຽດນາມ, ປະທານ HACGAM 17 ຢືນຢັນວ່າ: ກອງປະຊຸມແມ່ນເວທີປາໄສປຶກສາຫາລືບັນດາມາດຕະການຮ່ວມມືລະຫວ່າງກຳລັງປະຕິບັດກົດໝາຍຢູ່ທະເລບັນດາປະເທດ ອາຊີ; ຊຸກຍູ້ການສ້າງກົນໄກຮ່ວມມື, ສືບຕໍ່ແລກປ່ຽນຂໍ້ມູນຂ່າວສານເພື່ອຮັບປະກັນຄວາມສະຫງົບ, ຄວາມປອດໄພ, ສັນຕິພາບ, ສະຖຽນລະພາບ ແລະ ພັດທະນາເຂດທະເລໃນພາກພື້ນ ແລະ ໃນໂລກ.
ຜູ້ບັນຊາການ CSB ຫວຽດນາມ ເຊື່ອໝັ້ນວ່າ HACGAM 17 ຈະແມ່ນເຄື່ອງມືທີ່ມີປະສິດທິຜົນເພື່ອເພີ່ມທະວີຄວາມໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະ ກັນ, ການຮ່ວມມືຢ່າງແທດຈິງ, ມີປະສິດທິຜົນລະຫວ່າງບັນດາສະມາຊິກທັງດ້ານສອງຝ່າຍ ແລະ ຫຼາຍຝ່າຍ. ພ້ອມກັນນັ້ນກໍ່ຊຸກຍູ້ການຮ່ວມມື, ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອພັດທະນາເສດຖະກິດ - ສັງຄົມ ແລະ ສະກັດກັ້ນບັນດາການເຄື່ອນໄຫວທີ່ເປັນອັນຕະລາຍຕໍ່ຜົນປະໂຫຍດລວມຂອງພາກພື້ນ.
ກອງປະຊຸມໄດ້ຮັບຟັງຫົວໜ້າຂອງ 4 ກຸ່ມເຮັດວຽກກ່ຽວກັບບັນດາການເຄື່ອນໄຫວຮ່ວມມືປະຕິບັດກົດໝາຍວ່າດ້ວຍທະເລປີ 2021 ແລະ ທິດທາງການຮ່ວມມືໃນປີ 2022. ກອງປະຊຸມໄດ້ເຫັນດີເຫັນພ້ອມກັບບັນດາໝາກຜົນທີ່ບັນລຸໄດ້ ແລະ ທິດທາງການກະທຳເຊິ່ງຫົວໜ້າບັນດາກຸ່ມເຮັດວຽກສືບຕໍ່ຮັກສາບັນດາການເຄື່ອນໄຫວການຮ່ວມມືຢ່າງແທດຈິງ, ມີປະສິດທິຜົນບົນພື້ນຖານ 4 ເສົາຄ້ຳ HACGAM 17 ເປັນຕົ້ນແມ່ນ: ຊອກຫາກູ້ໄພ, ປົກປັກຮັກສາສິ່ງແວດລ້ອມ, ສະກັດກັ້ນ ແລະ ຄວບຄຸມບັນດາການເຄື່ອນໄຫວທີ່ຜິດກົດໝາຍຢູ່ທະເລ, ສ້າງກຳລັງຄວາມສາມາດ.
ກອງປະຊຸມໄດ້ປຶກສາຫາລື ແລະ ອະນຸມັດຜ່ານການເຂົ້າຮ່ວມ HACGAM 17 ຂອງ CSB ຝຣັ່ງ, ໄດ້ຮັບຟັງ CSB Indian ລາຍງານກ່ຽວກັບເວັບໄຊລວມຂອງ HACGAM 17.
ໄຊພອນ
