| ຄາດວ່າການສົ່ງອອກຂອງຂະແໜງຫນັງເກີບຈະເຕີບໂຕ 5% | |
| ຫວຽດນາມ ເຂົ້າຮ່ວມເວທີປາໄສການຮ່ວມມືເສດຖະກິດອາຊຽນ - ອີຕາລີ |
 |
| ໝາກລິ້ນຈີ່ກະປ໋ອງຂອງຫວຽດນາມ ມີຢູ່ສັບພະສິນຄ້າຂອງຝຣັ່ງເປັນເທື່ອທຳອິດ. ພາບ: TTXVN |
ນີ້ແມ່ນລິ້ນຈີ່ກະປ໋ອງທຳອິດທີ່ນຳເຂົ້າໂດຍກົງໂດຍ Tang Frères - ລະບົບຈຳໜ່າຍຍ່ອຍ, ຜູ້ນຳເຂົ້າ, ຜູ້ຈັດຈຳໜ່າຍຂາຍສົ່ງອາຫານອາຊີໃນປະເທດຝຣັ່ງ. ນີ້ກໍແມ່ນຄັ້ງທຳອິດທີ່ໝາກໄມ້ກະປ໋ອງຂອງຫວຽດນາມ ຖືກນຳໄປວາງຂາຍຢູ່ຊັ້ນວາງເຄື່ອງຂອງຮ້ານຂາຍຍ່ອຍຢູ່ຝລັ່ງ.
ທ່ານ ດິງຕວ່ານຖັງ, ເອກອັກຄະລັດຖະທູດຫວຽດນາມ ປະຈຳຝລັ່ງ ໄດ້ແບ່ງປັນ: “ເຖິງວ່າພວກເຮົາມີບັນດາວິສາຫະກິດມີທ່າແຮງໃນດ້ານໝາກໄມ້ກະປ໋ອງ, ແຕ່ມາຮອດປະຈຸບັນ, ບັນດາຜະລິດຕະພັນເຫຼົ່ານີ້ໄດ້ນຳເຂົ້າປະເທດຝຣັ່ງໃນປະລິມານທີ່ໜ້ອຍເທົ່ານັ້ນ, ຜ່ານສູນຕິດຕໍ່ນຳເຂົ້າຂະໜາດນ້ອຍ. ສະນັ້ນ, ສຳລັບຕະຫຼາດໝາກໄມ້ນີ້, ພວກເຮົາຍັງມີຫຼາຍພື້ນທີ່”.
ທ່ານເອກອັກຄະລັດຖະທູດ ດິງຕວ່ານຖັງ ເນັ້ນໜັກວ່າ ບັນດາວິສາຫະກິດຕ້ອງຍາດແຍ່ງເອົາໂອກາດໃຫ້ຫຼາຍທີ່ສຸດ, ຫຼຸດຜ່ອນຄວາມກົດດັນຢ່າງໃຫຍ່ຫຼວງກ່ຽວກັບສົ້ນອອກທຸກລະດູການເກັບກ່ຽວ, ພ້ອມທັງຢືນຢັນກຳລັງຄວາມສາມາດໃນການສະໜອງໝາກໄມ້ທີ່ເປັນປົກກະຕິຂອງບັນດາວິສາຫະກິດ ຫວຽດນາມ ຕໍ່ບັນດາຄູ່ຮ່ວມມືສາກົນ.
ເຖິງຢ່າງໃດກໍຕາມ, ທ່ານຍັງໃຫ້ຮູ້ວ່າ ບັນດາວິສາຫະກິດຕ້ອງມານະພະຍາຍາມກວ່າອີກເພື່ອມີແຜນການພັດທະນາລະອຽດໃນໄລຍະຍາວ ພຽງພໍທີ່ຈະສາມາດເຂົ້າເຖິງຕະຫຼາດເອີລົບທີ່ເຄັ່ງຄັດ, ຜ່ານນັ້ນ ກໍສ້າງຮູບພາບລວມຂອງຍີ່ຫໍ້ຫວຽດນາມ (Vietnam Value).
ກາຍເຄື່ອນໄຫວສົ່ງເສີມໝາກໄມ້ກະປ໋ອງ ແມ່ນການສືບຕໍ່ບັນດາການເຄື່ອນໄຫວສົ່ງເສີມການຄ້າຂອງກະຊວງອຸດສາຫະກຳ ແລະ ການຄ້າ ເພື່ອສ້າງຄວາມຕ້ອງການຂອງຕະຫຼາດ ແລະ ເປີດກວ້າງຜົນຜະລິດໃຫ້ແກ່ຜະລິດຕະພັນກະເສດຫວຽດນາມ ຢູ່ ຝະລັ່ງ. ນີ້ກໍ່ແມ່ນສ່ວນໜຶ່ງຂອງບັນດາການເຄື່ອນໄຫວພາຍໃຕ້ແຜນຮ່າງ “ຊຸກຍູ້ວິສາຫະກິດ ຫວຽດນາມ ເຂົ້າຮ່ວມໂດຍກົງບັນດາເຄືອຂ່າຍຈຳໜ່າຍຕ່າງປະເທດ”.
ໄຊພອນ
