ຫວຽດນາມ ເຂົ້າຮ່ວມເວທີປາໄສການຮ່ວມມືເສດຖະກິດອາຊຽນ - ອີຕາລີ

06:18 | 10/12/2021

ຍສໝ - ທ່ານ ຫງວຽນດຶກແທງ ອຸປະທູດການຄ້າຫວຽດນາມ ປະຈຳ ອີຕາລີ ໄດ້ແນະນຳກ່ຽວກັບການພັດທະນາຢ່າງຂະຫຍັນຂັນເຄື່ອນຂອງຫວຽດນາມ, ເປັນພື້ນຖານເສດຖະກິດເຊື່ອມໂຍງເຂົ້າກັນຢ່າງເລິກເຊິ່ງກວ້າງຂວາງທີ່ສຸດໃນພາກພື້ນ.

	ຊຸກຍູ້ການຮ່ວມມືແມ່ນ້ຳຂອງ - ແມ່ນ້ຳລ້ານຊ້າງໃນການເຊື່ອມໂຍງ ແລະ ພັດທະນາ
	ຫວຽດນາມ ເຂົ້າຮ່ວມເວທີປາໄສການຮ່ວມມືປ່ຽນແປງໃໝ່ດ້ານສາທາລະນະສຸກສາກົນ ປີ 2021

ຫວຽດນາມ ເຂົ້າຮ່ວມເວທີປາໄສການຮ່ວມມືເສດຖະກິດອາຊຽນ - ອີຕາລີ. ພາບ: VOV

ເວທີປາໄສວິສາຫະກິດ Torino-ອາຊຽນ ຄັ້ງທີ 2 (TOASEAN Business Days) ຈັດຕັ້ງໂດຍຫ້ອງການການຄ້າ Turin, ສະຖາບັນການຄົ້ນຄວ້າສາກົນ Torino (TWAI), ມະຫາວິທະຍາໄລ Turin ແລະ ຄະນະກຳມະການອາຊຽນ ຢູ່ Rome (ACR) ໄດ້ໄຂຂຶ້ນຢູ່ນະຄອນ Turin, ອີຕາລີ.

ດ້ວຍ 4 ວາລະປະຊຸມຫົວຂໍ້ສະເພາະ (ກ່ຽວກັບປ່ຽນແປງໃໝ່ປະດິດສ້າງ/ອຸດສາຫະກຳ/ການພັດທະນາແບບຍືນຍົງ/ທັນຍາຫານ), ບັນດານັກປາຖະກະຖາຕາງໜ້າອຳນາດການປົກຄອງ, ເອກອັກຄະລັດຖະທູດບັນດາປະເທດ ອາຊຽນ ປະຈຳ ອີຕາລີ ແລະ ບາງວິສາຫະກິດໄດ້ແລກປ່ຽນຂໍ້ມູນຫຼາຍຢ່າງກ່ຽວກັບຄວາມສາມາດບົ່ມຊ້ອນ, ປະສົບການແຫ່ງຜົນສຳເລັດໃນການຮ່ວມມື ແລະ ດຳເນີນທຸລະກິດລະຫວ່າງ ອີຕາລີ ແລະ ບັນດາປະເທດ ອາຊຽນ ກໍ່ຄືບັນດາເຄື່ອງມືດ້ານນະໂຍບາຍ, ການເງິນເພື່ອຫນູນຊ່ວຍວິສາຫະກິດຕ່າງປະເທດມາລົງທຶນໃນອາຊີຕາເວັນອອກສ່ຽງໃຕ້.

ເວທີປາໄສວິສາຫະກິດ Torino - ອາຊຽນ ຄັ້ງທີ 2 ໄດ້ດຶງດູດການເຂົ້າຮ່ວມຂອງວິສາຫະກິດເປັນຈຳນວນຫຼວງຫຼາຍ, ຜູ້ຕາງໜ້າກະຊວງການຕ່າງປະເທດ ອີຕາລີ, ສະມາຄົມອີຕາລີ - ອາຊຽນ, ອົງການສິນເຊື່ອສົ່ງອອກຂອງອີຕາລີ (SACE), ການນຳຂອງເຂດ Piedmont ແລະ ນະຄອນ Turin, ບັນດາອົງການຈັດຕັ້ງການເງິນສິນເຊື່ອຂອງອິຕາລີ.

ທີ່ເວທີປາໄສ, ການນຳ ແລະ ວິສາຫະກິດຂອງເຂດ Piedmont ແລະ ນະຄອນ Turin ໄດ້ສະໜອງຂໍ້ມູນຫຼາຍຢ່າງກ່ຽວກັບບັນດານະໂຍບາຍໜູນຊ່ວຍ, ພິເສດແມ່ນດ້ານການເງິນ, ເພື່ອສົ່ງເສີມບັນດາວິສາຫະກິດ ອີຕາລີ ຊອກຫາ ແລະ ເປີດກວ້າງບັນດາການເຄື່ອນໄຫວດຳເນີນທຸລະກິດຢູ່ ອາຊຽນ, ພິເສດໃນບັນດາຂົງເຂດເສດຖະກິດສີຂຽວ ແລະ ການຫັນປ່ຽນພະລັງງານ.

ຜູ້ຕາງໜ້າບັນດາວິສາຫະກິດອີຕາລີ ແລະ ບັນດາຄູ່ຮ່ວມມືອາຊຽນ ຍັງໄດ້ແລກປ່ຽນບົດຮຽນໃນການເຄື່ອນໄຫວຢູ່ອາຊີຕາເວັນອອກສ່ຽງໃຕ້; ຕີລາຄາສູງຄວາມສາມາດບົ່ມຊ້ອນໃນພາກພື້ນ, ພິເສດແມ່ນບາງຂົງເຂດທີ່ອີຕາລີມີທ່າໄດ້ປຽບໃນປະຈຸບັນເຊັ່ນ: ອຸດສາຫະກຳການຜະລິດ, ການອອກແບບ-ກໍ່ສ້າງ, ທັນຍາຫານ ແລະ ເສດຖະກິດປະດິດສ້າງ.

ໄຊພອນ