| ພື້ນຖານເສດຖະກິດ ອິນເຕີເນັດ ຫວຽດນາມ ຄາດວ່າຈະບັນລຸໄດ້ 220 ລ້ານ USD ໃນປີ 2030 | |
| ຫວຽດນາມ ຈະດຳເນີນການຮັບຮອງ ປາດສະປໍ ດ້ານສຸຂະພາບ ກັບເກືອບ 80 ປະເທດ ແລະ ເຂດແຄວ້ນ ໃນໄລຍະຈະມາເຖິງ |
 |
| ພາບປະກອບ: |
ເຄີຍມີໄລຍະຍ້ອນຜົນກະທົບຂອງການລະບາດ, ການສົ່ງອອກຂອງຂະແໜງເກີບໜັງໄດ້ຫຼຸດລົງໃນລະດັບຕໍ່າສຸດພຽງແຕ່ບັນລຸປະມານ 44% ໃນເດືອນສິງຫາ ແລະ ເດືອນກັນຍາປີນີ້.
ເຖິງແນວໃດກໍຕາມ, ພາຍຫຼັງມະຕິ 128 ຂອງລັດຖະບານໄດ້ຍົກອອກຫຼາຍວິທີການແກ້ໄຂເພື່ອຟື້ນຟູການຜະລິດໃນສະພາບການ “ປົກກະຕິໃໝ່”, ສະມາຄົມເກີບ ແລະ ກະເປົາໜັງ ຫວຽດນາມ ຢືນຢັນວ່າ ຂະແໜງຫນັງເກີບໄດ້ຟື້ນຟູຢ່າງແຮງ ແລະ ຄາດວ່າຈະບັນລຸວົງເງິນການຄ້າສົ່ງອອກເຕີບໂຕໃນທາງບວກ ປະມານ 5% ໃນປີ 2021.
ຜູ້ຕາງໜ້າສະມາຄົມເກີບ ແລະ ກະເປົາໜັງຂອງຫວຽດນາມ ໃຫ້ຮູ້ວ່າຫວຽດນາມໄດ້ກາຍເປັນປະເທດສົ່ງອອກເກີບແພໃຫຍ່ທີ່ສຸດໃນໂລກ ໃນດ້ານມູນຄ່າ, ເມື່ອກວມເອົາ 26,3% ອັດຕາສ່ວນກວມຕະຫຼາດທົ່ວໂລກໃນປີກາຍນີ້ ແລະ ຄາດວ່າຈະສືບຕໍ່ເຕີບໂຕໃນປີນີ້.
ບັນດາສັນຍາການຄ້າເສລີທີ່ຫວຽດນາມພວມເຂົ້າຮ່ວມຄື CPTPP ແລະ EVFTA ໄດ້ ແລະ ພວມປະກອບສ່ວນຢ່າງໃຫຍ່ຫຼວງເຂົ້າໃນການຊຸກຍູ້ການເຕີບໂຕການສົ່ງອອກປະເພດເກີບ, ເມື່ອອັດຕາພາສີໄດ້ຫຼຸດລົງເຖິງ 0%.
ສະມາຄົມເກີບ ແລະ ກະເປົາໜັງ ໃຫ້ຮູ້ວ່າໃນໄລຍະຈະມາເຖິງ, ນອກຈາກສຸມໃສ່ເກີບກິລາ ທີ່ເປັນທ່າແຮງແລ້ວ, ວິສາຫະກິດ ຫວຽດນາມ ຕ້ອງປັບປຸງເຕັກໂນໂລຊີ ເພື່ອຜະລິດບັນດາຜະລິດຕະພັນສິນຄ້າແບບຍືນຍົງ, ເປັນມິດກັບສິ່ງແວດລ້ອມຕາມທ່າອ່ຽງລວມຂອງໂລກ.
ໄຊພອນ
