| ຣູມານີ ແລະ ຫວຽດນາມ: ການຮ່ວມມືຮອບດ້ານ, ອະນາຄົດທີ່ໝັ້ນຄົງເຂັ້ມແຂງ | |
| ເພີ່ມທະວີການຮ່ວມມືພົວພັນແລກປ່ຽນປະຊາຊົນ ກັບ ນະຄອນ St.Petersburg (ລັດເຊຍ) |
 |
| ທ່ານຮອງລັດຖະມົນຕີກະຊວງການຕ່າງປະເທດ ຫງວຽນມິງຫວູ (ພາບ: Hanoimoi.com.vn) |
ໂດຍໄດ້ຮັບຄຳເຊື້ອເຊີນຂອງອຳນາດການປົກຄອງເຂດປົກຄອງດ້ວຍຕົນເອງຊົນເຜົ່າຈວາງ, ກວາງຊີ (ປະເທດຈີນ), ຕອນເຊົ້າວັນທີ 6 ທັນວາ ທ່ານຮອງລັດຖະມົນຕີ ການຕ່າງປະເທດ ຫງວຽນມິງຫວູ ໄດ້ເຂົ້າຮ່ວມ ແລະ ກ່າວຄຳເຫັນທີ່ເວທີປາໄສການຮ່ວມມືປ່ຽນແປງໃໝ່ສາທາລະນະສຸກສາກົນ ທີ່ໄດ້ຈັດຂຶ້ນຢູ່ຫ້ອງການແທັງກ໋າງ (ກວາງຊີ) ຕາມຮູບແບບບັນທຶກວີດີໂອ.
ກ່າວຄຳເຫັນທີ່ພິທີໄຂ, ທ່ານຮອງລັດຖະມົນຕີ ຫງວຽນມິງຫວູ ຖືວ່າ ໃນສະພາບການໂລກລະບາດໂຄວິດ - 19 ມີການຜັນແປຢ່າງສັບສົນຄືໃນປັດຈຸບັນ, ເລື່ອງຈັດຕັ້ງເວທີປາໄສຄັ້ງນີ້ ແມ່ນໂອກາດສຳຄັນ ເພື່ອໃຫ້ບັນດາປະເທດປືກສາຫາລືບັນດາບັນຫາຮີບດ່ວນໃນການຮ່ວມມືດ້ານສາທາລະນະສຸກ, ປະກອບສ່ວນປະຕິບັດເປົ້າໝາຍທັງຟື້ນຟູເສດຖະກິດຫຼັງໂຄວິດ - 19, ທັງຄວບຄຸມໂລກລະບາດຢ່າງສຳເລັດຜົນ.
ທ່ານຮອງລັດຖະມົນຕີການຕ່າງປະເທດ ຫງວຽນມິງຫວູເນັ້ນໜັກວ່າ ບັນດາປະເທດຄວນປັບປຸງວິທີການເຄື່ອນໄຫວຂອງເສດຖະກິດ, ສັງຄົມ, ການດຳລົງຊີວິດ, ການເດີນທາງໄປມາ… ກໍ່ຄືເພີ່ມທະວີການຮ່ວມມືປ່ຽນແປງໃໝ່ສາທາລະນະສຸກ ເພື່ອແນໃສ່ຮັບມືກັບສະພາບການໃໝ່.
ຕາມນັ້ນແລ້ວ, ບັນດາປະເທດຄວນຍູ້ແຮງການຮ່ວມມືໃນການຜະລິດ, ຖ່າຍທອດເຕັກໂນໂລຢີວັກຊິນ, ຢາປິ່ນປົວ, ວັດຖຸອຸປະກອນການແພດໃນການປ້ອງກັນ, ຕ້ານໂລກລະບາດໂຄວິດ - 19, ເພີ່ມທະວີການຫັນຂະແໜງສາທາລະນະສຸກເປັນດີຈີຕອນ, ໝູນໃຊ້ວິທະຍາສາດເຕັກໂນໂລຢີທີ່ທັນສະໄໝໃນການຜັນຂະຫຍາຍພື້ນຖານໂຄງລ່າງດີຈີຕອນຂອງຂະແໜງສາທາລະນະສຸກ, ສົມທົບກັນແບ່ງປັນຂໍ້ມູນ, ຄວບຄຸມໂລກລະບາດໂຄວິດ -19 ເພື່ອແນໃສ່ສ້າງຄວາມສະດວກໃນການເດີນທາງໄປມາຂອງປະຊາຊົນ.
ພ້ອມທັງ, ບັນດາປະເທດຄວນຫັນລະບຽບການຜ່ານດ່ານເປັນງ່າຍດາຍ ສຳລັບບັນດາສິນຄ້າທີ່ມີລັກສະນະຕາມລະດູ ຄືກະສິກຳ, ສິນໃນນ້ຳ, ທັງຮັບປະກັນລະບົບສະໜອງໃນພາກພື້ນບໍ່ຖືກຂາດວັກຂາດຕອນ, ທັງຮັບປະກັນຄວາມຮຽກຮ້ອງປ້ອງກັນ, ຕ້ານໂລກລະບາດໂຄວິດ - 19.
ບຸນຄົງ
