| ທ່ານປະທານສະພາແຫ່ງຊາດລາວ ໄຊສົມພອນ ພົມວິຫານ ໄດ້ຕີລາຄາສູງບົດບາດຂອງສະມາຄົມມິດຕະພາບຂອງສອງປະເທດ | |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ສົ່ງຈົດໝາຍສະແດງຄວາມຊົມເຊີຍວັນຊາດ ແຟງລັງ |
ໂດຍສະແດງຄວາມຊົມເຊີຍ ແລະ ອວຍພອນທ່ານເອກອັກຄະລັດຖະທູດ ຫງວຽນຮຸຍຕັງ ທີ່ໄດ້ຮັບດຳລົງຕຳແໜ່ງເປັນເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ, ປະທານສະພາແຫ່ງຊາດ Samdech Heng Samrin ເຊື່ອໝັ້ນວ່າ ທ່ານເອກອັກຄະລັດຖະທູດ ຈະມີບັນດາການປະກອບສ່ວນຢ່າງຕັ້ງໜ້າ ເຂົ້າໃນການຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມ, ການຮ່ວມມືແບບຍືນຍົງ, ຮອບດ້ານ ແລະ ຍາວນານ ລະຫວ່າງສອງປະເທດ, ກໍ່ຄື ການພົວພັນທີ່ສະໜິດຕິດພັນລະຫວ່າງສະພາແຫ່ງຊາດກຳປູເຈຍ ແລະ ຫວຽດນາມ.
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ສະແດງຄວາມຂອບອົກຂອບໃຈ ທ່ານປະທານສະພາແຫ່ງຊາດ ກຳປູເຈຍ ໄດ້ສະຫຼະເວລາອັນລ້ຳຄ່າໃຫ້ການຕ້ອນຮັບທ່ານເອກອັກຄະລັດຖະທູດເຂົ້າຢ້ຽມຂຳ່ນັບ; ໄດ້ສົ່ງຄຳອວຍພອນອັນສະໜິດສະໜົມຂອງການນຳຂັ້ນສູງຫວຽດນາມ ເຖິງທ່ານປະທານສະພາແຫ່ງຊາດ Samdech Akka Moha Ponhea Chakrei Heng Samrin.
 |
| ທ່ານປະທານສະພາແຫ່ງຊາດກຳປູເຈຍ ຕ້ອນຮັບ ທ່ານເອກອັກຄະລັດຖະທູດ ຫງວຽນຮຸຍຕັງ ເຂົ້າຢ້ຽມຂຳ່ນັບຢ່າງສົມກຽດ. (ພາບ: baoquocte) |
ທ່ານເອກອັກຄະລັດຖະທູດຢືນຢັນວ່າ ພັກ, ລັດ, ລັດຖະບານ ແລະ ປະຊາຊົນຫວຽດນາມ ຍາມໃດກໍ່ຈົດຈຳ, ຮູ້ບຸນຄຸນ ແລະ ນັບຖືຢ່າງສູງຕໍ່ການຊ່ວຍເຫຼືອຂອງປະຊາຊົນກຳປູເຈຍ ໃຫ້ ຫວຽດນາມ ໃນໄລຍະຕ່າງໆ.
ທ່ານເອກອັກຄະລັດຖະທູດ ສະແດງຄວາມຊົມເຊີຍບັນດາຜົນງານອັນໃຫຍ່ຫຼວງໃນທຸກດ້ານທີ່ລາຊະອານາຈັກກຳປູເຈຍ ບັນລຸໄດ້, ພາຍໃຕ້ການປົກຄອງຂອງ ກະສັດ Norodom Sihamoni, ການຊີ້ນຳຂອງສະພາສູງ, ສະພາແຫ່ງຊາດ ແລະ ລັດຖະບານກຳປູເຈຍ, ພິເສດແມ່ນໃນການປ້ອງກັນຕ້ານວຽກງານໂຄວິດ-19 ແລະ ນະໂຍບາຍສັກຢາປ້ອງກັນພະຍາດໂຄວິດ-19 ຢ່າງມີປະສິດທິຜົນ, ປະກອບສ່ວນເຮັດໃຫ້ຊີວິດເສດຖະກິດ-ສັງຄົມຂອງກຳປູເຈຍກັບຄືນສູ່ສະພາບປົກກະຕິ.
ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ຢືນຢັນວ່າ: ຈະປະກອບສ່ວນຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນຮ່ວມມືຢ່າງແໜ້ນແຟ້ນລະຫວ່າງ 2 ປະເທດໃນຂົງເຂດການເມືອງ, ການທູດ, ການປ້ອງກັນປະເທດ - ປ້ອງກັນຄວາມສະຫງົບ, ເສດຖະກິດ, ການຄ້າ, ກະສິກຳ ແລະ ການຮ່ວມມືໃນການປ້ອງກັນ ແລະ ຕ້ານພະຍາດໂຄວິດ-19 ກໍ່ຄື ໃນຫຼາຍຂົງເຂດອື່ນໆ.
ທ່ານປະທານສະພາແຫ່ງຊາດ Samdech Heng Samrin ເນັ້ນໜັກວ່າ: ກຳປູເຈຍ ແລະ ຫວຽດນາມ ແມ່ນສອງປະເທດບ້ານໃກ້ເຮືອນຄຽງ, ມີການພົວພັນຮ່ວມມືທີ່ເປັນມູນເຊື້ອມາແຕ່ດົນນານ, ມີຄວາມທຸກຍາກລຳບາກ ແລະ ໃຫ້ການຊ່ວຍເຫຼືອເຊິ່ງກັນ ແລະ ກັນໃນທຸກສະພາບການ.
ການຮ່ວມມືອັນດີງາມລະຫວ່າງ 2 ປະເທດໃນປະຈຸບັນ ແມ່ນຍ້ອນສາຍພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດໃນໄລຍະຜ່ານມາ, ຕ້ອງສືບຕໍ່ເພີ່ມພູນຄູນສ້າງ ໃຫ້ແກ່ບັນດາລຸ້ນຄົນໃນອະນາຄົດ.
ທ່ານປະທານສະພາແຫ່ງຊາດ ຕີລາຄາສູງບັນດາຜົນງານທີ່ຫວຽດນາມ ບັນລຸໄດ້ໃນທຸກຂົງເຂດ, ແລະ ສະແດງຄວາມຂອບໃຈພັກ, ລັດ, ສະພາແຫ່ງຊາດ, ລັດຖະບານ ແລະ ປະຊາຊົນ ຫວຽດນາມ ທີ່ຍາມໃດກໍ່ໃຫ້ການຊ່ວຍເຫຼືອ ແລະ ໜູນຊ່ວຍອັນໃຫຍ່ຫຼວງເຂົ້າໃນວຽກງານສ້າງສາ ແລະ ພັດທະນາກຳປູເຈຍ; ໃນນັ້ນມີກິດຈະການ ອາຄານການປົກຄອງບໍລິຫານຂອງສະພາແຫ່ງຊາດກຳປູເຈຍ.
ທ່ານປະທານສະພາແຫ່ງຊາດ Samdech Heng Samrin ໄດ້ສະແດງຄວາມຍິນດີທີ່ວ່າ: ເຖິງວ່າໂລກລະບາດໂຄວິດ-19 ພວມຜັນແປໄປຢ່າງສັບສົນກໍ່ຕາມ, ແຕ່ການພົວພັນຮ່ວມມືລະຫວ່າງ 2 ປະເທດ ແລະ ບັນດາຂໍ້ຕົກລົງລະຫວ່າງ 2 ຝ່າຍຍັງຄົງໄດ້ຮັບການຮັກສາ ແລະ ເພີ່ມທະວີ.
ເນື່ອງໃນໂອກາດນີ້, ທ່ານປະທານສະພາແຫ່ງຊາດ ໄດ້ຝາກຄວາມຢື້ຢາມຖາມຂ່າວ ເຖິງການນຳຂັ້ນສູງຂອງພັກ, ລັດ, ສະພາແຫ່ງຊາດ ແລະ ລັດຖະບານ ຫວຽດນາມ ແລະ ອວຍພອນໃຫ້ທ່ານເອກອັກຄະລັດຖະທູດ ປະຈຳ ກຳປູເຈຍ ປະສົບຜົນສຳເລັດໃນອາຍຸການຂອງຕົນ.
ຄຳຮຸ່ງ
