| ສື່ມວນຊົນລາວ ອວນພອນວັນຊາດຫວຽດນາມ ທີ 2 ກັນຍາ | |
| ທ່ານນາງ ຫງວຽນ ທິ ກີມ ເງິນ ປະທານສະພາແຫ່ງຊາດແຫ່ງ ສສ ຫວຽດນາມ ໄດ້ສົ່ງໂທລະເລກ ເຖິງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ |
 |
| ສື່ມວນຊົນລາວ ລົງຂ່າວເປັນຈຳນວນຫຼວງຫຼາຍກ່ຽວກັບການຢ້ຽມຢາມ ຫວຽດນາມ ຂອງທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ. ພາບ: TTXVN |
ໜັງສືພິມປະຊາຊົນ ອົງການກະບອກສຽງຂອງພັກປະຊາຊົນປະຕິວັດ ລາວ, ໄດ້ລົງບົດຂຽນ “ທ່ານປະທານສະພາແຫ່ງຊາດລາວ ຢ້ຽມຢາມສັນຖະວະໄມຕີ ສສ.ຫວຽດນາມ ຢ່າງເປັນທາງການ”. ບົດຂຽນ ໄດ້ເຕື້ອງຄືນບັນດາການເຄື່ອນໄຫວໃນວັນທີ 6 ທັນວາຂອງທ່ານປະທານສະພາແຫ່ງຊາດ ໄຊສົມພອນ ພົມວິຫານ. ຈາກພິທີຕ້ອນຮັບຢ່າງສົມກຽດ ໂດຍທ່ານປະທານສະພາແຫ່ງຊາດ ເວືອງດິ່ງເຫວ້ ໄດ້ເປັນປະທານການຕ້ອນຮັບ ຕະຫຼອດເຖິງບັນດາບັນຫາທີ່ການນຳສະພາແຫ່ງຊາດສອງປະເທດໄດ້ປຶກສາຫາລື ແລະ ເຫັນດີເປັນເອກະພາບ ເພື່ອແນໃສ່ເພີ່ມທະວີ ແລະ ຮັດແໜ້ນສາຍພົວພັນລະຫວ່າງສອງປະເທດກ່ວາອີກ...
ໜັງສືພິມ Vientiane Times ໄດ້ມີບົດຂຽນຕີລາຄາສູງການຮ່ວມມືລະຫວ່າງ ສະພາແຫ່ງຊາດ ລາວ ແລະ ຫວຽດນາມ, ເຊິ່ງເນັ້ນໜັກວ່າ ນີ້ແມ່ນການປະຕິບັດງານຄັ້ງທຳອິດຂອງທ່ານ ໄຊສົມພອນ ພົມວິຫານ ນັບແຕ່ເວລາໄດ້ຮັບການເລືອກຕັ້ງເປັນປະທານສະພາແຫ່ງຊາດ ລາວ ເມື່ອຕົ້ນປີນີ້. ຕາມບົດຂຽນແລ້ວ, ຢູ່ທີ່ການເຈລະຈາສອງຝ່າຍ ໄດ້ດຳເນີນໃນວັນທີ 6 ທັນວາ, ທ່ານປະທານສະພາແຫ່ງຊາດສອງປະເທດ ລາວ - ຫວຽດນາມ ຕີລາຄາສູງການຮ່ວມມືທີ່ນັບມື້ນັບໄດ້ຮັບການປັບປຸງລະຫວ່າງສະພາແຫ່ງຊາດສອງປະເທດ.
ໃນວັນດຽວກັນ, ໜັງສືພິມ PathetLao Daily ໄດ້ລົງບົດຂຽນກ່ຽວກັບການຢ້ຽມຢາມຂອງ ທ່ານປະທານສະພາແຫ່ງຊາດ ໄຊສົມພອນ ພົມວິຫານ ທີ່ມີຫົວຂໍ້ວ່າ “ລາວ-ຫວຽດນາມ ສືບຕໍ່ຮັດແໜ້ນສາຍພົວພັນຮ່ວມມືລະຫວ່າງສະພາແຫ່ງຊາດ ສອງປະເທດ ”. ບົດຂຽນເນັ້ນໜັກວ່າ: ໃນໄລຍະຜ່ານມາ, ເຖິງວ່າໂລກລະບາດໂຄວິດ-19 ໄດ້ສົ່ງຜົນສະທ້ອນອັນໜັກໜ່ວງເຖິງທຸກດ້ານຂອງຊີວິດການເປັນຢູ່ກໍ່ຕາມ, ແຕ່ການພົວພັນຮ່ວມມືລະຫວ່າງສະພາແຫ່ງຊາດລາວ ແລະ ຫວຽດນາມ ຍັງມີຄວາມສະໜິດແໜ້ນ ແລະ ນັບມື້ນັບແທດຈິງກວ່າອີກ.
ຕາມໜັງສືພິມ PathetLao Daily ແລ້ວ, ການຢ້ຽມຢາມຫວຽດນາມ ຢ່າງເປັນທາງການຂອງທ່ານປະທານສະພາແຫ່ງຊາດລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງສະພາແຫ່ງຊາດລາວ ໃນຄັ້ງນີ້ ໄດ້ຢືນຢັນຄວາມສະໜິດສະໜົມ, ສະເໝີຕົ້ນສະເໝີປາຍ ແຫ່ງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີເປັນພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ, ພ້ອນກັນນັ້ນ ກໍ່ແດງໃຫ້ເຫັນການພົວພັນກັນຢ່າງແໜ້ນແຟ້ນ ລະຫວ່າງສະພາແຫ່ງຊາດຫວຽດນາມ ແລະ ລາວ ທີ່ນັບມື້ນັບແຕກດອກອອກຜົນ ແລະ ມີປະສິດທິຜົນ.
ນອກຈາກບັນດາໜັງສືພິມໃຫຍ່ແລ້ວ, ບັນດາລາຍການອອກອາກາດຂອງ ສະຖານີວິທະຍຸກະຈາຍສຽງແຫ່ງຊາດ, ສະຖານີໂທລະພາບແຫ່ງຊາດ ຂອງລາວ ກໍຍັງໄດ້ລົງຂ່າວ, ບັນດາຮູບພາບທີ່ກ່ຽວຂ້ອງເຖິງການຢ້ຽມຢາມ ຫວຽດນາມ ແລະ ບັນດາການເຄື່ອນໄຫວຂອງທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ຢ່າງຕໍ່ເນື່ອງ.
ໄຊພອນ
