| ອາເຈນຕິນາ ມອບຢາວັກຊີນຕ້ານໂຄວິດ-19 ເປັນມູນຄ່າກວ່າ 2 ລ້ານໂດລາສະຫະລັດ ໃຫ້ຫວຽດນາມ | |
| ເຢຍລະມັນມອບເຄື່ອງຊ່ວຍຫາຍໃຈ ແລະ ເຄື່ອງວັດລະດັບອົກຊີໃຫ້ຫວຽດນາມ ມູນຄ່າ 21 ຕື້ດົງ |
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: ໃນທົ່ວໂລກເວົ້າລວມ, ນັບທັງບັນດາປະເທດ ຄື: ຍີ່ປຸ່ນ, ສ.ເກົາຫຼີ, ສິງກະໂປ... ລ້ວນແຕ່ມີມາດຕະການຕ້ານການແຜ່ລະບາດຂອງພະຍາດ ແລະ ຢາປິ່ນປົວພະຍາດທີ່ກ້າວໜ້າ, ແຕ່ຍັງໄດ້ຮັບຜົນກະທົບຈາກເຊື້ອໄວຣັສສາຍພັນໃໝ່ Omicron ແລະ ຫວຽດນາມ ບໍ່ຢູ່ນອກເໜືອນັ້ນ.
ຕາມບົດລາຍງານຂອງກະຊວງສາທາລະນະສຸກ ແລະ ການປະກອບຄຳເຫັນທີ່ກອງປະຊຸມ ໄດ້ໃຫ້ຂໍ້ສັງເກດວ່າ: ສະພາບຕົວຈິງໄດ້ສະແດງໃຫ້ເຫັນວ່າ ຍຸດທະສາດວັກຊີນຂອງຫວຽດນາມ ເໝາະສົມກັບສະພາບການ, ທັນການ, ໄດ້ຮັບໝາກຜົນດີ. ເຖິງວ່າຫວຽດນາມ ຈະຊ້າກວ່າຫຼາຍປະເທດໃນການສັກຢາປ້ອງກັນ, ແຕ່ດ້ວຍອັດຕາການສັກຢາວັກຊີນໃນໄລຍະມໍ່ໆມານີ້, ມາຮອດປະຈຸບັນ, ອັດຕາສ່ວນຂອງຜູ້ອາຍຸ 18 ປີຂຶ້ນໄປທີ່ໄດ້ຮັບການສັກຢາໂດສທີ 1 ໄດ້ບັນລຸ 94% ແລະ ການສັກຢາໂດສທີ 2 ບັນລຸ 69%. ນີ້ແມ່ນອັດຕາທີ່ສູງພໍສົມຄວນ ເມື່ອປຽບທຽບກັບທົ່ວໂລກ.
 |
| ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມ ຊຸກຍູ້ການຜະລິດ ແລະ ການນຳເຂົ້າວັກຊີນ ແລະ ຢາປິ່ນປົວພະຍາດໂຄວິດ-19. (ພາບ: TTXVN) |
ອີງຕາມບົດລາຍງານຂອງກະຊວງສາທາລະນະສຸກ, ຈໍານວນຢາວັກຊີນທັງຫມົດທີ່ໄດ້ຮັບ ແລະ ຄາດວ່າຈະໄດ້ຮັບໃນທ້າຍປີ 2021 ຈາກແຫຼ່ງການຊື້, ການຊ່ວຍເຫຼືອ ແລະ ການອຸປະຖຳແມ່ນປະມານ 200 ລ້ານກວ່າໂດສ. ມາຮອດວັນທີ 3 ທັນວານີ້, ຫວຽດນາມໄດ້ຮັບຢາວັກຊີນກວ່າ 150 ລ້ານໂດສ, ໃນນັ້ນມີເກືອບ 71,5 ລ້ານໂດສ ໄດ້ຮັບຊື້ຈາກງົບປະມານແຫ່ງລັດ ແລະ 79 ລ້ານໂດສ ຈາກການຊ່ວຍເຫຼືອ ແລະ ອຸປະຖຳ.
ກະຊວງສາທາລະນະສຸກຕ້ອງໜູນຊ່ວຍ ບັນດາຜູ້ຜະລິດຢາປິ່ນປົວພະຍາດໂຄວິດ-19 ຢູ່ພາຍໃນປະເທດເພື່ອຈັດຕັ້ງປະຕິບັດຕາມຫຼັກການຢ່າງຖືກຕ້ອງ, ຮັບປະກັນມີວິທະຍາສາດ, ສົມເຫດສົມຜົນ ແລະ ມີປະສິດທິຜົນ, ບົນຈິດໃຈຮ່ວມມືທີ່ສະດວກສະບາຍ, ໂປ່ງໃສ, ອຳນວຍຄວາມສະດວກສູງສຸດ ໃຫ້ແກ່ການຜະລິດ, ເພື່ອສຸຂະພາບຂອງປະຊາຊົນ.
ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: ການຊື້-ຂາຍຢາປິ່ນປົວພະຍາດໂຄວິດ-19 ຕ້ອງເປີດເຜີຍ, ໂປ່ງໃສ ແລະ ຖືກຕາມກົນໄກຕະຫຼາດ; ການຄວບຄຸມລາຄາ; ຮັບປະກັນຄວາມສະເໝີພາບ ແລະ ຄວາມບໍລິສຸດ; ແກ້ໄຂຢ່າງເດັ່ດດ່ຽວ ຖ້າຫາກມີປະກົດການຫຍໍ້ທໍ້ໃນເລື່ອງນີ້.
ຄຳຮຸ່ງ
