| ສ້າງບາດກ້າວບຸກທະລຸພັດທະນາການພົວພັນລະຫວ່າງ ຫວຽດນາມ - ສະຫະພັນລັດເຊຍ | |
| VUFO, ສະຖານທູດລັດເຊຍ ປະຈຳ ຫວຽດນາມ ສືບຕໍ່ພັດທະນາການພົວພັນແລກປ່ຽນປະຊາຊົນລະຫວ່າງຫວຽດນາມ ແລະ ລັດເຊຍ |
 |
| ບັນຍາກາດທີ່ການຕ້ອນຮັບ |
ຕອນບ່າຍວັນທີ 30 ພະຈິກ, ຢູ່ມົດສະກູ, ທ່ານນາງ ຫງວຽນເຟືອງງາ ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ໄດ້ມີການເຮັດວຽກກັບ ທ່ານ V.Kalganov, ຮອງປະທານຄະນະກຳມະການພົວພັນຕ່າງປະເທດຂອງນະຄອນ St.Petersburg (ລັດເຊຍ). ນີ້ແມ່ນການເຄື່ອນໄຫວຂອງ VUFO ຢູ່ນອກໃນຂອບເຂດການຢ້ຽມຢາມສະຫະພັນລັດເຊຍຢ່າງເປັນທາງການຂອງທ່ານປະທານປະເທດ ຫງວຽນຊວັນຟຸກ ໃນລະຫວ່າງວັນທີ 29 ພະຈິກ ຫາວັນທີ 2 ທັນວາ ປີ 2021.
ທີ່ການເຮັດວຽກ, ທ່ານ V.Kalganov, ໄດ້ແບ່ງປັນຂໍ້ມູນ ກ່ຽວກັບບັນດາການເຄື່ອນໄຫວຄາດວ່າຈະສົມທົບກັບອົງການ, ຄູ່ຮ່ວມມື ຫວຽດນາມ, ໃນນັ້ນມີການເຄື່ອນໄຫວງານຕະຫຼາດນັດປປຶ້ມ ປະຈຳປີ ທີ່ຈະດຳເນີນໃນເດືອນພຶດສະພາ ປີ 2022 ເຊິ່ງທ່ານປາດຖະໜາກຢາກໃຫ້ VUFO ເຂົ້າຮ່ວມ ແລະ ມີບັນດາການເຄື່ອນໄຫວພົວພັນແລກປ່ຽນປະຊາຊົນ. ຕາມທ່ານແລ້ວ, ການແນະນຳປຶ້ມກ່ຽວກັບປະທານໂຮ່ຈີມິນຈະຊ່ວຍ ປະຊາຊົນສອງປະເທດ ເຂົ້າໃຈກັນຕື່ມອີກ, ຊ່ວຍລຸ້ນໜຸ່ມເຂົ້າໃຈກ່ຽວກັບປະຫວັດສາດອັນສະຫງ່າລາສີໃນການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດ.
 |
| ບັນດາຜູ້ແທນຖ່າຍຮູບເປັນທີ່ລະນຶກ |
ສອງຝ່າຍກໍ່ໄດ້ແລກປ່ຽນກ່ຽວກັບມາດຕະການຮ່ວມມືໃນໄລຍະຈະມາເຖິງ ເພື່ອແນໃສ່ຊຸກຍູ້ການເຄື່ອນໄຫວເພີ່ມທະວີນ້ຳໃຈມິດຕະພາບລະຫວ່າງປະຊາຊົນສອງປະເທດ, ພິເສດແມ່ນໃນປີ 2022 ເມື່ອສອງປະເທດສະເຫຼີມສະຫຼອງວັນສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານຄົບຮອບ 10 ປີ.
ບຸນຄົງ
