| ການນໍານະຄອນດ່ານັ້ງ ຢ້ຽມຢາມ ແລະອວຍພອນວັນຊາດ ລາວ ຄົບຮອບ 46 ປີ | |
| ວິສາຫະກິດ ອົດສະຕາລີ ຊອກຫາກາລະໂອກາດຮ່ວມມືກັບ ຫວຽດນາມ |
 |
| ຣູມານີ ຊົມເຊີຍຜົນສຳເລັດຂອງ ຫວຽດນາມ ໃນການເປັນປະທານອາຊຽນ ໃນປີ 2020 ແລະ ສະໜັບສະໜູນເປົ້າໝາຍນະໂຍບາຍການຕ່າງປະເທດຂອງ ຫວຽດນາມ ກ່ຽວກັບບົດບາດໃຈກາງຂອງ ອາຊຽນ ຢູ່ພາກພື້ນ... ພາບ: congluan.vn |
ໃນບົດຂຽນ, ທ່ານ ນາງ ເອກອັກຄະລັດຖະທູດ Cristina Romila ໄດ້ຕີລາຄາວິວັດການສ້າງຕັ້ງ ແລະ ພັດທະນາ ກໍ່ຄື ບັນດາເຫດການທີ່ເປັນຈຸດປະກາຍແຈ້ງຂອງການພົວພັນທາງການທູດລະຫວ່າງ ຣູມານີ - ຫວຽດນາມ ທີ່ໄດ້ຮັບການສ້າງຕັ້ງຂຶ້ນເມື່ອ 70 ກວ່າປີກ່ອນ (3/2/1950).
ການພົວພັນທີ່ຍາວນານລະຫວ່າງສອງປະເທດແມ່ນຄວາມມີຊີວິດຊີວາຂອງການພົວພັນຄູ່ຮ່ວມມືທີ່ໄດ້ທົດສອບໃນໄລຍະເວລາທີ່ຜ່ານມາ. ເຖິງວ່າມີໄລຍະຫ່າງທາງພູມສາດລະຫວ່າງ ຣູມານີ ແລະ ຫວຽດນາມ, ແຕ່ປະຊາຊົນສອງປະເທດ ກໍ່ຍັງມີການແບ່ງປັນຄວາມຄ້າຍຄືກັນຫຼາຍຢ່າງອີກດ້ວຍ. ນັ້ນແມ່ນບັນດາຜູ້ຄົນທີ່ມີນ້ຳໃຈເອື້ອເຟື້ອເພື່ອແຜ່, ເປັນມິດ, ຮັກແຂກແພງຄົນ, ມີຄວາມເຊື່ອໝັ້ນໃນອະນາຄົດ, ຊື່ສັດຕໍ່ອາດີດ, ຍາມໃດກໍ່ຊຸກຍູ້ສະໜັບສະໜູນໃຫ້ໂລກມີສັນຕິພາບ, ການຮ່ວມມືຫຼາຍຝ່າຍ.
ທ່ານນາງເອກອັກຄະລັດຖະທູດ ຢືນຢັນວ່າ ການພົວພັນສອງປະເທດລະຫວ່າງ ຣູມານີ ແລະ ຫວຽດນາມ ພັດທະນາບົນພື້ນຖານອັນລ້ຳຄ່າທີ່ສຸດຄື: ການແລກປ່ຽນປະຊາຊົນລະຫວ່າງ 2 ປະເທດ ເຊິ່ງໄດ້ຮັບການເຊື່ອມຕໍ່ ໂດຍນັກສຶກສາ ແລະ ນັກຄົ້ນຄ້ວາຫວຽດນາມ ນັບພັນຄົນທີ່ຮຽນຈົບມະຫາວິທະຍາໄລທີ່ມີຊື່ສຽງຂອງ ຣູມານີ.
ສິ່ງດັ່ງກ່າວ ໄດ້ສ່ອງແສງຢ່າງກົງໄປກົງມາທີສຸດກ່ຽວກັບຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງສອງປະເທດ, ພ້ອມທັງຢືນຢັນອີກເທື່ອໜຶ່ງກ່ຽວກັບກໍາລັງໜຸນໃຫ້ແກ່ອະນາຄົດທີ່ສົດໃສໃນການພົວພັນສອງປະເທດ. ປະຈຸບັນ, ນັ້ນແມ່ນຄວາມຊົງຈຳທີ່ສວຍງາມກ່ຽວກັບຄຳໝັ້ນສັນຍາຂອງ ຣູມານີ ໃນການພັດທະນາປະເທດຊາດຂອງຫວຽດນາມ, ໃນໄລຍະທີ່ມີການປ່ຽນແປງຫຼາຍຢ່າງທີ່ສໍາຄັນກ່ຽວກັບດ້ານເສດຖະກິດ ແລະ ສັງຄົມ.
ທ່ານນາງເອກອັກຄະລັດຖະທູດ ກໍ່ໄດ້ຮັບຮູ້ບັນດາຄວາມມານະພະຍາຍາມຂອງສະມາຄົມມິດຕະພາບ ຫວຽດນາມ - ຣູມານີ ໃນ 30 ປີຜ່ານມາ ແມ່ນຂົວຕໍ່ມິດຕະພາບລະຫວ່າງ 2 ປະເທດ, ນັ້ນແມ່ນຄູ່ຮ່ວມມືທີ່ຕັ້ງໜ້າ ແລະ ສະໜິດຕິດພັນເພື່ອຊຸກຍູ້ບັນດາໂຄງການຮ່ວມມື 2 ຝ່າຍ. 2 ປີຜ່ານມາ, 2 ຝ່າຍໄດ້ໜູນຊ່ວຍເຊິ່ງກັນ ແລະ ກັນຢ່າງຕັ້ງໜ້າໃນການສະກັດກັ້ນໂລກລະບາດໂຄວິດ-19, ໄດ້ສະແດງໃຫ້ເຫັນຜ່ານບັນດາການເຄື່ອນໄຫວຂອງອຳນາດການປົກຄອງທ້ອງຖິ່ນ, ສະພາແຫ່ງຊາດ ແລະ ສະມາຄົມມິດຕະພາບ ຫວຽດນາມ - ຣູມານີ ທີ່ໄດ້ໜູນຊ່ວຍຜ້າອັດປາກໃຫ້ຣູມານີ (ປີ 2020) ໂດຍຜ່ານອົງການກາແດງໃນປະເທດຣູມານີ.
ນັບແຕ່ປີ 2016 ເປັນຕົ້ນມາ, ການສົນທະນາທາງການເມືອງສອງຝ່າຍບັນລຸໄດ້ບັນດາຂີດໝາຍຫຼາຍຢ່າງສຳຄັນໂດຍຜ່ານການເຈລະຈາຂັ້ນສູງ. ການລົງນາມໃນສັນຍາການຄ້າເສລີລະຫວ່າງອີຢູ - ຫວຽດນາມ (EVFTA) ແລະ ສັນຍາອາລັກຂາການລົງທຶນ (IPA) ໃນເດືອນ 6/2019 ແມ່ນໜຶ່ງໃນບັນດາຜົນສຳເລັດໃນນະໂຍບາຍການຄ້າຂອງສະຫະພາບເອີລົບ. ໃນຖານະເປັນປະທານສະພາເອີລົບ ຣູມານີ ໄດ້ສະແດງໃຫ້ເຫັນຄວາມຕັດສິນໃຈຢ່າງຈະແຈ້ງເພື່ອນຳການຮ່ວມມືລະຫວ່າງສອງປະເທດຂຶ້ນສູ່ລະດັບສູງໃໝ່.
ຣູມານີ ແລະ ຫວຽດນາມ ສົມທົບກັນຢ່າງຕັ້ງໜ້າ ແລະ ສະໜັບສະໜູນເຊິ່ງກັນ ແລະ ກັນ ໃນສະຫະປະຊາຊາດ, ອົງການນຳໃຊ້ພາສາຝະລັ່ງ ແລະ ບັນດາເວທີປາໄສ ASEM. ຣູມານີ ສະໜັບສະໜູນ ຫວຽດນາມ ອອກສະໝັກເປັນສະມາຊິກບໍ່ປະຈຳສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021 ແລະ ບັນດາວຽກງານບຸລິມະສິດຂອງອົງການນີ້ເພື່ອມຸ່ງໄປເຖິງສັນຕິພາບ, ຄວາມໝັ້ນຄົງ ແລະ ເພີ່ມທະວີຄວາມວັດທະນາຖາວອນໃນພາກພື້ນ ແລະ ໃນໂລກ.
ຣູມານີ ຊົມເຊີຍຜົນສຳເລັດຂອງ ຫວຽດນາມ ໃນການເປັນປະທານອາຊຽນ ໃນປີ 2020 ແລະ ສະໜັບສະໜູນເປົ້າໝາຍນະໂຍບາຍການຕ່າງປະເທດຂອງ ຫວຽດນາມ ກ່ຽວກັບບົດບາດໃຈກາງຂອງ ອາຊຽນ ຢູ່ພາກພື້ນ...
ໄຊພອນ
