| ກະຊວງສາທາລະນະສຸກ ຮັບວັກຊິນກັນໂຄວິດ - 19 50.000 ໂດສ ໂດຍລັດຖະບານ ໂອຕາລິດ ມອບໃຫ້ | |
| ກະຊວງສາທາລະນະສຸກ ຮັບວັກຊິນກັນພະຍາດໂຄວິດ - 19 ຈຳນວນ 50.000 ໂດສ ຈາກ ລັດຖະບານ ໂອຕາລິດ |
 |
| ພາບປະກອບ: thanhnien.vn |
ຄາດວ່າ ແຂກທ່ອງທ່ຽວ ສ.ເກົາຫຼີ 209 ຄົນ ຈະມາຝຸກວັກໃນຖ້ຽວບິນຂອງ ບໍລິສັດການບິນ Vietjet, ພັກຜ່ອນທ່ອງທ່ຽວຢູ່ Vinpearl ເປັນເວລາ 4 ວັນ 3 ຄືນ ດ້ວຍການທ່ອງທ່ຽວແບບຄົບວົງຈອນ ນັບແຕ່ຖ້ຽວບິນຕະຫຼອດຮອດສະຖານທີ່ພັກຜ່ອນບຳລຸງສຸຂະພາບ, ບັນດາການເຄື່ອນໄຫວລະຫຼິ້ນ ບັນເທິງແບບຊັ້ນສູງຂອງເຂດທ່ອງທ່ຽວ ຝຸກວັກ United Center ໂດຍແມ່ນສະຖານທີ່ທ່ອງທ່ຽວທີ່ຕອບສະໜອງທຸກຄວາມຕ້ອງການ.
ຄະນະແຂກທ່ອງທ່ຽວບົນຖ້ຽວບິນໝາຍເລກ VJ3749 ບິນຈາກສະໜາມບິນ Incheon (ສ.ເກົາຫຼີ) ຈະເຂົ້າເມືອງຢູ່ສະໜາມບິນສາກົນ ຝຸກວັກ ໃນເວລາ 12 ໂມງຂອງວັນທີ 22 ພະຈິກ. ທຸກໆວິວັດການເດີນທາງຂອງຄະນະ ໂດຍຄູ່ຮ່ວມມືຍຸດທະສາດຂອງ Vinpearl ເຊິ່ງແມ່ນ ບໍລິສັດທ່ອງທ່ຽວ Marketing Highland ສົມທົບກັບບໍລິສັດການບິນ Vietjet ສ້າງຂຶ້ນ, ນຳບັນດາແຂກທ່ອງທ່ຽວທີ່ມີໜັງສືຜ່ານແດນວັກຊິນ ມາທ່ອງທ່ຽວຢູ່ ຝຸກວັກ United Center ຕາມການແນະນຳການຕ້ອນຮັບແຂກທ່ອງທ່ຽວສາກົນຂອງ ກະຊວງວັດທະນະທຳ, ກິລາ ແລະ ທ່ອງທ່ຽວ ແລະ ພະແນກທ່ອງທ່ຽວ ກຽນຢາງ.
ພາຍຫຼັງເຂົ້າເມືອງ, ແຂກທ່ອງທ່ຽວຈະດຳເນີນການກວດກາສຸຂະພາບຢູ່ສະໜາມບິນ, ຕິດຕັ້ງໂປແກຼມ IGOVN ແລະ PC-COVID ກ່ອນທີ່ຈະໄປຍັງໂຮງແຮມ. ໃນໄລຍະທ່ອງທ່ຽວ 4 ວັນ 3 ຄືນ, ແຂກທ່ອງທ່ຽວຈະໄດ້ຮັບການວິໄຈຫາເຊື້ອ ໂຄວິດ - 19 ໂດຍໄວ 2 ຄັ້ງ ໃນວັນທຳອິດ ແລະ ວັນສຸດທ້າຍຂອງຂະບວນການທ່ອງທ່ຽວ. ດ້ວຍຜົນເປັນລົບ, ແຂກທ່ອງທ່ຽວ ອາດຈະໄປຢ້ຽມຊົມ, ລະຫຼິ້ນບັນເທີງ, ກິນດື່ມ, ຊື້ເຄື່ອງຂອງຢູ່ທຸກສະຖານທີ່ທີ່ໜ້າສົນໃຈຢ່າງຖືກຕ້ອງຕາມວິວັດການໜັງສືຜ່ານແດນວັກຊິນ.
ພະນັກງານຮັບໃຊ້ແຂກທ່ອງທ່ຽວທີ່ມີໜັງສືຜ່ານແດນວັກຊິນ ໝົດທຸກຄົນ ລ້ວນແຕ່ໄດ້ຮັບຈັດຕັ້ງການກິນ, ຢູ່, ເຮັດວຽກຢູ່ກັບທີ່, ຈຳກັດການເດີນທາງໄປມາ, ດຳລົງຊີວິດ ເພື່ອຮັບປະກັນຄວາມປອດໄພສູງທີ່ສຸດ, ຕິດຕາມທຸກວິວັດການພົບປະກັບແຕ່ລະຄົນ, ວັດແທກອຸນຫະພູມຮ່າງກາຍກ່ອນ ແລະ ຫຼັງເຮັດວຽກໃນມື້.
ພາຍຫຼັງຮັບຄະນະແຂກທ່ອງທ່ຽວທຳອິດໃນວັນທີ 20 ພະຈິກ, ຄາດວ່າ ຝຸກວັກ ຈະຮັບ 20 ຖ້ຽວບິນສາກົນ/ເດືອນໃນໄລຍະຈະມາເຖິງ.
ບຸນຄົງ
