| ທ່ານປະທານສະພາແຫ່ງຊາດ ເວືອງດິ່ງເຫວ້ ເຂົ້າຮ່ວມວັນບຸນມະຫາສະມັກຄີທົ່ວປວງຊົນທັງຊາດ ຢູ່ ຖ໊າຍງວຽນ | |
| ທ່ານປະທານສະພາແຫ່ງຊາດ ເວືອງດິ່ງເຫວ້ ອວຍພອນວັນຊາດ ສ.ອັງໂກລາ |
 |
| ໂຮງຮຽນແຫ່ງຊາດ ເຫວ້ ໄດ້ກາຍເປັນປູຊະນີຍະສະຖານພິເສດແຫ່ງຊາດ. ພາບ: vietbao.vn |
ຕາມຂໍ້ມູນທາງປະຫວັດສາດ, ປີ 1895 ພໍ່ຖົ້າ ຫງວຽນຊິງສັກ (ບິດາຂອງປະທານ ໂຮ່ຈີມິນ) ເຂົ້າມາເມືອງ ເຫວ້ ເພື່ອສອບເສັງຂຸນນາງແຕ່ບໍ່ຜ່ານ. ຈຶ່ງກະກຽມການສອບເສັງໃນປີຕໍ່ໄປ, ພໍ່ເຖົ້າໄດ້ຂໍເຂົ້າຮຽນຢູ່ໂຮງຮຽນກວກຕືຢ໋າມ (ເຫວ້) ແລະ ກໍໄດ້ຖືກຮັບເຂົ້າຮຽນ. ເມື່ອເຂົ້າສູ່ເມືອງເຫວ້, ພໍ່ເຖົ້າຫງວຽນຊິງສັກ ໄດ້ເຊົ່າເຮືອນນ້ອຍອາໄສຢູ່ຖະໜົນ ດົ່ງບ່າ (ປະຈຸບັນແມ່ນເຮືອນອະນຸສອນປະທານ ໂຮ່ຈີມິນ ຢູ່ຖະໜົນ ມາຍທຸກລວານ, ຕາແສງ ທວນລົກ.
ພາຍຫຼັງທີ່ມີບ່ອນຢູ່ອາໄສໝັ້ນຄົງ ແລະ ເພື່ອມີເງື່ອນໄຂເບິ່ງແຍງຄອບຄົວ, ພໍ່ເຖົ້າ ຫງວຽນຊິງສັກ ໄດ້ກັບຄືນບ້ານເກີດເມືອງນອນ ເພື່ອພາ ແມ່ເຖົ້າ ຮ່ວາງທິໂລນ ຜູ້ເປັນເມຍ ແລະ ລູກຊາຍສອງຄົນຄື: ຫງວຽນຊິງຄຽມ ແລະ ຫງວຽນຊິງກຸ່ງ (ຊຶ່ງເປັນຊື່ໃນໄວເດັກຂອງ ປະທານ ໂຮ່ຈີມິນ) ເຂົ້າມາເມືອງເຫວ້.
ເດືອນພຶດສະພາ 1906, ພໍ່ເຖົ້າ ຫງວຽນຊິງສັກ ໄດ້ເຂົ້າມານະຄອນວັງເຫວ້ ເພື່ອຮັບຕຳແໜ່ງເສນາພິທີການ, ຫງວຽນຊິງກຸ່ງ ໄດ້ຕິດຕາມພໍ່ມາດຳລົງຊີວິດ ແລະ ຮ່ຳຮຽນຢູ່ໂຮງຮຽນປະຖົມຝຣັ່ງ-ຫວຽດ ດົ່ງບ່າ.
ປີ 1908, ຫງວຽນຊິງກຸ່ງ ເປັນໜຶ່ງໃນ 10 ຂອງນັກຮຽນທີ່ເກັ່ງໃນໂຮງຮຽນປະຖົມຝຣັ່ງ-ຫວຽດ ດົ່ງບ່າ ທີ່ສອບເສັງຂ້າມຂັ້ນໄດ້ເຂົ້າຮຽນຫ້ອງຮຽນຊັ້ນມັດທະຍົມຕົ້ນຂອງໂຮງຮຽນແຫ່ງຊາດ ສົກຮຽນປີ 1908-1909.
ປີ 1990, ໃນໂອກາດສະເຫຼີມສະຫຼອງຄົບຮອບ 100 ປີ ວັນຄ້າຍວັນເກີດຂອງປະທານ ໂຮ່ຈິມິນ, ພິພິດຕະພັນໂຮ່ຈີມິນ ນະຄອນເຫວ້ ຮ່ວມກັບໂຮງຮຽນແຫ່ງຊາດ ໄດ້ສ້າງຮູບປັ້ນທ່ານ ຫງວຽນເຕິດແທງ (ອີກຊື່ໜຶ່ງຂອງປະທານ ໂຮ່ຈີມິນ).
ໄຊພອນ
