| ໂຮ້ຍອານ ຈະເປີດປະຕູຢ້ຽມຊົມນັບແຕ່ວັນທີ 15 ພະຈິກ ແລະ ຫຼຸດລາຄາປີ້ລົງ 50% | |
| ໂຮ້ຍອານ ແລະ ຊາປາ ແມ່ນບັນດາສະຖານເພື່ອຖ່າຍຮູບງາມທີ່ສຸດ ຢູ່ ຫວຽດນາ |
 |
| ພາບປະກອບ: TTXVN |
ໂດຍນອນຢູ່ແຄມແມ່ນ້ຳຮ່ວາຍ, ຫ່າງຈາກນະຄອນດ່ານັ້ງ 30 ກີໂລແມັດ, ເມືອງເກົ່າໂຮ້ຍອານ ແມ່ນສະຖານທີ່ທີ່ມີຊື່ສຽງ ແລະ ດຶງດູດໃຈແຂກທ່ອງທ່ຽວພາຍໃນ ກໍ່ຄືຕ່າງປະເທດໃນຫຼາຍປີຜ່ານມາ. ຜ່ານໄລຍະປະຫວັດສາດ, ກະແສເວລາ ຄືສ້າງຄວາມງາມທີ່ສະຫງົບງຽບໃຫ້ແກ່ເມືອງເກົ່າໂຮ້ຍອານ.
ໂດຍປີ້ນກັບຕົວເມືອງທີ່ທັນສະໄໝ, ເມືອງເກົ່າໂຮ້ຍອານ ໄດ້ສ້າງຄວາມປະທັບໃຈກັບແຂກທ່ອງທ່ຽວດ້ວຍເຮືອນຫຼາຍຫຼັງທີ່ເກົ່າແກ່ ແລະ ບັນດາໂຄມໄຟທີ່ສ້າງເປັນເຄື່ອງໝາຍໂຮ້ຍອານ.
ໂດຍໄດ້ສ້າງຕັ້ງ ແລະ ພັດທະນາແຕ່ສະຕະວັດທີ 16, ເມືອງເກົ່າໂຮ້ຍອານ ເຄີຍແມ່ນໜຶ່ງໃນບັນດາທ່າກ່ຳປັ່ນການຄ້າສາກົນທີ່ຄຶກຄື້ນໜາແໜ້ນທີ່ສຸດໃນພາກພື້ນ.
ນັບແຕ່ໄລຍະສະຕະວັດທີ 16, ນີ້ິ້ແມ່ນສະຖານທີ່ເຕົ້າໂຮມສິນຄ້າຂອງບັນດາພໍ່ຄ້າທີ່ມາຈາກຈີນ, ຍີ່ປຸ່ນ, ໂຮນລັງ, ອິນເດຍ, ແອັດສະປາຍ… ເພາະສະນັ້ນ, ບັນດາໂຄງການສະຖາປັດຕະຍະກຳ ແລະ ຄຸນຄ່າວັດທະນະທຳຂອງເມືອງເກົ່າໂຮ້ຍອານ ຈິ່ງມາຈາກພື້ນຖານວັດທະນະທຳ ຕາເວັນອອກ - ຕາເວັນຕົກ.
ເມືອງເກົ່າໂຮ້ຍອານ ມີຊື່ສຽງດ້ວຍສະຖາປັດຕະຍາກຳທີ່ເປັນແບບຢ່າງກ່ຽວກັບທ່າກ່ຳປັ່ນທີ່ເປັນມູນເຊື້ອຂອງ ພາກພື້ນອາຊີຕາເວັນອອກສ່ຽງໃຕ້ ແລະ ມາຮອດປັດຈຸບັນ ຍັງຄົງຮັກສາໄດ້ເກືອບທັງໝົດ. ບັນດາສະຖາປັດຕະຍະກຳ, ຄວາມເຊື່ອຖື, ສາສະໜາ ແລະ ຄຸນຄ່າວັດທະນະທຳຂອງເມືອງເກົ່າ ໂຮ້ຍອານ ແມ່ນຫຼັກຖານທີ່ມີຊີວິດຊີວາທີ່ສຸດໃຫ້ແກ່ວິວັດການສ້າງຕັ້ງ, ພັດທະນາ ແລະ ທັງແມ່ນຄວາມຫຼົ້ມສະຫຼາຍຂອງ ເມືອງເກົ່າ.
ເມື່ອມາເຂດເມືອງເກົ່າທີ່ສວຍງາມນີ້, ເຮົາສາມາດຮູ້ສຶກໄດ້ເຖິງຄວາມເປັນຫຼາຍຮູບແບບ, ເຕັມໄປດ້ວຍສີລະປະ ແລະ ຈຸດເກົ່າແກ່ ດ້ວຍເຮືອນຫຼາຍຫຼັງທີ່ໄດ້ປຸກສ້າງລຽນຕິດກັນ ໂດຍມີລັກສະນະທີ່ເປັນເອກະລັກສະເພາະຂອງສະຖາປັດຕະນະກຳຂອງພື້ນຖານວັດທະນະທຳທີ່ແຕກຕ່າງກັນ.
ເມື່ອຍ່າງຢູ່ເມືອງເກົ່າໂຮ້ຍອານ, ແຂກທ່ອງທ່ຽວຈະມີໂອກາດຢ້ຽມຊົມວັດທີ່ໄດ້ສ້າງຕັ້ງຂຶ້ນມາແຕ່ຫຼາຍຮ້ອຍປີ ຄື: ວັດເກົ່າ, ວັດເຟືອກເລິມ, ວັດວ້ານດຶກ, ຊົມບັນດາກິດຈະກຳຮ້ານອາຫານ, ວິຫານມຽວຂອງຊາວຈີນ ດ້ວຍສະຖາບັດຕະຍະກຳທີ່ມີຄວາມພິຖິພິຖັນ ແລະ ມີຫຼາຍສີ.
ຕັ້ງຢູ່ຂ້າງກັນນັ້ນ ແມ່ນບັນດາຫຼັງຄາເຮືອນທີ່ມີຈຸດທີ່ເປັນມູນເຊື້ອຂອງຊາວຫວຽດນາມ ແລະ ເຮືອນຫຼັງຕ່າງໆທີ່ເຕັມໄປດ້ວຍ style ເກົ່າແກ່ຂອງຝລັ່ງ. ບໍ່ພຽງແຕ່ແມ່ນຫໍພິພິທະພັນຂອງບັນດາໂຄງການສະຖາປັດຕະນະກຳເທົ່ານັ້ນ, ຄຸນຄ່າດ້ານວັດທະນະທຳຂອງ ເມືອງເກົ່າໂຮ້ຍອານ ຍັງນອນໃນພື້ນຖານວັດທະນະທຳບໍ່ເປັນວັດຖຸທີ່ອຸດົມສົມບູນ ແລະ ເປັນຫຼາຍຮູບແບບ.
ຜ່ານການຜັນແປຫຼາຍຢ່າງຈາກຍຸກສະໄໝ, ແຕ່ການດຳລົງຊີວິດປະຈຳວັນຂອງ ປະຊາຊົນຢູ່ເມືອງເກົ່າໂຮ້ຍອານ ຍັງຮັກສາໄດ້ຈຸດຄວາມງາມເບື້ອງຕົ້ນ ແລະ ຫຼີກລ້ຽງຈາກຄວາມອຶກກະທຶກຂອງສັງຄົມ. ບັນດາເມືອງເກົ່າ ໄດ້ສ້າງຂຶ້ນຕາມຮູບກະດານໝາກລຸກ, ຢູ່ລຽບຕາມແຄມແມ່ນ້ຳ ແລະ ຢູ່ປິ່ນອ້ອມເຮືອນຕ່າງໆ. ທຸກສິ່ງທຸກຢ່າງຄືສ່ອງແສງການດຳລົງຊີວິດແບບລຽບງ່າຍ, ຄ່ອຍເປັນຄ່ອຍໄປ ແລະ ຄວາມເມດຕາຂອງປະຊາຊົນຢູ່ແຫ່ງນີ້.
ເບິ່ງຢູ່ໄກ, ເມືອງເກົ່າຄືນອນໃນເຂດບັນຍາກາດທີ່ເລືອນລາງ ຍ້ອນມີໂຄມໄຟນັບພັນອັນ ລຽບຕາມຖະໜົມ, ເຮືອນຊານ ແລະ ສອງຟາກແຄມແມ່ນ້ຳ. ຕາມນິຍາມຂອງຊາວທ້ອງຖິ່ນ, ເລື່ອງລອຍກະທົງ ເໝືອນດັ່ງການປ່ອຍບັນດາຄວາມອິດເມື່ອຍ ແລະ ນຳມາເຊິ່ງຄວາມຮູ້ສຶກສະບາຍໃຈ, ມີຄວາມສຸກ.
ໃນການພັດທະນາຂອງການດຳລົງຊີວິດໃນປັດຈຸບັນ, ບັນດາໝູ່ບ້ານດັ້ງເດີມ, ປະຊາຊົນຢູ່ແຫ່ງນີ້ຍັງຄົງຮັກສາໄວ້ ແລະ ພັດທະນາຄື ໝູ່ບ້ານໄມ້ ກິມບົ່ງ, ຜັກຈ່າເກ໊, ເຄື່ອງປັ້ນດິນເຜົາແທັງຮ່າ.
ບັນດາວຽກງານໄດ້ຕິດພັນກັບຫຼາຍລຸ້ນຄົນ, ລ້ຽງບໍ່ຈັກວ່າເທົ່າໃດຄົນ ແລະ ແມ່ນຄວາມເອກອ້າງທະນົງໃຈຂອງປະຊາຊົນແຕ່ລະຄົນຢູ່ແຫ່ງນີ້. ປັດຈຸບັນ, ນີ້ຍັງແມ່ນສະຖານທີ່ເກັບຮັກສາບັນດາຄຸນຄ່າວັດທະນະທຳຂອງ ເມືອງເກົ່າໂຮ້ຍອານ ແລະ ດຶງດູດແຂກທ່ອງທ່ຽວມາຢ້ຽມຊົມ ເພື່ອເຂົ້າໃຈແຈ້ງກ່ຽວກັບອາຊີບທີ່ເປັນມູນເຊື້ອຂອງຊາດ.
ຮູບແບບເຄື່ອງຕ່ຳແຜ່ນຕັດຫຍິບ, ຮູບຜູ້ສາວເຂດຊົນນະບົດຕ່ຳແຜ່ນ… ໃນບັນຍາກາດບ້ານເກີດເກົ່າຢູ່ ຫໍພິພິທະພັນວັດທະນະທຳ ໂຮ້ຍອານ ຫຼື ໃນຂອບເຂດຂອງບໍລິສັດໝູ່ບ້ານແພໄໝໂຮ້ຍອານກໍ່ແມ່ນຈຸດໃໝ່ທີ່ເປັນໜ້າຄົ້ນຫາ ເມື່ອມາທ່ອງທ່ຽວຢູ່ເມືອງເກົ່າໃນຊຸມປີມໍ່ໆມານີ້.
ບຸນຄົງ
