| ໂຮ້ຍອານ ແລະ ຊາປາ ແມ່ນບັນດາສະຖານເພື່ອຖ່າຍຮູບງາມທີ່ສຸດ ຢູ່ ຫວຽດນາ | |
| ອັດການເຄື່ອນໄຫວ “ຊຸມວັນແຫ່ງວັດທະນະທຳ ສ.ເກົາຫຼີ ຢູ່ ກ໋ວາງນາມ, ໂຮ້ຍອານ 2021” |
 |
| ພາບປະກອບ: ໂຮ້ຍອານ |
ຢູ່ເຂດເມືອງເກົ່າ, ຈະຈັດຕັ້ງຄືນບັນດາການເຄື່ອນໄຫວຄື “ຖະໜົນຄົນຍ່າງ ແລະ ລົດທີ່ບໍ່ມີເຄື່ອງຈັກ”, “ຖະໜົນກາງຄືນ”, ເຄື່ອນໄຫວຕາມຄຳແນະນຳຢ້ຽມຊົມຢູ່ເຂດເມືອງເກົ່າ ໂຮ້ຍອານ, ໝູ່ບ້ານເຄື່ອງປັ້ນດິນເຜົາ ແທັງຮ່າ, ໝູ່ບ້ານຜັກ ຈ່າເກ໊, ເຂດມໍລະດົກປະຫວັດສາດ ປ່າໝາກພ້າວ ໄບເມົາ ແລະ ເກາະ ກູ່ລາວຈ່າມ. ເພື່ອຈັດຕັ້ງການຢ້ຽມຊົມທ່ອງທ່ຽວ, ສູນວັດທະນະທຳກິລາ ແລະ ວິທະຍຸກະຈາຍສຽງ ແລະ ໂທລະພາບ ໂຮ້ຍອານ ໄດ້ສະເໜີໂຄງການທ່ອງທ່ຽວ ໃນຕອນກາງເວັນ ແລະ ກາງຄືນ, ບັນດາຈຸດພັກ, ຈຸດຮັບແຂກ ແລະ ຄັດເລືອກບັນດາສະຖານທີ່ຮ່ອງຮອຍປະຫວັດສາດໃນ Tour ທ່ອງທ່ຽວ ທີ່ຮັບປະກັນຄວາມຮຽກຮ້ອງຕ້ອງການຕາມຫຼັກການທ່ອງທ່ຽວທີ່ປອດໄພ”.
ໂຮ້ຍອານ ຈະຫຼຸດຄ່າປີ້ທ່ອງທ່ຽວເຂດເມືອງເກົ່າ ແລະ ບັນດາໝູ່ບ້ານຫັດຖະກຳລົງ 50%, ຈັດຕັ້ງບັນດາການເຄື່ອນໄຫວວັດທະນະທຳ - ສະແດງສິລະປະ, ເຫດການ, ງານບຸນທີ່ດຶງດູດໃຈ ເພື່ອຮັບໃຊ້ຄວາມຕ້ອງການລະຫຼິ້ນບັນເທິງຂອງປະຊາຊົນ ແລະ ແຂກທ່ອງທ່ຽວ, ບັນດາວິສາຫະກິດທ່ອງທ່ຽວ, ສະຖານທີ່ພັກເຊົາ, ສະຖານທີ່ຢ້ຽມຊົມ… ກໍ່ໄດ້ມີຫຼາຍໂປໂມຊັນໃຫ້ແກ່ແຂກທ່ອງທ່ຽວໃນໂອກາດນີ້.
ໂຮ້ຍອານໄດ້ຂຶ້ນແຜນ ເພື່ອແນໃສ່ຮັບປະກັນຄວາມປອດໄພການທ່ອງທ່ຽວໃນສະພາບການປົກກະຕິແບບໃໝ່, ປະຕິບັດຢ່າງຖືກຕ້ອງຕາມຄວາມຮຽກຮ້ອງຕ້ອງການຂອງ “ປະມວນມາດຖານການທ່ອງທ່ຽວທີ່ປອດໄພ” ໃນບໍລິເວນນະຄອນ, ມຸ່ງໄປເຖິງເປົ້າໝາຍ ໂຮ້ຍອານ “ການທ່ອງທ່ຽວສີຂຽວ”, ຈັດຕັ້ງບັນດາໂຄງການທ່ອງທ່ຽວແບບຄົບວົງຈອນໃຫ້ແກ່ແຂກທ່ອງທ່ຽວສາກົນ ຕອບສະໜອງຄວາມຮຽກຮ້ອງຕ້ອງການກ່ຽວກັບການເຂົ້າເມືອງ ແລະ ແຍກຕົວດ້ານສາທາລະນະສຸກຢ່າງຄົບຊຸດ.
ທ່ານ ຟານຊວັນແທັງ - ປະທານສະຫະສະມາຄົມການທ່ອງທ່ຽວ ກ໋ວາງນາມ ໃຫ້ຮູ້ວ່າ: “ເປີດປະຕູຕ້ອງຄັດເລືອກບຸກຄະລາກອນ, ເຄື່ອນໄຫວຄືນກົງຈັກ ແລະ ພິເສດແມ່ນຕ້ອງມີຄ່າໃຊ້ຈ່າຍຂອບຂະໜາດໃຫຍ່… ນັ້ນແມ່ນຍັງບໍ່ທັນເວົ້າເຖິງຄວາມເປັນຫ່ວງ ເມື່ອໂລກລະບາດໂຄວິດ - 19 ຍັງມີການຜັນແປຢ່າງສັບສົນຢູ່ຫຼາຍທ້ອງຖິ່ນ, ໃນນັ້ນມີ ກ໋ວາງນາມ”.
ບຸນຄົງ
