 |
| ພາບປະກອບ: TTXVN |
ວັນທີ 18 ພະຈິກ, ໂດຍຕອບຄຳຖາມກ່ຽວກັບແຜນການເຊື່ອມຕໍ່ບັນດາຖ້ຽວບິນການຄ້າ, ບັນດາຖ້ຽວບິນສາກົນຂອງ ຫວຽດນາມ ໃນໄລຍະຈະມາເຖິງ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ໃຫ້ຮູ້ວ່າ ວັນທີ 8 ພະຈິກ ທີ່ຜ່ານມາ, ກະຊວງຄົມມະນາຄົມ ແລະ ຂົນສົ່ງໄດ້ຍື່ນສະເໜີຕໍ່ລັດຖະບານແຜນການເຊື່ອມຕໍ່ບັນດາຖ້ຽວບິນສາກົນກັບບັນດາປະເທດຕາມຂັ້ນຕອນ ແຕ່ນີ້ຮອດໄຕມາດທີ 3 ປີ 2022 ເພື່ອແນໃສ່ແກ້ໄຂຄວາມຫຍຸ້ງຍາກ ໃຫ້ແກ່ບັນດາວິສາຫະກິດການບິນ, ຊຸກຍູ້ວິວັດການຟື້ນຟູເສດຖະກິດ, ການທ່ອງທ່ຽວໃຫ້ແກ່ບັນດາທ້ອງຖິ່ນ ແລະ ໃນທົ່ວປະເທດເວົ້າລວມ, ສ້າງເງື່ອນໄຂສະດວກ, ຕອບສະໜອງຄວາມຕ້ອງການໃນການເດີນທາງໄປມາໃຫ້ແກ່ປະຊາຊົນ ຜ່ານເທື່ອລະກ້າວ, ເພີ່ມທະວີການເຊື່ອມໂຍງເຂົ້າກັບສາກົນໃນສະພາບປົກກະຕິແບບໃໝ່.
ໄລຍະຜ່ານມາ, ລັດຖະບານໄດ້ເຫັນດີກັບຂໍ້ສະເໜີຂອງ ກະຊວງການຕ່າງປະເທດ ຫວຽດນາມ ໃນການນຳໃຊ້ໜັງສືຜ່ານແດນວັກຊິນ, ເປີດກວ້າງເປົ້າໝາຍເຂົ້າເມືອງ ຫວຽດນາມ ທີ່ມີໜັງສືຜ່ານແດນວັກຊິນ, ໃນນັ້ນມີຊາວຫວຽດນາມ ອາໄສຢູ່ຕ່າງປະເທດ, ພໍ່ແມ່ພີ່ນ້ອງກັບເມືອປະເທດ ທີ່ມີຄວາມຕ້ອງການກັບເມືອປະເທດຢ້ຽມຢາມພໍ່ແມ່ພີ່ນ້ອງ, ທ່ອງທ່ຽວ…
ກະຊວງການຕ່າງປະເທດພວມສົມທົບກັບບັນດາອົງການທີ່ມີໜ້າທີ່ຮັບຜິດຊອບທີ່ກ່ຽວຂ້ອງ ເພື່ອແນະນຳການໝູນໃຊ້ໃນຈຸດເວລາທີ່ເໝາະສົມ.
ບຸນຄົງ
