“ຫວຽດນາມປາດຖະໜາຢາກຢືນຢັນບົດບາດເປັນກາງຢູ່ພາກພື້ນອິນເດຍ-ປາຊີຟິກ” ແມ່ນຫົວຂໍ້ຂອງບົດຂຽນໃນໜັງສືພິມລາຍວັນ “Humanité” (ມະນຸດສະທຳ) ຂອງພັກກອມມູນິດຝະລັ່ງ. ຕາມບົດຂຽນແລ້ວ, ການຢ້ຽມຢາມຂອງທ່ານນາຍົກລັດຖະມົນຕີ ຟ້າມມິງຈີງ ໄດ້ສົ່ງສານທີ່ວ່າ ຫວຽດນາມພ້ອມແລ້ວທີ່ຈະກັບສູ່ພື້ນຖານເສດຖະກິດຄືນໃໝ່ພາຍຫຼັງໂລກລະບາດ Covid-19, ຄຽງຄູ່ກັບການເລືອກເຟັ້ນ ຝລັ່ງ ເປັນສະຖານທີ່ໄປຢ້ຽມຢາມຄັ້ງທຳອິດຢ່າງເປັນທາງການ; ແລະ ບັນດາຫຼາຍລາຍການເຮັດວຽກກັບບັນດາວິສາຫະກິດ ແລະ ບັນດາກຸ່ມເສດຖະກິດຝລັ່ງ, ສະແດງໃຫ້ເຫັນນະໂຍບາຍ “ເທົ່າທຽມກັນ” ຂອງຫວຽດນາມ ທັງໃນດ້ານການເມືອງ ແລະ ເສດຖະກິດ.
 |
| ທ່ານນາຍົກລັດຖະມົນຕີ ຟ້າມມິງຈີງ. ພາບ: soha.vn |
ຕາມໜັງສືພິມ “Humanité” ແລ້ວ, ຫວຽດນາມ ສາມາດໄດ້ຮັບການໜູນຊ່ວຍຈາກ ຝະລັ່ງ ເພື່ອກາຍເປັນເສົາຄ້ຳເປັນກາງໃນການພົວພັນລະຫວ່າງ ອາຊີ - ເອີລົບ ໃນສະພາບການແຂ່ງຂັນດ້ານພູມສາດການເມືອງທີ່ນັບມື້ນັບສັບສົນຢູ່ພາກພື້ນ ອິນເດຍ - ປາຊີຟິກ.
ໜັງສືພິມກ່ຽວກັບທາງດ້ານເສດຖະກິດ "La Tribune" ໃຫ້ຮູ້ວ່າ ການຢ້ຽມຢາມຂອງທ່ານນາຍົກລັດຖະມົນຕີ ຟ້າມມິງຈີງ ຈະເປີດກາລະໂອກາດດ້ານການຄ້າ, ສັນຍາໃຫຍ່ຫຼາຍສະບັບ ອາດຈະໄດ້ຮັບການລົງນາມ ຢູ່ ປາຣີ ໃນຂົງເຂດການເດີນອາກາດຈັກກະວານ, ພື້ນຖານໂຄງລ່າງ, ພະລັງງານທົດແທນ, ການປ່ຽນແປງຂອງດິນຟ້າອາກາດ ແລະ ເຕັກໂນໂລຢີສູງ. ການເພີ່ມທະວີການຮ່ວມມືດ້ານເສດຖະກິດກັບຝະລັ່ງ ຈະຊ່ວຍໃຫ້ຫວຽດນາມ ເຂົ້າສູ່ຕະຫຼາດເອີລົບຢ່າງເລິກເຊິ່ງກວ້າງຂວາງ, ພິເສດແມ່ນບັນດາຜະລິດຕະພັນກະສິກຳ ແລະ ຊັບພະຍາກອນນ້ຳ, ຄື: ເຂົ້າ, ກາເຟ, ກຸ້ງ.
ຕາມໜັງສືພິມເອເລັກໂຕນີກ “Triloguenews” ແລ້ວ, ຫວຽດນາມ ພວມຢັ້ງຢືນທີ່ຕັ້ງຂອງຕົນ ໃນເວທີສາກົນ, ປະຕິບັດຕາມທິດຫັນເປັນຫຼາຍຝ່າຍ ແລະ ຫັນເປັນຫຼາຍຮູບຫຼາຍແບບ.
ຄຳຮຸ່ງ
