ທ່ານພົນເອກ ຟານວັນຢາງ ສົນທະນາທາງໄກກັບລັດຖະມົນຕີປ້ອງກັນປະເທດອົດສະຕາລີ

	ທ່ານພົນເອກ ໂດ້ບ໊າຕິ ຮອງປະທານສະພາແຫ່ງຊາດໄດ້ຕ້ອນຮັບຄະນະຜູ້ແທນຄະນະກໍາມາທິການການທະຫານສະພາຕ່ຳສະຫະລັດອາເມລິກາ
	ທ່ານພົນເອກ ໂງຊວນລິກ ຢ້ຽມຢາມ ແລະເຮັດວຽກຢູ່ ສປປ ລາວ

ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ທີ່ການສົນທະນາທາງໄກ. ພາບ: qdnd.vn.

ທີ່ການສົນທະນາ, ທ່ານລັດຖະມົນຕີ ຟານວັນຢາງ ເນັ້ນໜັກວ່າ ເຖິງວ່າໄດ້ຮັບຜົນສະທ້ອນຈາກພະຍາດໂຄວິດ-19 ກໍ່ຕາມ ແຕ່ຫວຽດນາມ ແລະອົດສະຕາລີ ຍັງສືບຕໍ່ຮັກສາ, ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດເວົ້າລວມ ແລະການພົວພັນຮ່ວມມືດ້ານປ້ອງກັນຊາດເວົ້າສະເພາະ; ທ່ານ ສະແດງຄວາມເຊື່ອໝັ້ນວ່າ ຜົນການສົນທະນາທາງໄກຈະປະກອບສ່ວນຮັດແໜ້ນການພົວພັນຮ່ວມມືດ້ານປ້ອງກັນຊາດກວ່າອີກ, ປະກອບສ່ວນສໍາຄັນເຂົ້າໃນການພົວພັນລວມລະຫວ່າງສອງປະເທດ.

ສ່ວນທ່ານລັດຖະມົນຕີປ້ອງກັນປະເທດອົດສະຕາລີ ຢັ້ງຢືນວ່າ ຫວຽດນາມ ແມ່ນຄູ່ຮ່ວມມືສໍາຄັນຂອງອົດສະຕາລີ; ສະແດງຄວາມປິຕິຊົມຊື່ນເມື່ອເຫັນວ່າສອງຝ່າຍໄດ້ແບ່ງປັນຫຼາຍທັດສະນະ ແລະວິໄສທັດລວມ. ທ່ານ Peter Dutton ຕີລາຄາສູງຜົນການພົວພັນຮ່ວມມືດ້ານປ້ອງກັນຊາດໃນໄລຍະຜ່ານມາລະຫວ່າງສອງຝ່າຍ, ໂດຍສະເພາະແມ່ນການຮັກສາການພົບປະແລກປ່ຽນ, ເສີມຂະຫຍາຍກົນໄກເຈລະຈາຢ່າງມີປະສິດທິຜົນ; ຊຸກຍູ້ການຮ່ວມມືກ່ຽວກັບການບໍາລຸງສ້າງ, ແລກປ່ຽນບົດຮຽນລະຫວ່າງເຫຼົ່າທັບ, ເຫຼົ່າຮົບ, ຮັກສາສັນຕິພາບ ສປຊ.

ທ່ານລັດຖະມົນຕີ Peter Dutton ຢັ້ງຢືນວ່າ ອົດສະຕາລີ ຈະສືບຕໍ່ໜູນຊ່ວຍຫວຽດນາມ ຂົນສົ່ງແພດທະຫານຂອງໂຮງໝໍສະໜາມຂັ້ນ 2 ໄປຍັງຄະນະປະຕິບັດງານຮັກສາສັນຕິພາບ ສປຊ ຢູ່ຊູດັງໃຕ້ ໃນປີ 2022 ແລະຖ້າຫາກເງື່ອນໄຂເອື້ອອຳນວຍ, ຈະສືບຕໍ່ຮັກສາການໜູນຊ່ວຍທີ່ຈໍາເປັນໃຫ້ແກ່ການສົ່ງແພດທະຫານຄັ້ງຕໍ່ໄປຂອງຫວຽດນາມ.

ໃນໄລຍະຈະມາເຖິງ, ລັດຖະມົນຕີສອງທ່ານ ເຫັນດີເປັນເອກະພາບສືບຕໍ່ຮັກສາກົນໄກເຈລະຈາຕ່າງໆ; ແລກປ່ຽນບົດຮຽນກ່ຽວກັບທະຫານເຮືອ, ທະຫານອາກາດ, ທະຫານບົກ, ເສນາຮັກ, ແກ້ໄຂຜົນຮ້າຍຢ້ອນຫຼັງຈາກສົງຄາມ... ພ້ອມທັງ, ເປີດກວ້າງການຮ່ວມມືໃນຂົງເຂດທີ່ສອດຄ່ອງກັບຄວາມຕ້ອງການ ແລະຄວາມສາມາດຂອງແຕ່ລະຝ່າຍ, ຄື: ຄວາມໝັ້ນຄົງທາງເຄືອຂ່າຍອິນເຕີເນັດ, ອຸດສາຫະກໍາປ້ອງກັນຊາດ...