| ສ.ເກົາຫຼີ ມອບວັກຊີນ AstraZeneca ໃຫ້ຫວຽດນາມ 1,1 ລ້ານໂດສ | |
| Operation Smile Vietnam ລະດົມກອງທຶນໄດ້ກວ່າ 2 ຕື້ດົ່ງເພື່ອຊື້ອຸປະກອນການແພດໜູນຊ່ວຍ ຫວຽດນາມຕ້ານການລະບາດຂອງພະຍາດໂຄວິດ -19 |
ໃນຈົດໝາຍຂອບໃຈ, ທ່ານປະທານສະພາແຫ່ງຊາດ ເວືອງດີ່ງເຫ້ວ ຊີ້ແຈ້ງວ່າ: ກະຊວງການຕ່າງປະເທດ, ກະຊວງສາທາລະນະສຸກ ແລະ ບັນດາອົງການທີ່ກ່ຽວຂ້ອງຂອງຫວຽດນາມ ພວມປະຕິບັດບັນດາຂັ້ນຕອນທີ່ຈຳເປັນເພື່ອຊື້ ແລະ ຮັບວັກຊີນກັນພະຍາດ COVID-19 ດັ່ງກ່າວໃນໄລຍະຈະມາເຖິງໂດຍໄວທີ່ສຸດ.
 |
| ທ່ານປະທານສະພາແຫ່ງຊາດ ເວືອງດີ່ງເຫ້ວ. (ພາບ: TTXVN) |
ທ່ານປະທານສະພາແຫ່ງຊາດ ເວືອງດີ່ງເຫ້ວ ສະແດງຄວາມປິຕິຊົມຊື່ນທີ່ເຫັນວ່າ ສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງຫວຽດນາມ ແລະ ລັດເວຍ, ລະຫວ່າງສະພາແຫ່ງຊາດຂອງສອງປະເທດ ໄດ້ຮັບການເພີ່ມພູນຄູນສ້າງ ແລະ ພັດທະນາຢ່າງດີງາມ ທ່ານປະທານສະພາແຫ່ງຊາດ ເວືອງດີ່ງເຫ້ວ ຂຽນວ່າ “ການຊຸກຍູ້ຂອງສະພາແຫ່ງຊາດ ລັດເວຍ ເພື່ອໃຫ້ລັດຖະບານຕົກລົງມອບໂອນຈຳນວນວັກຊີນກັນພະຍາດ COVID-19 ດັ່ງກ່າວ ໃຫ້ແກ່ຫວຽດນາມໃນຊ່ວງເວລາທີ່ຫຍຸ້ງຍາກນີ້ ແມ່ນເປັນການສະແດງເຖິງການກະທຳເພື່ອຄວາມຍຸຕິທຳອັນດີງາມ ທີ່ສະພາແຫ່ງຊາດ, ລັດຖະບານ ແລະ ປະຊາຊົນ ລັດເວຍ, ໄດ້ແບ່ງປັນໃຫ້ແກ່ຫວຽດນາມ.
ກ່ອນໜ້ານັ້ນ, ທ່ານປະທານສະພາແຫ່ງຊາດຫວຽດນາມ ເວືອງດີ່ງເຫ້ວ ກໍ່ໄດ້ສົ່ງຈົດໝາຍເຖິງປະທານສະພາແຫ່ງຊາດບັນດາປະເທດ EU ທີ່ເຂົ້າຮ່ວມກອງປະຊຸມປະທານສະພາແຫ່ງຊາດໂລກຄັ້ງທີ 5 ທີ່ຫາກໍ່ຈັດຂຶ້ນຢູ່ Austria ໃນເດືອນກັນຍາ 2021 ເພື່ອສະໜັບສະໜູນຫວຽດນາມ ໃນການປ້ອງກັນ ແລະ ຄວບຄຸມ Covid-19. ຕໍ່ມາ, ສະພາແຫ່ງຊາດ ລັດເວຍ ປະກາດກ່ຽວກັບ ລັດເວຍ ມີແຜນການມອບໂອນວັກຊິນ AstraZeneca ຫຼາຍກວ່າ 200,000 ໂດລາໃຫ້ກັບຫວຽດນາມ.
ຄຳຮຸ່ງ
