| ກ່ຳປັ່ນຕູ້ຄອນເທນເນີທົດລອງທີ 2 ຂອງບໍລິສັດກ່ຳປັ່ນທະເລໃຫຍ່ທີ່ສຸດໃນໂລກເຂົ້າທຽບທ່າກ໊າຍເລິນ | |
| ມີຫຼາຍການເຄື່ອນໄຫວສະເຫຼີມສະຫຼອງ 60 ປີແຫ່ງວັນເປີດເສັ້ນທາງ ໂຮ່ຈີມິນໃນທະເລ |
 |
| ພາບປະກອບ: baonghean.vn |
ການວາງແຜນຜັງໂດຍທ່ານນາຍົກລັດຖະມົນຕີ ໄດ້ໃຫ້ສັດຕະຍາບັນ ຢູ່ຂໍ້ຕົກລົງເລກທີ 1579/ QĐ-TTg ລົງວັນທີ 22 ກັນຍາ 2021. ແຜນຜັງຕັ້ງເປົ້າໝາຍຮອດປີ 2030, ລະບົບທ່າກ່ຳປັ່ນ ຫວຽດນາມ ຕອບສະໜອງການຜ່ານສິນຄ້າທີ່ມີນ້ຳໜັກແຕ່ 1,1 – 1,4 ຕື້ໂຕນ. ໃນນັ້ນສິນຄ້າຄອນເທນເນີ ຈາກ 38 – 47 ລ້ານ TEU, ຜູ້ໂດຍສານ ແຕ່ 10,1 – 10,3 ລ້ານເທື່ອຄົນ.
ຮອດປີ 2050, ພັດທະນາລະບົບທ່າກ່ຳປັນທະເລ ຢ່າງຄົບຊຸດ, ມີຄວາມທັນສະໄໝຢູ່ລະດັບພາກພື້ນ ແລະ ໂລກ ດ້ວຍກຳລັງຄວາມສາມາດແມ່ນຕອບສະໜອງຄວາມຕ້ອງການນຳສິນຄ້າຜ່ານດ່ານ ດ້ວຍອັດຕາເຕີບໂຕໄລ່ສະເລ່ຍ ປະມານ 4 – 4,5%/ປີ, ຜູ້ໂດຍສານກໍ່ມີການເຕີບໂຕໄລ່ສະເລ່ຍແຕ່ 1,2 – 1,3%/ປີ.
ແຫຼ່ງກຳລັງໃຫ້ການພັດທະນາທ່າກ່ຳປັ່ນໄລຍະນີ້ໄດ້ລະດົມຈາກແຫຼ່ງກຳລັງຢູ່ນອກງົບປະມານກວມເອົາເຖິງ 95% ຍອດຈຳນວນ 313.000 ຕື້ດົ່ງ ຄວາມຕ້ອງການການລົງທຶນເຂົ້າທ່າກ່ຳປັ່ນ. ທຶນງົບປະມານພຽງແຕ່ສຸມໃສ່ໃຫ້ແກ່ພື້ນຖານໂຄງລ່າງສາທາລະນະ, ເຂດຈຸດສຸມ, ສ້າງກຳລັງໜູນໃນການແຜ່ກະຈາຍ ແລະ ດຶງດູດເງິນລົງທຶນ.
ການວາງແຜນຜັງກໍ່ໃຫ້ບຸລິມະສິດບັນດາທ່າກ່ຳປັ່ນທະເລປະຕູເຂົ້າອອກສາກົນ, ທ່າກ່ຳປັ່ນທະເລທີ່ມີຂອບຂະໜາດໃຫຍ່ຮັບໃຊ້ໃຫ້ແກ່ການພັດທະນາເສດຖະກິດ ສັງຄົມຂອງທົ່ວປະເທດ ຫຼືລະຫວ່າງເຂດ, ບັນດາທ່າກ່ຳປັ່ນຮັບແຂກສາກົນ ຕິດພັນກັບບັນດາເຂດກຳລັງໜູນພັດທະນາການທ່ອງທ່ຽວ, ບັນດາທ່າກ່ຳປັ່ນ ທີ່ມີຂອບຂະໜາດໃຫຍ່ ຢູ່ເຂດເສດຖະກິດ, ເຂດອຸດສາຫະກຳ.
ໃນວິວັດການວາງແຜນຜັງ, ກະຊວງຄົມມະນາຄົມ ແລະ ຂົນສົ່ງ ໄດ້ສົມທົບກັນຢ່າງແໜ້ນແຟ້ນ ແລະ ຮັບເອົາຄຳເຫັນຈາກບັນດາກະຊວງ, ຂະແໜງການ, ທ້ອງຖິ່ນ ພ້ອມກັບນັກຊ່ຽວຊານ, ນັກວິທະຍາສາດ ເພື່ອຮັບປະກັນຄວາມຄົບຊຸດ ລະຫວ່າງແຜນຜັງທ່າກ່ຳປັ່ນ ດ້ວຍບັນດາການວາງແຜນຜັງຂະແໜງແຫ່ງຊາດທີ່ກ່ຽວຂ້ອງ.
ບຸນຄົງ
