 |
| ທ່າກ໊າຍເລິນ (ພາບ: baoquangninh.com.vn) |
ນີ້ແມ່ນຖ້ຽວກ່ຳປັ່ນທົດລອງທີ 2 ຂອງບໍລິສັດ ກ່ຳປັ່ນ MAERSK LINE ໜຶ່ງໃນບັນດາບໍລິສັດກ່ຳປັ່ນໃຫຍ່ທີ່ສຸດຂອງໂລກ ເພື່ອແນໃສ່ຕີລາຄາປະສິດທິຜົນຂອງເສດຖະກິດ, ມຸ່ງໄປເຖິງການເປີດບັນດາຖ້ຽວກ່ຳປັ່ນຄອນເທນເນີ ສາກົນມາຜ່ານທ່າກ່ຳປັ່ນ ກ໊າຍເລິນ.
ກ່ອນໜ້ານັ້ນ, ໂດຍປະຕິບັດໂຄງການທົດລອງຂອງແຂວງທີ່ໄດ້ວາງອອກ, ດ້ວຍການສ້າງເງື່ອນໄຂໜູນຊ່ວຍດີ່ທີ່ສຸດຂອງບັນດາຂະແໜງທ່າກ່ຳປັ່ນ, ກ່ຳປັ່ນທະເລ Cape Moss, ຖ້ຽວກ່ຳປັ່ນທົດລອງທຳອິດຂອງບໍລິສັດ ກ່ຳປັ່ນ MAERSK LINE ໄດ້ປະຕິບັດສຳເລັດການຍົກຄອນເທນເນີ 1.215 ຕູ້ລົງ ແລະ ຈັດໃສ່ກ່ຳປັ່ນຄອນເທນເນີສິນຄ້າ 288 ລຳໃນໄລຍະເວລາ 20 ຊົ່ວໂມງ ແລະ ອອກຈາກທ່າກ່ຳປັ່ນຢ່າງປອດໄພ.
ຕາມແຜນການແລ້ວ, ເລື່ອງຍົກຄອນເທນເນີ ຫຼາຍກ່າວ 2000 ຕູ້ລົງ ແລະ ຈັດຕູ້ຄອນເທນເນີ 150 ຕູ້ລົງກ່ຳປັ່ນ Synergy Busan ກໍ່ຈະໄດ້ປະຕິບັດສຳເລັດໂດຍໄວ, ຮັບປະກັນວ່າ ກ່ອນເວລາ 15 ໂມງຂອງວັນທີ 15 ກັນຍາ, ກ່ຳປັ່ນສາມາດເດີນທາງອອກຈາກທ່າກ່ຳປັ່ນກ໊າຍເລິນ ໄປຍັງທ່າກ່ຳປັ່ນຕໍ່ໄປ. ວິວັດການປະຕິບັດສິນຄ້າຢູ່ທ່າກ່ຳປັ່ນໄດ້ປະຕິບັດບັນດາມາດຕະການປ້ອງກັນ, ຕ້ານ, ຄວບຄຸມໂລກລະບາດໂຄວິດ - 19 ຢ່າງຄົບຖ້ວນ.
ຄາດວ່າໃນທ້າຍເດືອນກັນຍາ ຈະສືບຕໍ່ມີກ່ຳປັ່ນຕູ້ຄອນເທນເນີ ຂອງບໍລິສັດກ່ຳປັ່ນ MAERSK LINE ເຂົ້າທຽບທ່າ. ບົນພື້ນຖານນັ້ນ, ບໍລິສັດກ່ຳປັ່ນນີ້ ຈະສະເໜີບັນດາຖ້ຽວກ່ຳປັ່ນທົດລອງຂົນສົ່ງສາກົນຜ່ານທ່າກ່ຳປັ່ນກ໊າຍເລິນໃນຊຸມເດືອນຈະມາເຖິງຕື່ມອີກ.
ບຸນຄົງ
