 |
| ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ (ພາບ: Baoquocte) |
ຜູ້ຕາງໜ້າກະຊວງການຕ່າງປະເທດໃຫ້ຮູ້ວ່າ ບັນດາອົງການທີ່ມີໜ້າທີ່ຮັບຜິດຊອບຂອງ ຫວຽດນາມ ໄດ້ມີຄວາມເອົາໃຈໃສ່ຕໍ່ບັນດາຂໍ້ມູນທີ່ກ່ຽວຂ້ອງເຖິງຮູບເງົາດັ່ງກ່າວທີ່ກ່ຽວຂ້ອງເຖິງທະຫານປະຊາຊົນ. ທ່ານນາງ ເລທິທູຮັ່ງ ຢັ້ງຢືນວ່າ:
“ແຜນນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ຕໍ່ບັນດາບັນຫາປະຫວັດສາດ ແມ່ນບໍ່ສົນໃຈຕໍ່ອະດີດຕະການ, ມຸ່ງໄປເຖິງອະນາຄົດ, ມີການສັງເກດເຫດການຢ່າງຖືກຕ້ອງ ແລະ ມີພາວະວິໄສ”.
ຕາມກະຊວງການຕ່າງປະເທດແລ້ວ, ຫວຽດນາມ ມີຄວາມປາດຖະໜາກຢາກບັນດາຝ່າຍມີການເຄື່ອນໄຫວແທດຈິງເພື່ອເພີ່ມທະວີຄວາມເຂົ້າໃຈກັນແລະກັນລະຫວ່າງປະຊາຊົນ, ປະກອບສ່ວນເຂົ້າໃນການພົວພັນມິດຕະພາບ, ການຮ່ວມມື ແລະ ພັດທະນາລະຫວ່າງບັນດາປະເທດໃນໂລກ.
ພວກຂ້າພະເຈົ້າໄດ້ສະເໜີໃຫ້ຝ່າຍ ຈີນ ປະຕິບັດຄວາມຮັບຮູ້ລວມຂອງການນຳຂັ້ນສູງສອງປະເທດກ່ຽວກັບການເພີ່ມທະວີການໂຄສະນາເຜີຍແຜ່ມິດຕະພາບ, ພາວະວິໄສ, ປັບປຸງການພົວພັນສັງຄົມທີ່ມີຄວາມສະດວກໃຫ້ແກ່ການພັດທະນາການພົວພັນລະຫວ່າງສອງປະເທດ. ຜູ້ຕາງໜ້າກະຊວງການຕ່າງປະເທດເນັ້ນໜັກເຖິງທັດສະນະຂອງ ຫວຽດນາມ ຢ່າງເຂັ້ມງວດ.
ຮູບເງົາດັ່ງກ່າວ ໄດ້ເຮັດໃຫ້ຫວຽດນາມ ຮູ້ສຶກບໍ່ພໍໃຈ ເຖິງວ່າພຽງແຕ່ມີວີດີໂອແນະນຳຮູບເງົາເທົ່ານັ້ນ.
ຕາມຂໍ້ມູນແນະນຳຈາກ Baidu.com, ຮູບເງົາເລີ່ມແຕ່ຈຸດເວລາ ປີ 1983 ບັນດາຕົວລະຄອນເຂົ້າຮ່ວມການສູ້ຮົບ ແລະ ຄົ້ນຫາທຳລາຍລູກລະເບີດຢູ່ ກວາງຊີ ໂດຍແມ່ນແຂວງທີ່ມີຊາຍແດນຕິດພັນກັບ ກາວບັ່ງ, ຮາຢາງ, ລ້າງເຊີນ, ກ໋ວາງນິງ ຂອງ ຫວຽດນາມ.
ເມື່ອທຽບໃສ່ປະຫວັດສາດ, ມີຜູ້ຊົມຊາວຫວຽດນາມ ຈຳນວນຫຼາຍອອກສຽງຖືວ່າ ຮູບເງົາມີບັນດາເນື້ອໃນທີ່ກ່ຽວເຖິງການຕໍ່ສູ້ປົກປັກຮັກສາເຂດຊາຍແດນທາງພາກເໜືອຂອງ ຫວຽດນາມ ນັບແຕ່ປີ 1979.
ບໍ່ພຽງແຕ່ເທົ່ານັ້ນ, ຊຸດເຄື່ອງນຸ່ງ ເຊິ່ງບັນດາຕົວລະຄອນຈີນນຸ່ງໃນຮູບເງົາດັ່ງກ່າວ ຄືກັນກັບຊຸດທະຫານໃນໄລຍະເຂົາເຈົ້າດຳເນີນການຮຸກຮາມຢູ່ເຂດຊາຍແດນ ຫວຽດນາມ ເມື່ອປີ 1979.
ບຸນຄົງ
