 |
| ທ່ານນາງຮອງປະທານສະຫະພັນບັນດາອົງການຈັດຕັ້ງມິດຕະພາບ ແຂວງດົ່ງນາຍ ບຸຍທິລຽວ ຕາງໜ້າໃຫ້ອົງການCOPION ແລະ ILRIມອບວັດຖຸອຸປະກອນການແພດ ໃຫ້ແກ່ພະນັກສາທາລະນະສຸກ ດົ່ງນາຍ |
ສະຫະພັນດົ່ງນາຍໄດ້ປຸກລະດົມໃນທົ່ວລະບົບສະໜັບສະໜູນໃຫ້ແກ່ກອງທຶນກັນໂຄວິດ - 19, ເຄື່ອງຂອງທີ່ຈຳເປັນ, ເພື່ອໜູນຊ່ວຍໃຫ້ແກ່ສະມາຊິກ ແລະ ປະຊາຊົນຢູ່ເຂດຖືກລ໋ອກດາວ, ແຍກຕົວທາງສາທາລະນະສຸກ, ມອບຜ້າອັດປາກດັງໃຫ້ແກ່ສະຖານກົງສູນໃຫຍ່ບັນດາປະເທດ ລາວ, ໄທ ແລະ ກຳປູເຈຍ ປະຈຳ ນະຄອນໂຮ່ຈີມິນ, ໜູນຊ່ວຍນັກສຶກສາລາວ, ກຳປູເຈຍ 32 ຄົນທີ່ພວມຮ່ຳຮຽນຢູ່ແຂວງ.
ສຳລັບບັນດາອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດ, ສະຫະພັນດົ່ງນາຍໄດ້ຮຽກຮ້ອງການໜູນຊ່ວຍບັນດາວັດຖຸອຸປະກອນການແພດຢ່າງຮີບດ່ວນ ຄື: ເຄື່ອງຊ່ວຍຫາຍໃຈ, ຜ້າອັດປາກດັງ, ຊຸດປ້ອງກັນເຊື້ອ, ນ້ຳຢາລ້າງມືຂ້າເຊື້ອ… ມອບໃຫ້ແກ່ບັນດາຮາກຖານການແພດ ແລະ ໜ່ວຍງານຕ່າງໆຢ່າງທັນທີ.
ສະຫະພັນດົ່ງນາຍ ແລະ ບັນດາສະມາຄົມມິດຕະພາບທ້ອງຖິ່ນໄດ້ຮຽກຮ້ອງໃຫ້ບັນດາສະມາຊິກດຳເນີນທຸລະກິດເຮືອນເຊົ່າໂດຍບໍ່ເກັບຄ່າ 4.500 ຫ້ອງ ແລະ 496 ຫຼັງ ໃຫ້ແກ່ກຳມະກອນ, ຜູ້ອອກແຮງງານ ແລະ ເຂົ້າຮ່ວມກຳລັງປ້ອງກັນຄຸ້ມ, ບັນດາຄະນະສາທາລະນະສຸກໃນການປ້ອງກັນ, ຕ້ານໂລກລະບາດໂຄວິດ - 19…
ນັບແຕ່ປັດຈຸບັນຈົນຮອດທ້າຍປີ, ສະຫະພັນແຂວງດົ່ງນາຍຄາດວ່າ ຈະຈັດຕັ້ງໂຄງການພົວພັນແລກປ່ຽນວັດທະນະທຳທຳນອງມິດຕະພາບເຂດຕາເວັນອອກສ່ຽງໃຕ້ ກັບສະຖານກົງສູນໃຫຍ່ບັນດາປະເທດ, ເຂົ້າຮ່ວມຈັດຕັ້ງກອງປະຊຸມໃຫຍ່ສ້າງຕັ້ງສະມາຄົມມິດຕະພາບ ຫວຽດາມ - ອາຊຽນ ແຂວງດົ່ງນາຍ, ໜູນຊ່ວຍບັນດາສະມາຄົມມິດຕະພາບ ຫວຽດນາມ - ຍີ່ປຸ່ນ, ຫວຽດນາມ - ສ.ເກົາຫຼີ, ຫວຽດນາມ - ສະຫະພັນລັດເຊຍ ຂອງແຂວງດົ່ງນາຍ ຈັດຕັ້ງກອງປະຊຸມໃຫຍ່ອາຍຸການໃໝ່...
ສະຫະພັນດົ່ງນາຍ ຈະສືບຕໍ່ຮຽກຮ້ອງບັນດາອົງການບໍ່ຂຶ້ນກັບລັດຖະບານຕ່າງປະເທດ ລົງທຶນເຂົ້າແຂວງ ແລະ ປະຕິບັດສຳເລັດເອກະສານ 2 ໂຄງການໃຫຍ່: ໂຮງຮຽນແຫ່ງຄວາມຫວັງ Samsung (ດ້ວຍງົບປະມານປະມານ 22 ຕື້ດົ່ງ, ໂດຍບໍລິສັດ Samsung ຫວຽດນາມອຸປະຖຳ) ແລະ ໂຄງການສ້າງ 3 ຫ້ອງຮຽນຢູ່ ເມືອງລອງແທັງ, 3 ຫ້ອງຮຽນຢູ່ເມືອງຈ່າງບອມ (ດ້ວຍງົບປະມານ 4,5 ຕື້ດົ່ງ, ໂດຍອົງການຈັດຕັ້ງ COPION ສ.ເກົາຫຼີ ອຸປະຖຳ…)
ບຸນຄົງ
