| ນັກຊ່ຽວຊານ ລັດເຊຍ ຕີລາຄາວ່າ ຫວຽດນາມ ແມ່ນສະມາຊິກມີຄວາມຮັບຜິດຊອບຂອງ ສປຊ | |
| ທ່ານປະທານປະເທດ ຫງວຽນຊວັນຟຸກ ເຂົ້າຮ່ວມພິທີໄຂວາລະສົນທະນາຮ່ວມຂັ້ນສູງສະມັດຊາໃຫຍ່ສະຫະປະຊາຊາດ ຊຸດທີ 76 |
 |
| ທ່ານນາງ ຫງວຽນເຟືອງຈາ ອຸປະທູດ, ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະປາຊາດ .(ພາບ: baotintuc.vn) |
ກ່າວຄຳເຫັນທີ່ກອງປະຊຸມໃນວັນທີ 4 ຕຸລາ ຂອງສະພາຄວາມໝັ້ນຄົງ ສປຊ ກ່ຽວກັບສະພາບການຢູ່ ໄຮຕີ ແລະ ການເຄື່ອນໄຫວຂອງຫ້ອງການປະສານງານຂອງ ສປຊ ປະຈຳ ໄຮຕີ, ທ່ານນາງ ຫງວຽນເຟືອງຈາ ອຸປະທູດ, ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະປາຊາດ ຊີ້ແຈ້ງວ່າ:
ຫວຽດນາມ ໄດ້ຢັ້ງຢືນຂໍ້ຕົກລົງທາງການເມືອງ ລະຫວ່າງ ທ່ານນາຍົກລັດຖະມົນຕີ ໄຮຕີ ແລະ ບັນດາພັກການເມືອງ, ບັນດາອົງການຈັດຕັ້ງສັງຄົມພົນລະເຮືອນ ກ່ຽວກັບການຈັດຕັ້ງການເລືອກຕັ້ງໃນປີ 2022 ແລະ ປາດຖະໜາຢາກໃຫ້ບັນດາຝ່າຍທີ່ກ່ຽວຂ້ອງກຳນົດບັນດາຂົງເຂດບຸລິມະສິດ, ໃນນັ້ນ ສຸມໃສ່ເຂົ້າຮູບແບບ ແລະ ຈຸດເວລາການເລືອກຕັ້ງ, ຮັບປະກັນອັດຕາຜູ້ຕາງໜ້າແມ່ນແມ່ຍິງເຂົ້າຮ່ວມການເຄື່ອນໄຫວດ້ານການເມືອງ.
ຫວຽດນາມ ກ່າວປະນາມບັນດາການກະທຳໃຊ້ຄວາມຮຸນແຮງ, ລັກພາຕົວຂອງບັນດາກຸ່ມອາດຊະຍາກຳ ກໍ່ຄວາມຂາດສະຖຽນລະພາບດ້ານການເມືອງ, ສັງຄົມຢູ່ ໄຮຕີ ແລະ ສະເໜີເພີ່ມທະວີບັນດາມາດຕະການປະຕິບັດກົດໝາຍ, ປົກປ້ອງສາມັນຊົນ, ພິເສດແມ່ນແມ່ຍິງ ແລະ ເດັກນ້ອຍ.
ຫວຽດນາມ ກໍ່ຮຽກຮ້ອງໃຫ້ໜູນຊ່ວຍຍົກສູງກຳລັງຄວາມສາມາດໃຫ້ແກ່ກຳລັງຕຳຫຼວດ ໄຮຕີ ຜ່ານການຝຶກແອບ, ບຳລຸງສ້າງ, ປະກອບອຸປະກອນ ແລະ ຍົກສູງກຳລັງຄວາມສາມາດໃນການຄຸ້ມຄອງ. ພ້ອມທັງ, ຮຽກຮ້ອງໃຫ້ ສປຊ, ບັນດາອົງການຈັດຕັ້ງສາກົນ, ພາກພື້ນ ສືບຕໍ່ໜູນຊ່ວຍ, ຊ່ວຍເຫຼືອ ໄຮຕີ ຜ່ານຜ່າຄວາມຫຍຸ້ງຍາກໃນປັດຈຸບັນ.
ຫວຽດນາມ ຢັ້ງຢືນການສະໜັບສະໜູນ ສຳລັບປະຊາຊົນໄຮຕີ ເພື່ອສັນຕິພາບ, ຄວາມໝັ້ນຄົງ ແລະ ພັດທະນາຢູ່ ໄຮຕີ.
ບຸນຄົງ
