| ນັກກິລາວັນຫຽວ ຍິງປະຕູລູກງາມທີ່ສຸດທີ່ FIFA Futsal World Cup 2021 | |
| ຫວຽດນາມ ໜູນຊ່ວຍວັດຖຸອຸປະກອນປ້ອງກັນ, ຕ້ານພະຍາດໂຄວິດ-19 ໃຫ້ກໍາປູເຈຍ |
 |
| ພາບປະກອບ |
ນັ້ນແມ່ນໜຶ່ງໃນກິດຈະກຳພາຍໃຕ້ຂໍ້ຕົກລົງການຮ່ວມມືລະຫວ່າງສະຖານທູດ ແລະສະມາຄົມນັກຈິດຕະກອນຢູແກຼນແລະຜູ້ອຸປະຖໍາ Gorchakov.
ບັນດາຜົນງານໂດຍນັກຈິດຕະກອນຢູແກຼນຈະຖືກນຳໃຊ້ເພື່ອຈັດງານວາງສະແດງຮູບພາບຢູ່ໃນບາງນະຄອນໃຫຍ່ຂອງຢູແກຼນເຊັ່ນ: Kiev, Kharkov, Odessa, Lvov ... ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະຢູແກຼນ (23 ມັງກອນ 1992-23 ມັງກອນ 2022).
ບັນດາການປະດິດແຕ່ງສິລະປະນີ້ ຈະສະແດງໃຫ້ເຫັນອາລົມຈິດ ແລະຄວາມຮັກແພງຫວຽດນາມຂອງໝູ່ເພື່ອນຢູ່ປະເທດປະຈໍາຖິ່ນ, ປະກອບສ່ວນໃນການປັບປຸງການພົວພັນມິດຕະພາບອັນເປັນມູນເຊື້ອລະຫວ່າງປະຊາຊົນສອງປະເທດຫວຽດນາມ - ຢູແກຼນ.
ຂໍ້ຕົກລົງການຮ່ວມມືລະຫວ່າງສະຖານທູດ ກັບສະມາຄົມນັກຈິດຕະກອນ ແລະຜູ້ອຸປະຖໍາ Gorchakov ແມ່ນສ່ວນ ໜຶ່ງຂອງໂຄງການຮ່ວມມືລະຫວ່າງສະຖານທູດ ກັບບັນດາສະມາຄົມສິລະປະຢູແກຼນ.
ສະມາຄົມນັກຈິດຕະກອນແຫ່ງຊາດຢູແກຼນ ໄດ້ສ້າງຕັ້ງຂຶ້ນໃນປີ 1938, ປະຈຸບັນມີ 33 ສາຂາສະມາຄົມຢູ່ບັນດາທ້ອງຖິ່ນດ້ວຍຫຼາຍກວ່າ 4,000 ສະມາຊິກສະມາຄົມ. ໂດຍເປັນສະມາຊິກຂອງສະມາຄົມສິລະປະສາກົນ, ສະມາຄົມມີໜ້າທີ່ເຕົ້າໂຮມກຳລັງການປະດິດແຕ່ງ, ສ້າງສະພາບແວດລ້ອມດ້ານສິລະປະ, ຮັບປະກັນສິດເສລີພາບໃນການປະດິດແຕ່ງ, ຊຸກຍຸ້ການພັດທະນາວິຊາຊີບ ແລະປົກປ້ອງສິດຜົນປະໂຫຍດຂອງສະມາຊິກສະມາຄົມ.
ໄຊພອນ
