| ການປຶກສາຫາລືລະຫວ່າງກົມການຂ່າວແລະ ສື່ມວນຊົນກະຊວງການຕ່າງປະເທດລະຫວ່າງສອງປະເທດຫວຽດນາມ - ສະຫະພັນລັດເຊຍ | |
| ການໂອ້ລົມສົນທະນາກ່ຽວກັບວັນນະຄະດີ ໃຫ້ແກ່ຊາວໜຸ່ມ ລັດເຊຍ - ຫວຽດນາມ |
 |
| ທ່ານ ລັດຖະມົນຕີການ ຕ່າງປະເທດ ຫວຽດນາມ ບຸຍແທັງເຊີນ (ພາບ: dangcongsan.vn) |
ໃນການຢ້ຽມຢາມສະຫະພັນລັດເຊຍຢ່າງເປັນທາງການໃນລະຫວ່າງວັນທີ 25 – 28 ກັນຍາ, ຕອນບ່າຍວັນທີ 28 ກັນຍາທ່ານລັດຖະມົນຕີການຕ່າງປະເທດ ບຸຍແທັງເຊີນ ໄດ້ພົບປະກັບທ່ານຮອງນາຍົກລັດຖະມົນຕີ ລັດເຊຍ Dmitry Chernyshenko. ທີ່ການພົບປະ, ສອງຝ່າຍໄດ້ເຫັນດີເປັນເອກະພາບສືບຕໍ່ຊອກຫາບັນດາທິດຮ່ວມມືໃໝ່ເພື່ອຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ - ລັດເຊຍໃຫ້ນັບມື້ນັບເລິກເຊິ່ງແລະມີປະສິດທິຜົນກ່ວາ. ສອງຝ່າຍໄດ້ເຫັນດີເປັນເອກະພາບຊຸກຍູ້ບັນດາໂຄງການຈຸດສຸມ, ສົ່ງເສີມແລະສ້າງເງື່ອນໄຂໃຫ້ແກ່ບັນດາບໍລິສັດຮ່ວມທຸລະກິດລະຫວ່າງຫວຽດນາມ - ລັດເຊຍ, ບັນດາວິສາຫະກິດສອງປະເທດໃນການລົງທຶນດຳເນີນທຸລະກິດ.
ສອງຝ່າຍໄດ້ເຫັນດີເປັນເອກະພາບຕ້ອງມີມາດຕະການຂຸດຄົ້ນບັນດາຜົນປະໂຫຍດສູງສຸດເຊິ່ງສັນຍາການຄ້າເສລີຫວຽດນາມແລະສະຫະພາບເສດຖະກິດອາຊີ - ເອີລົບນຳມາໃຫ້, ສ້າງເງື່ອນໄຂໃນການສົ່ງອອກສິນຄ້າປະເພດຕ່າງໆຂອງສອງຝ່າຍທີ່ອາດຈະໜູນຊ່ວຍເຊິ່ງກັນແລະກັນເຂົ້າຕະຫຼາດຂອງແຕ່ລະປະເທດ, ມຸ່ງໄປເຖິງຄວາມດຸ່ນດ່ຽງດ້ານການຄ້າ. ສອງຝ່າຍຖືວ່າຕ້ອງເປີດກວ້າງການຮ່ວມມືໃນຂົງເຂດວິທະຍາສາດ - ເຕັກໂນໂລຢີສູງແລະຄົ້ນຄ້ວາວິທະຍາສາດ.
ທ່ານຮອງນາຍົກລັດຖະມົນຕີລັດເຊຍDmitry Chernyshenkoໃຫ້ຮູ້ວ່າຈະຊີ້ນຳບັນດາອົງການທີ່ກ່ຽວຂ້ອງຂອງລັດເຊຍ ພິຈາລະນະສ້າງເງື່ອນໄຂຕໍ່ກຳນົດເວລາພັກອາໄສໃຫ້ແກ່ພົນລະເມືອງ ຫວຽດນາມທີ່ວີຊາໝົດກຳນົດແຕ່ບໍ່ສາມາດກັບຄືນປະເທດຍ້ອນການຈຳກັດໃນການໄປມາເນື່ອງຈາກໂລກລະບາດໂຄວິດ - 19.
ແລະກໍ່ໃນວັນດຽວກັນ, ທີ່ການໂອ້ລົມສົນທະນາກັບທ່ານລັດຖະມົນຕີການຕ່າງປະເທດສະຫະພັນລັດເຊຍSergei Lavrov, ທ່ານລັດຖະມົນຕີກະຊວງການຕ່າງປະເທດຫວຽດນາມບຸຍແທັງເຊີນໄດ້ສະເໜີໃຫ້ລັດເຊຍສືບຕໍ່ໜູນຊ່ວຍ, ໃຫ້ບຸລິມະສິດສະໜອງແລະຖ່າຍທອດເຕັກໂນໂລຢີໃນການຜະລິດວັກຊິນ, ຢາປິ່ນປົວວັກຊິນກັນໂຄວິດ - 19 ໃຫ້ແກ່ ຫວຽດນາມຕາມແຜນການ, ເປີດກວ້າງການຮ່ວມມືຄົ້ນຄ້ວາລວມກ່ຽວກັບການແພດ, ວິທະຍາສາດຈັກກະວານ, ຄຸ້ມຄອງຊັບພະຍາກອນ, ຊຸກຍູ້ການຮ່ວມມື, ພົວພັນແລກປ່ຽນລະຫວ່າງບັນດາທ້ອງຖິ່ນໃຫ້ຫຼາຍກ່ວາອີກ.
ບຸນຄົງ
