ຕະຫຼາດເຄື່ອນທີ່ແຫ່ງທຳອິດທີ່ນຳໃຊ້ 'ບັດຂຽວ COVID-19 ຢູ່ນະຄອນໂຮ່ຈີມິນ
	ສະໜັບສະໜູນຊາວຈຳຫວຽດນາມ ຢູ່ມາເລເຊຍ ຜ່ານຜ່າຄວາມຫຍຸ້ງຍາກຍ້ອນໂລກລະບາດ Covid-19

ທ່ານ ຫງວຽນວັນແບ, ປະທານສະຫະສະມາຄົມບັນດາວິສາຫະກິດ ເຂດອຸດສາຫະກຳ ນະຄອນໂຮ່ຈີມິນ ໃຫ້ຮູ້ວ່າ ນີ້ແມ່ນບັນຫາທີ່ຮ້ອນເຮັ່ງ ເຊິ່ງວາງອອກກ່ອນທີ່ບັນດາບໍລິສັດຈະເລີ່ມທຳການຜະລິດຄືນໃໝ່. ເຖິງແນວໃດກໍ່ຕາມ, ມັນບໍ່ແມ່ນເລື່ອງງ່າຍ ທີ່ຈະມີກໍາລັງການຜະລິດໃນເວລານີ້ ເພາະວ່າຄົນງານສ່ວນໃຫຍ່ ໄດ້ກັບຄືນໄປບ້ານເກີດເມືອງນອນຂອງເຂົາເຈົ້າແລ້ວ.

ເພື່ອຮຽກຮ້ອງໃຫຄົນງານກັບຄືນໄປນະຄອນໂຮ່ຈີມິນ ເພື່ອເຮັດວຽກ, ກ່ອນອື່ນໝົດ, ແມ່ນຕ້ອງການການສົມທົບຂອງອຳນາດການປົກຄອງ ແລະ ບັນດາວິສາຫະກິດ ເພື່ອຮັບປະກັນຄວາມປອດໄພໃຫ້ເຂົາເຈົ້າເມື່ອກັບຄືນໄປເຮັດວຽກ.

ອັນທີສອງ, ທ້ອງຖິ່ນມີລະດັບການສັກຢາກັນວັກຊີນກັນພະຍາດ COVID-19 ຍັງຕໍ່າ, ສະນັ້ນ ເມື່ອນຳຄົນງານກັບມາເຮັດວຽກ ຕ້ອງມີແຜນການສັກຢາກັນພະຍາດໃຫ້ກັບຄົນງານ.

ຕ້ອງມີແຜນການຕ້ອນຮັບຄົນງານ ເພື່ອຟື້ນຟູການຜະລິດ. (ພາບ: doanhnhansaigon)

ອັນທີສາມ, ຕ້ອງສ້າງການເຊື່ອມຕໍ່ລະຫວ່າງສາມຫຼ່ຽມເສດຖະກິດ ນະຄອນໂຮ່ຈີມິນ - ບິ່ງເຢືອງ - ດົງນາຍ ເພື່ອອຳນວຍຄວາມສະດວກໃນການເດີນທາງ ສຳລັບກຳລັງແຮງງານ ແລະ ການໄຫຼວຽນຂອງສິນຄ້າ, ແຕ່ລະແຂວງ, ນະຄອນເຮັດສະເພາະ ຈະບໍ່ສ້າງການເຊື່ອມຕໍ່ກັນໄດ້, ຂັດຂວາງການຟື້ນຟູ.

ຕາມທ່ານ ຫງວຽນວັນແບ ແລ້ວ, ຕ້ອງຍູ້ແຮງການສັກຢາວັກຊີນເຂັມທີສອງໃຫ້ກັບກຳລັງແຮງງານ ເພື່ອເຂົ້າຮ່ວມລະບົບຕ່ອງໂສ້ການຜະລິດໃຫ້ທັນເວລາ. ປະຈຸບັນ, ນະຄອນໂຮ່ຈີມິນ ມີຄົນງານຫຼາຍກວ່າ 300,000 ຄົນທີ່ໄດ້ຮັບການສັກຢາ 2 ເຂັມ, ມີຄົນງານຫຼາຍກວ່າ 70,000 ຄົນທີ່ເຂົ້າຮ່ວມທຳການຜະລິດ “ສາມກັບທີ່”,“ ໜຶ່ງເສັ້ນທາງ - ສອງຈຸດໝາຍ” ໄດ້ຮັບການສັກຢາ 2 ເຂັມ. ເພື່ອຟື້ນຟູການຜະລິດ, ຕ້ອງການສັກຢາ 2 ເຂັມໃຫ້ກັບຄົນງານ, ໃນນັ້ນ ມີຫຼາຍຄົນຢູ່ໃນຂົງເຂດທີ່ຮ່ວມສຳນ ເພື່ອໃຫ້ເຂົາເຈົ້າມີເງື່ອນໄຂຄົບໃນການເຂົ້າຮ່ວມການຜະລິດ.

ນອກຈາກນັ້ນ, ຄວນມີໂຮງໝໍພາກສະໜາມ ໃນບັນດາເຂດປຸງແຕ່ງຜະລິດ ແລະ ເຂດອຸດສາຫະກໍາ ເພື່ອຮັບມືກັບສະຖານະການການລະບາດຂອງພະຍາດ COVID-19 ກັບທີ່ ເນື່ອງຈາກວ່າ ແຕ່ລະເຂດອຸດສາຫະກໍາ ຢູ່ໃນນະຄອນ ມີຄົນງານຫຼາຍສິບພັນຄົນ ຫຼື ຫຼາຍກວ່ານັ້ນ. ໃນເວລາດຽວກັນ, ວິສາຫະກິດ ກໍ່ຕ້ອງໄດ້ປະສານສົມທົບກັບອຳນາດການປົກຄອງ ເພື່ອສ້າງ ແລະ ປົກປ້ອງພື້ນທີ່ສີຂຽວ ເພື່ອໃຫ້ຄົນງານສາມາດເຮັດວຽກຢູ່ໂຮງງານ ແລ້ວກັບຄືນມາພັກຜ່ອນຢູ່ໃນພື້ນທີ່ສີຂຽວ, ແຕ່ຫາກບໍ່ອາດແກ່ຍາວເວລາ "ສາມກັບທີ່" ເຊິ່ງເປັນທັງການສິ້ນເປືອງ ທັງສ້າງຄວາມກົດດັນທາງຈິດໃຈຕໍ່ກັບຄົນງານ.

ເພື່ອຮຽກຮ້ອງໃຫ້ແຮງງານຈາກຕ່າງແຂວງ ມາຍັງນະຄອນໂຮ່ຈີມິນ ຕ້ອງມີມີການລົງມືຂອງອຳນາດການປົກຄອງ ໃນການສ້າງແລວທາງນິຕິກຳ, ແຜນການຕ້ອນຮັບຄົນງານ, ແຜນການສັກຢາປ້ອງກັນພະຍາດ ແລະ ນະໂຍບາຍດຶງດູດຄົນງານ.