ເມື່ອບໍ່ດົນມານີ້, ກະຊວງການຕ່າງປະເທດຫວຽດນາມ ໄດ້ຈັດກອງປະຊຸມຂ່າວທາງອອນລາຍ. ໃນກອງປະຊຸມຂ່າວ, ເມື່ອຕອບຄຳຖາມກ່ຽວກັບເລືຶ່ອງຈີນຫາກໍ່ຈັດສົ່ງກຳປັ່ນໂດຍສານໄປຍັງເຂດຫີນ ແວ່ງຄັນ, ຊູບີ, ແລະ ຈຶເທີບ ຢູ່ໝູ່ເກາະເຈື່ອງຊາ ຂອງຫວຽດນາມ ເພື່ອນຳເອົາທະຫານທີ່ຕັ້ງທັບຢູ່ທີ່ນັ້ນ ກັບຄືນແຜ່ນດິນ, ທ່ານນາງໂຄສົກກະຊວງການຕ່າງປະເທດ ເລຖິທູຮັ່ງ ກ່າວວ່າ: ຫວຽດນາມ ມີຫຼັກຖານດ້ານປະຫວັດສາດ ແລະ ພື້ນຖານດ້ານກົດໝາຍຢ່າງພຽງພໍ ເພື່ອຢັ້ງຢືນອະທິປະໄຕຂອງຕົນ ສຳລັບໝູ່ເກາະເຈື່ອງຊາ ແລະ ຮວ່າງຊາ, ໂດຍສອດຄ່ອງກັບກົດໝາຍສາກົນ.
 |
| ທ່ານນາງໂຄສົກກະຊວງການຕ່າງປະເທດ ເລຖິທູຮັ່ງ. (ພາບ: baoquocte) |
ຫວຽດນາມ ຮຽກຮ້ອງໃຫ້ຈີນ ເຄົາລົບອະທິປະໄຕຂອງຫວຽດນາມ ຕໍ່ໝູ່ເກາະເຈື່ອງຊາ ແລະ ຮວ່າງຊາ, ຢຸດຕິການລະເມີດທີ່ຄ້າຍຄືກັນໂດຍທັນທີ, ເຄົາລົບກົດໝາຍສາກົນ ແລະ ບັນດາຄວາມຮັບຮູ້ລວມຂອງການນຳສອງປະເທດ ກ່ຽວກັບບັນຫາຢູ່ທະເລ, ປະກອບສ່ວນອັນແທດຈິງ ແລະ ມີຄວາມຮັບຜິດຊອບຕໍ່ການຮັກສາສາຍພົວພັນມິດຕະພາບຂອງສອງປະເທດ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາຢູ່ທະເລຕາເວັນອອກ.
ກ່ອນໜ້ານີ້, ວັນທີ 18 ກັນຍາ, ກົມກອງກຳປັ່ນທະເລຈີນໃຕ້ ກ່າວວ່າ ໄດ້ສົ່ງເຮືອ Y-20 ໄປຍັງເກາະ ແວ່ງຄັນ, ຊູບີ, ແລະ ຈຶເທີບ ຢູ່ໝູ່ເກາະເຈື່ອງຊາ ຂອງຫວຽດນາມ. ນີ້ເປັນຄັ້ງທໍາອິດ ທີ່ຈີນຢືນຢັນວ່າ ເຮືອ Y-20 ປະກົດຕົວຢູ່ໃນໝູ່ເກາະເຈື່ອງຊາ.
ໂດຍກ່ຽວຂ້ອງເຖິງຂໍ້ມູນຂ່າວທີ່ນັກຮຽນຮູ້ອາເມລິກາ Bill Hayton ໄດ້ຍົກອອກເອກະສານ ເຊິ່ງແມ່ນຈົດໝາຍແຕ່ສະໄໝລາຊະວົງ Qing, ໃນນັ້ນ ຮວ່າງຊາແມ່ນທະເລ, ບໍ່ມີສ່ວນກ່ຽວຂ້ອງເຖິງອະທິປະໄຕຂອງຈີນ, ທ່ານນາງ ໂຄສົກກະຊວງການຕ່າງປະເທດ ເລຖິທູຮັ່ງ ກ່າວເນັ້ນໜັກວ່າ ເອກະສານນີ້ໄດ້ປະກອບສ່ວນພິສູດໃຫ້ເຫັນວ່າ ຫວຽດນາມ ມີຫຼັກຖານປະຫວັດສາດ ແລະ ພື້ນຖານດ້ານກົດໝາຍຢ່າງພຽງພໍ ເພື່ອຢັ້ງຢືນອະທິປະໄຕຂອງຕົນ ສຳລັບໝູ່ເກາະເຈື່ອງຊາ ແລະ ຮວ່າງຊາ, ຕາມກົດກົດໝາຍສາກົນ.
ຄຳຮຸ່ງ
