| ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ | |
| USAID ໜູນຊ່ວຍເງິນເກືອບ 10 ລ້ານ USD ເພື່ອຊ່ວຍ ຫວຽດນາມ ຮັບມືກັບໂລກລະບາດ ແລະ ຫຼຸດຜ່ອນຜົນກະທົບຈາກໂລກລະບາດໂຄວິດ - 19 |
 |
| ອິດສະຣາແອນ ໜູນຊ່ວຍ ຫວຽດນາມ ໃນການຕ້ານພະຍາດ COVID-19. ພາບ: vov.vn |
ກິດຈະກໍາໜູນຊ່ວຍດັ່ງກ່າວແມ່ນຢູ່ໃນຂອບເຂດການຮ່ວມມືເພື່ອຮັບມືກັບການແຜ່ລະບາດຂອງພະຍາດໂຄວິດ -19 ຂອງສອງປະເທດ, ພາຍຫຼັງການໂອ້ລົມທາງໂທລະສັບລະຫວ່າງ ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານ ນາຍົກລັດຖະມົນຕີ Israel Naftali Bennett ໃນວັນທີ 12 ກໍລະກົດ 2021. ທັງສອງຝ່າຍມຸງໄປສູ່ການປະສານງານໃນຫຼາຍຂົງເຂດເພື່ອການຟື້ນຟູຫຼັງໂລກລະບາດ.
ເຄື່ອງຊ່ວຍຫາຍໃຈ Ventway ຍີ່ຫໍ້ Inovytec (ອິດສະຣາແອນ) ໃນການມອບຄັ້ງນີ້ແມ່ນອຸປະກອນຊ່ວຍຫາຍໃຈທີ່ມີຂະໜາດກະທັດຮັດ ໂດຍໃຊ້ແບັດເຕີຣີທີ່ສາມາດສາກໄດ້. ອຸປະກອນດັ່ງກ່າວໄດ້ຮັບການອະນຸມັດນໍາໃຊ້ ໂດຍ ອົງການຄຸ້ມຄອງອາຫານ ແລະການຢາຂອງສະຫະລັດ ອາເມລິກາ (FDA).
ທີ່ພິທີ, ທ່ານຮອງລັດຖະມົນຕີກະຊວງສາທາລະນະສຸກ ຟ້າມກວາງຫ້ຽວ ແລະ ທ່ານເອກອັກຄະລັດຖະທູດ Nadav Eshcar ໄດ້ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາອັນຕັ້ງໜ້າໃນການຮ່ວມມືຫຼາຍດ້ານລະຫວ່າງຫວຽດນາມ ແລະອິດສະຣາແອນໃນໄລຍະຜ່ານມາ. ສອງຝ່າຍເຫັນດີສືບຕໍ່ປະຕິບັດບັນດາໝາກຜົນທີ່ບັນລຸໄດ້ໃນການເຈລະຈາທາງໂທລະສັບລະຫວ່າງ ທ່ານນາຍົກລັດຖະມົນຕີ ຟ້າມມິງຈິງ ແລະນາຍົກລັດຖະມົນຕີອິດສະຣາແອນ Naftali Bennett ໃນວັນທີ 12 ກໍລະກົດ 2021.
ສອງຝ່າຍຈະຍຸ້ໄວການເຈລະຈາ, ກ້າວໄປສູ່ການເຊັນສັນຍາການຄ້າເສລີຫວຽດນາມ-ອິດສະຣາແອນ ແລະເລີ່ມການເຈລະຈາສັນຍາການຮ່ວມມືດ້ານແຮງງານລະຫວ່າງສອງປະເທດໂດຍໄວ, ເພີ່ມທະວີຊຸກຍຸ້ການລົງທຶນ ແລະການຄ້າ ສອງຝ່າຍ, ການຮ່ວມມືດ້ານວິທະຍາສາດ ແລະເຕັກໂນໂລຊີ. ມຸ່ງໄປສູ່ການຟື້ນຟູທີ່ຍືນຍົງຫຼັງຈາກການລະບາດຂອງພະຍາດ COVID-19.
ໄຊພອນ
