ທ່ານ ໂຫງ່ຈີງຮ່າ, ຮອງປະທານຄະນະກໍາມະການແຫ່ງລັດ ສໍາລັບຊາວຫວຽດນາມຢູ່ຕ່າງປະເທດ ແລະ ທ່ານ ຫງວຽນເຈຶ່ອງເຊີນ, ຮອງຫົວໜ້າຫ້ອງການກະຊວງການຕ່າງປະເທດ ໄດ້ຮັບເຄື່ອງກວດວິເຄາະໄວ ໂຄວິດ -19 ຈຳນວນ 26.000 ຊຸດຈາກຜູ້ທີ່ເປັນຕົວແທນຂອງຄອບຄົວ ທ່ານ ເຈີນດັ່ງຄ່ວາ ຢູ່ຮ່າໂນ້ຍ, ຫວຽດນາມ.
ໃນນາມຕາງໜ້າໃຫ້ພະນັກງານຂອງກະຊວງການຕ່າງປະເທດ ແລະ ການນໍາຄະນະກໍາມະການແຫ່ງລັດ ກ່ຽວກັບຊາວຫວຽດນາມຢູ່ຕ່າງປະເທດ, ທ່ານ ໂຫງ່ຈີງຮ່າ ໄດ້ສະແດງຄວາມຂອບໃຈຄອບຄົວຂອງ ທ່ານ ເຈີນດັ່ງຄ່ວາ ສໍາລັບຄວາມຮັກ ແລະ ການແບ່ງປັນໃຫ້ກັບພະນັກງານຂອງກະຊວງການຕ່າງປະເທດ ໃນການປ້ອງກັນການລະບາດຂອງພະຍາດໂຄວິດ -19.
 |
| ຄະນະກຳມະການແຫ່ງລັດ ກ່ຽວກັບຊາວຫວຽດນາມຢູ່ຕ່າງປະເທດ ແລະ ກະຊວງການຕ່າງປະເທດ ໄດ້ຈັດພິທີຮັບເຄື່ອງກວດວິເຄາະໄວ ໂຄວິດ -19 ຈຳນວນ 26.000 ຊຸດ |
ທ່ານ ໂຫງ່ຈີງຮ່າ ກ່າວວ່າ ນີ້ເປັນຂອງຂວັນທີ່ມີຄວາມໝາຍ ແລະ ແທດຈິງທີ່ສຸດ ແລະ ທ່ານ ໂຫງ່ຈີງຮ່າ ປາດຖະໜາວ່າ ຈະສືບຕໍ່ໄດ້ຮັບການສະໜັບສະໜູນຈາກຄອບຄົວຂອງທ່ານ ເຈີນດັ່ງຄ່ວາ ໃນການປ້ອງກັນການລະບາດຂອງພະຍາດໂຄວິດ -19 ຂອງກະຊວງການຕ່າງປະເທດເວົ້າສະເພາະ ແລະ ທົ່ວປະເທດເວົ້ົ້າລວມ.
ທ່ານນາງ ຝ່ານຖຸຍແທັງ, ຜູ້ຕາງໜ້າຄອບຄົວຂອງ ທ່ານ ເຈີນດັ່ງຄ່ວາ ກ່າວວ່າ ນີ້ແມ່ນຂອງຂວັນທີ່ສະແດງໃຫ້ເຫັນນໍ້າໃຈຂອງຄອບຄົວ ທ່ານ ເຈີນດັ່ງຄ່ວາ ຕໍ່ກັບ “ນັກຮົບຢູ່ສະໜາມຮົບການຕ່າງປະເທດ” ແລະ ແມ່ນການແບ່ງປັນ, ຄວາມຮູ້ບຸນຄຸນຂອງຄອບຄົວ ຕໍ່ບ້ານເກີດເມືອງນອນ ແລະ ປະເທດຊາດ.
ໃນພິທີ, ທ່ານ ໂຫງ່ຈີງຮ່າ ໄດ້ມອບຈົດໝາຍໃຫ້ຜູ້ຕາງໜ້າຄອບຄົວ ທ່ານ ເຈີນດັ່ງຄ່ວາ ຈາກທ່ານຮອງລັດຖະມົນຕີການຕ່າງປະເທດ, ປະທານຄະນະກໍາມະການແຫ່ງລັດສໍາລັບຊາວຫວຽດນາມຢູ່ຕ່າງປະເທດ ຝ້າມກ່ວາງຮ້ຽວ ສະແດງຄວາມຂອບໃຈ, ຮັບຮູ້ ແລະ ຕີລາຄາສູງຕໍ່ກັບການກະທຳທີ່ມີຄວາມໝາຍອັນສູງສົ່ງ ແລະ ດີງາມຂອງຄອບຄົວ ທ່ານ ເຈີນດັ່ງຄ່ວາ.
ຄຳຮຸ່ງ
