 |
| ຊາວລັດເຊຍມາປ່ອນບັດຈະໄດ້ຮັບການຫາເຊື້ອໄວຣັດໂຄວິດ - 19 ໂດຍໄວ (ພາບ: TTXVN) |
ຕາມການຕີລາຄາຂອງຄະນະຈັດຕັ້ງແລ້ວ, ປີນີ້ຍ້ອນໂລກລະບາດໂຄວິດ - 19 ດັ່ງນັ້ນ ໄດ້ກໍ່ຜົນສະທ້ອນຢ່າງໃຫຍ່ຫຼວງຕໍ່ຈຳນວນຜູ້ມີສິດເລືອກຕັ້ງໄປປ່ອນບັດ, ໂຄງການໄດ້ແກ່ຍາວແຕ່ເວລາ 8 ໂມງ ຫາ 20 ໂມງ ດ້ວຍການເຂົ້າຮ່ວມຂອງພົນລະເມືອງລັດເຊຍ ປະມານ 450 ຄົນ.
ຕາມແຜນການແລ້ວ, ການເລືອກຕັ້ງ ສະພາແຫ່ງຊາດ ລັດເຊຍ ຈະດຳເນີນແຕ່ວັນທີ 19 ກັນຍາ ຢູ່ສະຫະພັນລັດເຊຍ, ແຕ່ພົນລະເມືອງ ລັດເຊຍຢູ່ຕ່າງປະເທດອາດຈະປະຕິບັດການປ່ອນບັດເລືອກຕັ້ງໄວກວ່າ ແລະ ແຄ້ງຮ່ວາກໍ່ແມ່ນໜຶ່ງໃນບັນດາສະຖານທີ່ປ່ອນບັດເລືອກຕັ້ງ ເພື່ອໃຫ້ບັນດາຜູ້ມີສິດເລືອກຕັ້ງ ສະຫະພັນລັດເຊຍປະຕິບັດສິດ ແລະ ພັນທະຂອງຕົນ.
ກ່ຽວກັບວິວັດການປະຕິບັດ, ວຽກງານກະກຽມສະຖານທີ່ເລືອກຕັ້ງ, ບັດເລືອກຕັ້ງ ແລະ ຫີບບັດ ໄດ້ຮັບການກະກຽມແຕ່ເຊົ້າ ໂດຍມີການເຂົ້າຮ່ວມຂອງສະຖານທູດ ລັດເຊຍ ປະຈຳນະຄອນໂຮ່ຈີມິນ. ພົນລະເມືອງລັດເຊຍ ແຕ່ລະຄົນເມື່ອໄປປ່ອນບັດເລືອກຕັ້ງຈະປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດ.
ໂດຍໄດ້ຮູ້ວ່າ ຢູ່ ຫວຽດນາມ ຈະມີ 4 ສະຖານທີ່ປ່ອນບັດເລືອກຕັ້ງໃນວັນທີ 19 ກັນຍາ ນັ້ນແມ່ນ: ຮ່າໂນ້ຍ, ນະຄອນໂຮ່ຈີມິນ, ດ່ານັ້ງ ແລະ ບ່າເຣຍ-ຫວູງເຕົາ.
ບຸນຄົງ
