| ລັດເຊຍ ປະທັບໃຈກັບຄວາມສາມາດຂອງຫວຽດນາມ ໃນການຈັດການແຂ່ງຂັນກິລາການທະຫານສາກົນ | |
| ທີມ ຫວຽດນາມ ຢືນອັນດັບ 7 ໃນຈຳນວນ 43 ປະເທດ ແລະ ເຂດແຄວ້ນໃນໂລກທີ່ເຂົ້າຮ່ວມງານມະຫາກຳກິລາ ອາມີເກມ 2021 |
 |
| ທິມຫວຽດນາມຮັບລາງວັນ (ພາບ: TTXVN) |
ເຫດການຢ່າງສົມກຽດນີ້ ມີການເຂົ້າຮ່ວມຂອງການນຳກະຊວງປ້ອງກັນຊາດ, ກອງເສນາທິການໃຫຍ່ບັນດາກຳລັງປະກອບອາວຸດລັດເຊຍ, ບັນດາຄະນະຕິດຕາມຕ່າງປະເທດ ແລະ ຄະນະຜູ້ແທນບັນດາທິມເຂົ້າຮ່ວມບັນດາປະເພດການແຂ່ງຂັນ. ຄະນະຜູ້ແທນຂັ້ນສູງຂອງກອງທັບປະຊາຊົນ ຫວຽດນາມ ໂດຍທ່ານ ພົນຕີ ຟຸ່ງຊີ້ເຕິນ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນ ຫວຽດນາມ ນຳໜ້າເຂົ້າຮ່ວມພິທີອັດ.
ດ້ວຍໝາກຜົນບັນລຸໄດ້ 34 ຫຼຽນໃນບັນດາປະເພດກິລາການແຂ່ງຂັນ, ຄະນະເຈົ້າພາບປະເທດລັດເຊຍ ຍາດໄດ້ໄຊຊະນະໃນການແຂ່ງຂັນຄັ້ງນີ້. ຄະນະກອງທັບປະຊາຊົນ ຫວຽດນາມ ຈັດຢູ່ອັນດັບທີ 7/43 ຄະນະກອງທັບບັນດາປະເທດເຂົ້າຮ່ວມ.
ນີ້ແມ່ນຄັ້ງທີ 4 ທີ່ເຂົ້າຮ່ວມງານມະຫາກຳກິລາການທະຫານສາກົນ, ຄະນະກອງທັບປະຊາຊົນ ຫວຽດນາມ ໄດ້ຜ່ານຜ່າບັນດາສິ່ງທ້າທາຍກ່ຽວກັບສະພາບດິນຟ້າອາກາດ, ໂລກລະບາດ, ການຝຶກແອບຢູ່ລະດັບສູງ, ເນື້ອໃນການແຂ່ງຂັນທີ່ຍາກກ່ວາເມື່ອທຽບໃສ່ກັບປີກ່ອນ. ບັນດານັກກິລາ ໄດ້ມານະພະຍາຍາມແຂ່ງຂັນ ແລະ ຍາດໄດ້ຜົນງານທີ່ຕັ້ງໜ້າຫຼາຍຢ່າງ. ລາຍລະອຽດແມ່ນ, ຄະນະຍາດໄດ້ຫຼຽນຄຳ 1 ຫຼຽນ, ຫຼຽນເງິນ 2 ຫຼຽນ ແລະ ຫຼຽນທອງ 4 ຫຼຽນ ພ້ອມກັນນັ້ນ ກໍ່ໄດ້ຮັບລາງວັນສ່ວນຕົວເປັນຈຳນວນຫຼາຍຢູ່ແຕ່ລະປະເພດການແຂ່ງຂັນ.
ທ່ານຮ້ອຍເອກ Dmitry Stukhanov, ນັກຮົບຕິດຕໍ່ພົວພັນຂອງຄະນະຈັດຕັ້ງ Army Games ໄດ້ຕີລາຄາສູງລະດັບວິຊາການ ແລະ ຈິດໃຈແຂ່ງຂັນຂອງບັນດາທິມ ຫວຽດນາມ ທີ່ເຂົ້າຮ່ວມງານມະຫາກຳກິລາ, ທ່ານກໍ່ສະແດງຄວາມປະທັບໃຈເປັນພິເສດເຖິງການລະດົມກຳລັງໃຈທີ່ສຸດຈິດສຸດໃຈຂອງຜູ້ເຊຍຫວຽດນາມ ເມື່ອທິມຫວຽດນາມ ເຂົ້າຮ່ວມການແຂ່ງຂັນ.
ຄະນະຈັດຕັ້ງງານມະຫາກຳກິລາໃຫ້ຮູ້ວ່າ ມີຈຳນວນກ່ວາ 1,5 ລ້ານຄົນ ໄດ້ເຂົ້າຊົມ ແລະ ລະດັມກຳລັງໃຈໃຫ້ແກ່ບັນດາທິມແຂ່ງຂັນຢູ່ງານມະຫາກຳກິລາຂອງ ລັດເຊຍ ແລະ ບັນດາປະເທດຈັດຕັ້ງ Army Games 2021 ໃນນັ້ນມີ ຫວຽດນາມ. ວຽກງານຈັດຕັ້ງໄດ້ຮັບປະກັນຄວາມປອດໄພຢ່າງເດັດຂາດໃນສະພາບການເກີດໂລກລະບາດໂຄວິດ - 19 ທີ່ຍັງມີການຜັນແປຢ່າງສັບສົນ ຢູ່ຫຼາຍປະເທດເຈົ້າພາບ ແລະ ເຂົ້າຮ່ວມງານມະຫາກຳກິລາ.
ໃນສານທາງຄຼິບວີດີໂອ ທີ່ສົ່ງໄປຍັງພິທີອັດ, ທ່ານພົນເອກ Sergei Shoigu ລັດຖະມົນຕີກະຊວງປ້ອງກັນປະເທດ ລັດເຊຍ ໄດ້ສົ່ງຄຳອວຍພອນໄປຍັງບັນດາການນຳກະຊວງປ້ອງກັນປະເທດບັນດາປະເທດເຂົ້າຮ່ວມ ແລະ ຈັດບັນດາປະເພດການແຂ່ງຂັນຂອງ Army Games. ທ່ານສະແດງຄວາມເຊື່ອໝັ້ນວ່າ ກຳລັງດຶງດູດໃຈຂອງ Army Games ຈະດຶງດູດໄດ້ບັນດານັກກິລາຂອງບັນດາປະເທດເຂົ້າຮ່ວມການແຂ່ງຂັນ ແລະ ຫຼາຍປະເທດເຂົ້າຮ່ວມຈັດຕັ້ງງານມະຫາກຳກິລາໃນປີໜ້າ.
ບຸນຄົງ
