| ສະມາຄົມຊາວຫວຽດນາມອາໄສຢູ່ມາກາວ ໄດ້ມອບເງິນເພື່ອຊ່ວຍເຫຼືອບ້ານເກີດເມືອງນອນ ຕໍ່ສູ້ກັບໂລກລະບາດ. | |
| ຄຳລະດົມກຳລັງໃຈຂອງພວກຫຼານນ້ອຍຝາກເຖິງກຳລັງແພດໝໍ ແລະ ພວກອ່າວອາ ຢູ່ ແນວໜ້າຕ້ານໂລກລະບາດ |
 |
| ທ່ານເອກອັກຄະລັດຖະທູດຫວຽດນາມປະຈຳ ຍີ່ປຸ່ນ ຫວູຮົ່ງນາມ ໄດ້ພົບປະ ແລະມອບຈົດໝາຍຂອບໃຈຂອງທ່ານປະທານປະເທດຫງວຽນຊວນຟຸກ ແລະທ່ານນາຍົກລັດຖະມົນຕີ ຟ້າມມີງຈີງ ເຖິງສະຫາຍ Shii Kazuo, ປະທານຄະນະປະທານຄະນະບໍລິຫານງານສູນກາງພັກກອມມູນິດຍີ່ປຸ່ນ. ພາບ: baoquocte.vn |
ຕາມນັກຂ່າວສຳນັກຂ່າວສານຫວຽດນາມ ປະຈຳໂຕກຽວ ແລ້ວ, ວັນທີ 17 ສິງຫາ, ທ່ານເອກອັກຄະລັດຖະທູດຫວຽດນາມປະຈຳ ຍີ່ປຸ່ນ ຫວູຮົ່ງນາມ ໄດ້ພົບປະ ແລະມອບຈົດໝາຍຂອບໃຈຂອງທ່ານປະທານປະເທດຫງວຽນຊວນຟຸກ ແລະທ່ານນາຍົກລັດຖະມົນຕີ ຟ້າມມີງຈີງ ເຖິງສະຫາຍ Shii Kazuo, ປະທານຄະນະປະທານຄະນະບໍລິຫານງານສູນກາງພັກກອມມູນິດຍີ່ປຸ່ນ.
ນະທີ່ນີ້, ທ່ານເອກອັກຄະລັດຖະທູດ ຫວູຮົ່ງນາມ ຢັ້ງຢືນວ່າ ສາຍພົວພັນລະຫວ່າງ ຫວຽດນາມ - ຍີ່ປຸ່ນ ສືບຕໍ່ພັດທະນາຢ່າງແຮງ ແລະ ຮອບດ້ານດ້ວຍຄວາມໄວ້ເນື້ອເຊື່ອໃຈດ້ານການເມືອງສູງ. ສອງປະເທດມີການແບ່ງປັນ, ເຫັນອົກເຫັນໃຈ, ຊ່ວຍເຫຼືອເຊິ່ງກັນແລະກັນ, ຕັ້ງໜ້າຮ່ວມມືໃນການປ້ອງກັນ, ຕ້ານໂລກລະບາດຢ່າງແທ້ຈິງ. ພັກກອມມູນິດ ຫວຽດນາມ ຍາມໃດກໍຖືສາຍພົວພັນຮ່ວມມື, ໄມຕີຈິດມິດຕະພາບທີ່ເປັນມູນເຊື້ອກັບ ພັກກອມມູນິດ ຍີ່ປຸ່ນ ເປັນສຳຄັນ. ພ້ອມດຽວກັນນັ້ນ, ທ່ານເອກອັກຄະລັດຖະທູດ ຫວູຮົ່ງນາມ ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ສາຍພົວພັນສາມັກຄີ, ໄມຕີຈິດມິດຕະພາບທີ່ເປັນມູນເຊື້ອລະຫວ່າງສອງພັກ ຈະສືບຕໍ່ໄດ້ຮັບການປັບປຸງ ແລະ ຊຸກຍູ້ສາຍພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ຍີ່ປຸ່ນ ໃຫ້ນັບມື້ນັບເຂົ້າສູ່ລວງເລິກ ແລະ ພັດທະນາຢ່າງແຮງ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ກ່າວຄຳເຫັນທີ່ການພົບປະ, ທ່ານປະທານ Shii Kazuo ສະແດງຄວາມຂອບອົກຂອບໃຈຢ່າງຈິງໃຈຕໍ່ບັນດາການນຳຂອງພັກ, ລັດ, ລັດຖະບານຫວຽດນາມ ທີ່ຍາມໃດກໍ່ເອົາໃຈໃສ່ຊຸກຍູ້ການຮ່ວມມືລະຫວ່າງສອງພັກ ແລະສອງປະເທດ; ພ້ອມກັນນັ້ນ ກໍ່ຕີລາຄາສູງຄວາມພະຍາຍາມຂອງພັກ, ລັດຖະບານ ແລະປະຊາຊົນຫວຽດນາມໃນການຮັບມືກັບການລະບາດຂອງພະຍາດໂຄວິດ -19; ຄວາມສາມັກຄີເປັນເອກະພາບ, ຄວາມເປັນຈິດໜຶ່ງໃຈດຽວ ແລະການສະໜັບສະໜູນຕໍ່ມາດຕະການຂອງລັດຖະບານ, ທັງໝົດແມ່ນເພື່ອຄວາມປອດໄພ ແລະຊີວິດການເປັນຢູ່ຂອງປະຊາຊົນ.
ທ່ານປະທານ Shii Kazuo ໄດ້ແລກປ່ຽນກ່ຽວກັບສະພາບການໂລກ ແລະພາກພື້ນ; ພ້ອມກັນນັ້ນກໍ່ຕີລາຄາສູງການເຂົ້າຮ່ວມຢ່າງຕັ້ງໜ້າ ຂອງຫວຽດນາມໃນບັນດາຄວາມມານະພະຍາຍາມຂອງສາກົນກ່ຽວກັບການບໍ່ແຜ່ຂະຫຍາຍອາວຸດນິວເຄຼຍ. ປະທານ Shii Kazuo ຫວັງວ່າ ເມື່ອຄວບຄຸມການລະບາດຂອງພະຍາດໄດ້ແລ້ວ, ສອງພັກຈະຈັດຕັ້ງການຢ້ຽມຢາມຂອງຜູ້ນໍາຂັ້ນສູງຄືນໃໝ່ໂດຍໄວ ແລະ ບັນດາກິດຈະກໍາແລກພົບປະ, ແລກປ່ຽນທິດສະດີລະຫວ່າງສອງພັກ.
ໄຊພອນ
