| ຊຸກຍູ້ການຮ່ວມມືເສດຖະກິດ ລະຫວ່າງ ແຂວງ Niigata ແລະ ບັນດາແຂວງ ຫວຽດນາມ | |
| ສະພາກາແດງ ຫວຽດນາມ ຜັນຂະຫຍາຍຍຸດທະສາດໜູນຊ່ວຍປະຊາຊົນ ທີ່ຖືກຜົນກະທົບຈາກໂລກລະບາດໂຄວິດ - 19 |
 |
| ພາບປະກອບ |
ພິທີປຸກລະດົມມີການເຂົ້າຮ່ວມຂອງຊາວຫວຽດນາມ ອາໄສຢູ່ອັງກິດ, ຜູ້ຕາງໜ້າວິສາຫະກິດ 3 ແຫ່ງ ນຳໜ້າໃນບັນດາການເຄື່ອນໄຫວປະຊາຄົມແມ່ນ Park Pharmacy, Vanity Aesthetics & Beauty ແລະ EPLEGAL.
ມີພໍ່ແມ່ປະຊາຊົນຫຼາຍຄົນມີຄວາມຕື້ນຕັນໃຈແບ່ງປັນວ່າ: ເຖິງວ່າດຳລົງຊີວິດຢູ່ໄກປະເທດຊາດກໍ່ຕາມ ແຕ່ວ່າ ເຂົາເຈົ້າຍາມໃດກໍ່ອ່ວາຍໜ້າເມືອຫາບ້ານເກີດເມືອງນອນ. ປະຊາຄົມ ຊາວຫວຽດນາມ ອາໄສຢູ່ ອັງກິດໃຫ້ຮູ້ວ່າ ແຕ່ລະຄັ້ງເມື່ອໄດ້ຮັບຂ່າວກ່ຽວກັບສະພາບການໂລກລະບາດໂຄວິດ - 19 ຢູ່ ຫວຽດນາມ ເຂົາເຈົ້າພັດຮູ້ສຶກເຈັບປວດໃຈ ແລະ ເປັນກັງວົນ.
ມີເຍົາວະຊົນຊາວ ອັງກິດ ເຊື້ອຊາດ ຫວຽດນາມ ຫຼາຍຄົນ ພ້ອມກັບຄອບຄົວໄດ້ນຳມາຍັງໂຄງການ ເຊິ່ງແມ່ນຈຳນວນເງິນທີ່ຕົນເອງປະຢັດໄດ້. ນາງ ອານາ ຮ່ວາງ, ອາຍຸ 13 ປີ ພວມຮ່ຳຮຽນຢູ່ໂຮງຮຽນມັດທະຍົມຕອນຕົ້ນຢູ່ ລອນດອນ ໄດ້ອາສາສະໝັກສອນທາງໄກ ແລະ ໄປເຮັດວຽກເສີມໃນໄລຍະພັກແລ້ງ. ຈຳນວນເງິນເດືອນ ທີ່ເກັບມາໄດ້ ລາວສະຫງວນທັງໝົດໃຫ້ແກ່ຍຸດທະສາດ ດ້ວຍຄວາມຮັກ ຫວຽດນາມ - ສະຖານທີ່ຕົ້ນກຳເນີດຂອງຕົນ.
ທີ່ພິທີປຸກລະດົມ, ໂຄງການສ້າງໄດ້ກອງທຶນທີ່ມີເງິນເປັນຈຳນວນ 101.835.000 ດົງ. ຄະນະຈັດຕັ້ງໃຫ້ຮູ້ວ່າ ຈະໂອນໃຫ້ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຂຶ້ນກັບກະຊວງການຕ່າງປະເທດ ຫວຽດນາມ ເພື່ອມອບໃຫ້ “ກອງທຶນປ້ອງກັນ, ສະກັດກັ້ນໂລກລະບາດໂຄວິດ - 19 ຂອງ ຫວຽດນາມ” ແລະ ກອງທຶນ “ຄວາມຮັກຕໍ່ໄຊງ່ອນ”.
ພາຍຫຼັງພິທີປຸກລະດົມຍຸດທະສາດ “ຮ່ວມແຮງຮ່ວມໃຈພ້ອມກັບ ຫວຽດນາມ ຜ່ານຜ່າໂລກລະບາດໂຄວິດ - 19” ຢູ່ລອນດອນ, ຄະນະຈັດຕັ້ງໃຫ້ຮູ້ວ່າ ຈະສືບຕໍ່ເປີດກວ້າງຍຸດທະສາດໄປຍັງບັນດາສະມາຄົມປະຊາຄົມຂອງຊາວຫວຽດນາມ ອາໄສຢູ່ ອັງກິດ ກໍ່ຄືບັນດານະຄອນ ດ້ວຍຮູບແບບສ້າງກອງທຶນທາງໄກ. ຮູບແບບນີ້ຈະຊ່ວຍໃຫ້ທຸກໆຄົນສາມາດພ້ອມກັນໄດ້ເຂົ້າຮ່ວມການປະກອບສ່ວນຊ່ວຍເຫຼືອບັນດາພໍ່ແມ່ປະຊາຊົນຢູ່ບ້ານເກີດເມືອງນອນໃນໄລຍະທີ່ປະສົບກັບຄວາມຫຍຸ້ງຍາກ ຍ້ອນການລ໋ອກດາວ ແລະ ການແຜ່ລະບາດຢ່າງແຮງຂອງໂລກລະບາດໂຄວິດ - 19.
ບຸນຄົງ
