ສະຫະພັນບັນດາສະມາຄົມມິດຕະພາບ

ສ້າງກອບນິຕິກຳທີ່ໝັ້ນຄົງ ແລະ ຮອບດ້ານສຳລັບການພົວພັນຮ່ວມມື ລະຫວ່າງປະຊາຊົນຫວຽດນາມ ແລະ ອູເບກິດສະຖານ

13:16 | 16/07/2021

ຍສໝ - ນັ້ນແມ່ນເປົ້າໝາຍ ແລະ ຄວາມໝາຍສຳຄັນຂອງການລົງນາມໃນບົດບັນທຶກຊ່ວຍຈຳ ກ່ຽວກັບການຮ່ວມມືປະຊາຊົນ ລະຫວ່າງ ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະມາຄົມມິດຕະພາບຫວຽດນາມ - ອຸເບກິດສະຖານ ແລະ ຄະນະກຳມາການພົວພັນລະຫວ່າງບັນດາປະຊາຊາດ ແລະ ການຮ່ວມມືມິດຕະພາບກັບຕ່າງປະເທດ ຂອງອູເບກິດສະຖານ, ສະມາຄົມມິດຕະພາບອູເບກິດສະຖານ - ຫວຽດນາມ…

ປະທານ VUFO ຫງວຽນເຟືອງງາ ໄດ້ມອບຜ້າໃຫ້ແກ່ໂຄງການສິລະປະສາກົນ “ຜ້າຂອງແມ່” ປະທານ VUFO ຫງວຽນເຟືອງງາ ໄດ້ມອບຜ້າໃຫ້ແກ່ໂຄງການສິລະປະສາກົນ “ຜ້າຂອງແມ່”
ເປີດ​ສະຫຼອງ​ສະ​ຫະ​ພັນ​ຮ່ວມ​ມື​ເສດ​ຖະ​ກິດ ຫວຽດ​ນາມ - ອາບ​ຟຼິກ​ກາ ເປີດ​ສະຫຼອງ​ສະ​ຫະ​ພັນ​ຮ່ວມ​ມື​ເສດ​ຖະ​ກິດ ຫວຽດ​ນາມ - ອາບ​ຟຼິກ​ກາ

ພິທີລົງນາມໃນບົດບັນທຶກຊ່ວຍຈຳ ໄດ້ດຳເນີນໃນວັນທີ 13 ກໍລະກົດ, ຢູ່ຮ່າໂນ້ຍ ດ້ວຍຮູບການອອນລາຍ. ໂດຍການເຂົ້າຮ່ວມຂອງ ທ່ານນາງປະທານ VUFO ຫງວຽນເຟື່ອງຫງາ, ທ່ານປະທານສະມາຄົມມິດຕະພາບຫວຽດນາມ - ອູເບກິດສະຖານ ເລື່ອງຟານກື່ ແລະ ທ່ານປະທານຄະນະກຳມະການກ່ຽວກັບການພົວພັນລະຫວ່າງບັນດາປະຊາຊາດ ແລະ ການຮ່ວມມືມິດຕະພາບກັບຕ່າງປະເທດ ຂຶ້ນກັບລັດຖະບານສາທາລະນະລັດ ອູເບກິດສະຖານ Kurbanov Rustambek Javdatovich.

ສ້າງກອບນິຕິກຳທີ່ໝັ້ນຄົງ ແລະ ຮອບດ້ານສຳລັບການພົວພັນຮ່ວມມື ລະຫວ່າງປະຊາຊົນຫວຽດນາມ ແລະ ອູເບກິດສະຖານ
ທ່ານນາງປະທານ VUFO ຫງວຽນເຟື່ອງຫງ່າ.

ຕາມເນື້ອໃນຂອງບົດບັນທຶກຊ່ວຍຈຳ, ໃນໄລຍະປີ 2021 - 2023, ສອງຝ່າຍຈະເພີ່ມທະວີການແລກປ່ຽນຄະນະຜູ້ແທນໃນຂົງເຂດວັດທະນະທຳ, ສິລະປະ, ດ້ວຍການເຂົ້າຮ່ວມຂອງບັນດານັກແຕ້ມ, ນັກຖ່າຍຮູບ, ບັນດານັກສິລະປິນ; ຈັດຕັ້ງກິດຈະກຳກິລາ, ວາງສະແດງຮູບພາບ ແລະ ຜະລິດຕະພັນຫັດຖະກຳພື້ນເມືອງ; ຈັດຕັ້ງໂຄງການບັນດາການສຶກສາ ແລະ ການແນະນຳການໄປຮຽນຢູ່ຕ່າງປະເທດ; ສົ່ງເສີມບັນດາການເຄື່ອນໄຫວແນະນຳຮູບເງົາຫວຽດນາມ ຢູ່ອູເບກິດສະຖານ ແລະ ຮູບເງົາອູເບກິດສະຖານ ຢູ່ຫວຽດນາມ…

ກ່າວຄຳເຫັນທີ່ພິທີ, ທ່ານນາງປະທານ VUFO ຫງວຽນເຟື່ອງຫງາ ໄດ້ຢືນຢັນວ່າ ການລົງນາມໃນບົດບັນທຶກຊ່ວຍຈຳການຮ່ວມມື ແມ່ນໜຶ່ງໃນບັນດາໝາກຜົນທີ່ດີ, ສ້າງກອບນິຕິກຳທີ່ໝັ້ນຄົງ ແລະ ຮອບດ້ານໃຫ້ແກ່ການຮ່ວມມືລະຫວ່າງປະຊາຊົນສອງປະເທດໃນຫຼາຍຂົງເຂດ, ຊ່ວຍໃຫ້ປະຊາຊົນສອງປະເທດເຂົ້າໃຈກັນແຈ້ງກ່ວາ ກ່ຽວກັບປະເທດ, ປະຊາຊົນ, ປະຫວັດສາດ ແລະ ວັດທະນະທຳຫວຽດນາມ - ອູເບກິດສະຖານ, ປະກອບສ່ວນຊຸກຍູ້ການພັດທະນາການພົວພັນຮ່ວມມືມິດຕະພາບ ທີ່ເປັນມູນເຊື້ອລະຫວ່າງຫວຽດນາມ ແລະ ອູເບກິດສະຖານ ໃຫ້ຂຶ້ນສູ່ລະດັບສູງໃໝ່.

ຄຳຮຸ່ງ

ເຫດການ