 |
| ທ່ານເອກອັກຄະລັດຖະທູດ ດິງຕວານທັ້ງມາເຂົ້າຢ້ຽມຂ່ຳນັບ ທ່ານນາງ Stephanie ໂດ ປະທານກຸ່ມສະມາຊິກລັດຖະສະພາມິດຕະພາບ ຝລັ່ງ - ຫວຽດນາມ (ພາບ: TTXVN) |
ກ່າວຄຳເຫັນທີ່ການມາເຂົ້າຢ້ຽມຂ່ຳນັບ ທ່ານນາງ Stephanie ໂດຍ ປະທານກຸ່ມສະມາຊິກລັດຖະສະພາມິດຕະພາບ ຝລັ່ງ - ຫວຽດນາມ ຢູ່ສະພາແຫ່ງຊາດ ຝລັ່ງ ໃນວັນທີ 7 ກໍລະກົດ, ທ່ານເອກອັກຄະລັດຖະທູດ ດິງຕວານທັ້ງ ໄດ້ສະແດງຄວາມຂອບອົກຂອບໃຈຕໍ່ກຸ່ມສະມາຊິກລັດຖະສະພາມິດຕະພາບ ຝລັ່ງ - ຫວຽດນາມ ປະຈຳ ສະພາແຫ່ງຊາດຝລັ່ງ ທີ່ໄດ້ຂົນຂວາຍລັດຖະສະພາ ເອີລົບ ຮັບຮອງເອົາສັນຍາການຄ້າເສລີ ຫວຽດນາມ - EU (EVFTA), ຈັດຕັ້ງບັນດາການເຄື່ອນໄຫວເພື່ອວົງການນັກການເມືອງ ແລະ ບັນດາສະມາຊິກສະພາແຫ່ງຊາດຝລັ່ງເຂົ້າໃຈຢ່າງລະອຽດກ່ຽວກັບບັນດາບັນຫາໃນປັດຈຸບັນຂອງ ຫວຽດນາມ.
ທ່ານເອກອັກຄະລັດຖະທູດ ດິງຕວານທັ໊ງ ຫວັງວ່າ ທ່ານນາງ Stephanie ໂດ ແລະ ກຸ່ມສະມາຊິກລັດຖະສະພາມິດຕະພາບ ຝລັ່ງ - ຫວຽດນາມ ຈະສືບຕໍ່ໜູນຊ່ວຍ ແລະ ສະໜັບສະໜູນ ຫວຽດນາມ ຊຸກຍູ້ລັດຖະສະພາຂອງບັນດາປະເທດສະມາຊິກ EU ຮັບຮອງເອົາສັນຍາອາລັກຂາການລົງທຶນລະຫວ່າງ ຫວຽດນາມ ແລະ EU (EVIPA), ໜູນຊ່ວຍແກ້ໄຂບັນດາບັນຫາອາຊີບຫາປາໃນການພົວພັນລະຫວ່າງ ຫວຽດນາມ - EU, ຮັບມືກັບການປ່ຽນແປງຂອງດິນຟ້າອາກາດ ແລະ ພັດທະນາແບບຍືນຍົງ.
ທ່ານນາງ Stephanie ໂດ ໃຫ້ຮູ້ວ່າ ທ່ານຍາມໃດກໍ່ຕິດຕາມສະພາບການຢູ່ ຫວຽດນາມ ແລະ ອັບເດດຂໍ້ມູນຂ່າວກ່ຽວກັບການພົວພັນລະຫວ່າງ ສອງສະພາແຫ່ງຊາດ, ບັນດາທ້ອງຖິ່ນຂອງສອງປະເທດ.
ທ່ານນາງ Stephanie ໂດ ກໍ່ໄດ້ຢັ້ງຢືນວ່າ ກຸ່ມສະມາຊິກລັດຖະສະພາມິດຕະພາບ ຝລັ່ງ - ຫວຽດນາມ ຢູ່ສະພາສູງ ຝລັ່ງ ຈະສະໜັບສະໜູນ ແລະ ໜູນຊ່ວຍຫວຽດນາມ ໃນຫຼາຍບັນຫາທີ່ມີລັກສະນະຍຸດທະສາດໃນໄລຍະຈະມາເຖິງ.
ບຸນຄົງ
