| ເຮັດໃຫ້ການພົວພັນຄູ່ຮ່ວມມືຍຸດທະສາດ ຫວຽດນາມ - ເຢຍລະມັນ ເລິກເຊິ່ງຂຶ້ນຕື່ມ | |
| ອາກຊັງຕີິນ ມີຄວາມປາດຖະໜາຢາກສ້າງຕັ້ງການພົວພັນຄູ່ຮ່ວມມືຍຸດທະສາດ ກັບ ຫວຽດນາມ |
 |
| ກອງປະຊຸມສຳມະນາດ້ານການສຶກສາ ໄຕ້ຫວັນ ປີ 2021 ດ້ວຍຫົວຂໍ້ວ່າ “ໄປຮຽນຢູ່ໄຕ້ຫວັນ - ຫຼັກສູດບຳລຸງສ້າງ, ແຫຼ່ງຊັບພະຍາກອນທີ່ມີຄຸນນະພາບສູງ” |
ສະມາຄົມພັດທະນາເສດຖະກິດວັດທະນະທຳການສຶກສາ ໄຕ້ຫວັນ - ຫວຽດນາມ ຫາກໍ່ຈັດຕັ້ງໂຄງການສຳມະນາດ້ານການສຶກສາ ໄຕ້ຫວັນ ປີ 2021 ດ້ວຍຫົວຂໍ້ວ່າ “ໄປຮຽນຢູ່ໄຕ້ຫວັນ - ຫຼັກສູດບຳລຸງສ້າງ, ແຫຼ່ງຊັບພະຍາກອນມະນຸດທີ່ມີຄຸນນະພາບສູງ”.
ໂຄງການໂດຍຫ້ອງການເສດຖະກິດ ວັດທະນະທຳ ຫວຽດນາມ ປະຈຳ ໄຕ້ຫວັນ (ຈີນ) ພ້ອມກັບການໜູນຊ່ວຍຂອງກະຊວງແຜນການ ການລຶງທຶນ - ສູນສົ່ງເສີມການລົງທຶນພາກເໜືອ ຂອງ ໄຕ້ຫວັນ ປະຕິບັດ. ເຂົ້າຮ່ວມກອງປະຊຸມສຳມະນາມີໂຮງຮຽນ ໄຕ້ຫວັນ 5 ແຫ່ງໄດ້ແນະນຳບັນດາໂຄງການທຶນການສຶກສາ ເດືອນກັນຍາ 2021.
ກ່າວຄຳເຫັນໄຂກອງປະຊຸມສຳມະນາ, ທ່ານນາງ ໂງເຝິມເຈິນ - ປະທານສະມາຄົມພັດທະນາເສດຖະກິດວັດທະນະທຳການສຶກສາ ໄຕ້ຫວັນ ຫວຽດນາມ ໄດ້ສະແດງຄວາມຂອບອົບຂອບໃຈໄປຍັງຫ້ອງການເສດຖະກິດວັດທະນະທຳ ຫວຽດນາມ ປະຈຳ ໄຕ້ຫວັນ ແລະ ຫ້ອງການນິຕິບັນຍັດ ໄຕ້ຫວັນ ໃນໄລຍະ 6 ປີຜ່ານມາ ທີ່ໄດ້ສະໜັບສະໜູນ ສະມາຄົມໃນການສົ່ງເສີມການຜັນຂະຫຍາຍການຮ່ວມມືຂອງນະໂຍບາຍມຸ່ງໄປສູ່ທາງທິດໃຕ້ໃໝ່.
ຕາມການສະຖິຕິແລ້ວ, ນັບແຕ່ປີ 2020 ມີນັກສຶກສາ ຫວຽດນາມ ເກືອບ 18.000 ຄົນພວມຮ່ຳຮຽນຫຼັກສູດບຳລຸງສ້າງ “ຮຽນ ແລະ ປະຕິບັດງານຢູ່ວິສາຫະກິດ” ຢູ່ ໄຕ້ຫວັນ ແລະ ເດືອນມິຖຸນາ ປີ 2021 ໄດ້ຈົບຊຸດຮຽນທຳອິດ. ປັດຈຸບັນ, ມີນັກສຶກສາປະມານ 70% ທີ່ຮຽນຈົບ ສາມາດຊອກຫາໄດ້ວຽກເຮັດງານທຳຢູ່ ໄຕ້ຫວັນ, ມີ 15% ຮຽນຕໍ່ປະລິຍາໂທ, 10% ຄາດວ່າຈະກັບຄືນຫວຽດນາມ ເຮັດວຽກ.
ເພື່ອສ້າງເງື່ອນໄຂເຊື່ອມຕໍ່ວຽກເຮັດງານທຳໃຫ້ແກ່ບັນດານັກສຶກສາທີ່ຫາກໍ່ຮຽນຈົບ, ພ້ອມທັງໜູນຊ່ວຍບັນດາກຸ່ມບໍລິສັດເອເລັກໂຕນິກ, ໄຕ້ຫວັນ ໄດ້ກະກຽມການລົງທຶນເຂົ້າມາຫວຽດນາມ. ສະມາຄົມ ໄຕ້ຫວັນ - ຫວຽດ ໄດ້ສົມທົບກັບສະມາຄົມເອເລັກໂຕນິກ ຂອງ ໄຕຫວັນ ຈະຈັດຕັ້ງວັນບຸນເຮັດວຽກທາງອອນລາຍ ເພື່ອຊ່ວຍໃຫ້ນ້ອງໆນັກສຶກສາພາຍຫຼັງຮຽນຈົບຈະມີໂອກາດໄດ້ສຳພາດທາງອອນລາຍກັບ ກຸ່ມບໍລິສັດເອເລັກໂຕນິກແຖວໜ້າຂອງ ໄຕຫວັນ 16 ແຫ່ງ ທີ່ພວມກະກຽມເຂົ້າມາລົງທຶນຢູ່ ຫວຽດນາມ.
ບຸນຄົງ
