| ຫວຽດນາມສັກວັກຊິນກັນໂຄວິດ - 19 ໃຫ້ແກ່ນັກຂ່າວ ບັນດາຫ້ອງການສື່ມວນຊົນຕ່າງປະເທດ ປະຈຳ ຫວຽດນາມ | |
| ຫວຽດນາມ ບໍ່ຈຳແນກການປະພຶດໃນການສັກວັກຊິນກັນໂຄວິດ - 19 ໃຫ້ຊາວຕ່າງປະເທດ |
 |
| ທ່ານ ດັ້ງຮ່ວາງຢາງ ຮອງລັດຖະມົນຕີກະຊວງການຕ່າງປະເທດ ຫວຽດນາມ |
ວັນທີ 28 ມິຖຸນາ, ທ່ານ ດັ້ງຮ່ວາງຢາງ ຮອງລັດຖະມົນຕີກະຊວງການຕ່າງປະເທດ ໄດ້ເຂົ້າຮ່ວມ ແລະ ກ່າວຄຳເຫັນທີ່ວາລະປຶກສາຫາລືເປີດທາງອອນລາຍຂັ້ນສູງຂອງສະພາຄວາມໝັ້ນຄົງ ສປຊ ກ່ຽວກັບຫົວຂໍ້ “ເດັກນ້ອຍ ແລະ ການປະທະກັນປະກອບອາວຸດ”. ທ່ານ ດັ້ງຮ່ວາງຢາງ ຮອງລັດຖະມົນຕີກະຊວງການຕ່າງປະເທດ ຢັ້ງຢືນວ່າ ການປົກປ້ອງເດັກນ້ອຍໃນການປະທະກັນປະກອບອາວຸດ ຍາມໃດກໍ່ແມ່ນໜຶ່ງໃນບັນດາບຸລິມະສິດຂອງ ຫວຽດນາມ...
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີ ດັ້ງຮ່ວາງຢາງ ໃຫ້ຮູ້ວ່າ ຫວຽດນາມ ຮັບຮູ້ກ່ຽວກັບບັນດາຄວາມເສຍຫາຍ, ຄວາມເຈັບປວດໃນສົງຄາມຢ່າງເລິກເຊິ່ງ, ພິເສດແມ່ນກ່ຽວຂ້ອງເຖິງເດັກນ້ອຍ. ທ່ານ ຮອງລັດຖະມົນຕີ ໄດ້ສະແດງຄວາມຊົມເຊີຍຕໍ່ບັນດາໝາກຜົນທີ່ຕັ້ງໜ້າ ເຊິ່ງປະຊາຄົມສາກົນ ບັນລຸໄດ້ໃນໄລຍະ 25 ປີແຫ່ງການປະຕິບັດໂຄງການດຳເນີນງານເພື່ອເດັກນ້ອຍ ແລະ ການປະທະກັນປະກອບອາວຸດ.
ເຖິງຢ່າງໃດກໍ່ຕາມ, ເດັກນ້ອຍໃນປັດຈຸບັນຍັງສືບຕໍ່ຖືກດຶງເຂົ້າໃນບັ້ນການປະທະກັນ ແລະ ແມ່ນຜູ້ປະສົບເຄາະຮ້າຍຈາກໄພໃຊ້ຄວາມຮຸນແຮງທີ່ນັບມື້ນັບເພີ່ມຂຶ້ນສູງ. ເພາະສະນັ້ນ, ເງື່ອນໄຂຕັດສິນຊີ້ຂາດເພື່ອປົກປ້ອງເດັກນ້ອຍແມ່ນຢຸດຕິສົງຄາມ ແລະ ນຳສັນຕິພາບມາສູ່ທຸກຂົງເຂດໃນທົ່ວໂລກ. ຕ້ອງປະຕິບັດຄຳຮຽກຮ້ອງຢຸດຍິງທົ່ວໂລກຂອງ ທ່ານເລຂາທິການໃຫຍ່ ສປຊ, ພ້ອມທັງຊຸກຍູ້ການເຄົາລົບ ແລະ ປະຕິບັດຕາມກົດໝາຍສາກົນ, ພິເສດແມ່ນ ກົດໝາຍວ່າດ້ວຍມະນຸດສະທຳສາກົນ, ຮັບປະກັນໃຫ້ແກ່ເດັກນ້ອຍ ໄດ້ສຳຜັດກັບບັນດາການໜູນຊ່ວຍດ້ານມະນຸດສະທຳ ແລະ ວັກຊິນກັນໂຄວິດ - 19 ຢ່າງຄົບຖ້ວນ.
ໂຄງການດຳເນີນງານເພື່ອເດັກນ້ອຍ ແລະ ການປະທະກັນປະກອບອາວຸດ ແມ່ນໜຶ່ງໃນບັນດາບຸລິມະສິດຂອງ ຫວຽດນາມ ຢູ່ ສະພາຄວາມໝັ້ນຄົງ ສປຊ. ໃນອາຍຸການ 2008 – 2009, ໃນຖານະເປັນປະທານສະພາຄວາມໝັ້ນຄົງ ສປຊ, ຫວຽດນາມ ໄດ້ຈັດຕັ້ງການປຶກສາຫາລືເປີດກ່ຽວກັບເດັກນ້ອຍ ແລະ ການເບິ່ງແຍງດູແລເດັກນ້ອຍ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ພັດທະນາແບບຍືນຍົງ, ສ້າງສັນຕິພາບພາຍຫຼັງການປະທະກັນ. ຫວຽດນາມ ກໍ່ເປັນປະເທດເຈົ້າພາບຈັດຕັ້ງ ແລະ ຊຸກຍູ້ ສະພາຄວາມໝັ້ນຄົງ ສປຊ ຜ່ານຖະແຫຼງກການປະທານ S/PRST/2008/08 ກ່ຽວກັບເດັກນ້ອຍ ແລະ ການປະທະກັນປະກອບອາວຸດ.
ບຸນຄົງ
