| ກວດກາຄືນວຽກງານກະກຽມໃຫ້ແກ່ກອງປະຊຸມ ADMM – 14 ແລະ ADMM+ ຄັ້ງທີ 7 | |
| ຫວຽດນາມຈະເປັນປະທານ ADMM ແລະ ADMM+ ຢ່າງເປັນທາງການ |
 |
| ທ່ານນາຍົກລັດຖະມົນຕີ ຫງວຽນຊວັນຟຸກ (ພາບ: VOV) |
ເຂົ້າຮ່ວມພິທີສະເຫຼີມສະຫຼອງ, ຢູ່ສະຖານທີ່ເຊື່ອມຕໍ່ຂອງ ຫວຽດນາມ ມີຜູ້ຕາງໜ້າການນຳບັນດາຄະນະ, ກະຊວງ, ຂະແໜງການ, ເອກອັກຄະລັດຖະທູດ, ທູດທະຫານບັນດາປະເທດ, ຫົວໜ້າຄະນະຜູ້ຕາງໜ້າ ອີຢູ ແລະ ຫົວໜ້າຄະນະຜູ້ຕາງໜ້າອົງການພັດທະນາ ສປຊ ປະຈຳ ຫວຽດນາມ. ຢູ່ສະຖານທີ່ເຊື່ອມຕໍ່ຢູ່ບັນດາປະເທດ ລວມມີ ລັດຖະມົນຕີກະຊວງປ້ອງກັນປະເທດບັນດາປະເທດ ADMM+ (ລວມມີ 10 ປະເທດ ອາຊຽນ ແລະ 8 ປະເທດ ຄູ່ຮ່ວມມື); ທ່ານເລຂາທິການໃຫຍ່ ອາຊຽນ; ລັດຖະມົນຕີກະຊວງປ້ອງກັນປະເທດບັນດາປະເທດຖືກເຊີນ.ໃນສານທີ່ໄດ້ສົ່ງເຖິງພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ:
“ຂ້າພະເຈົ້າຕີລາຄາສູງບັນດາບາດກ້າວພັດທະນາຂອງ ADMM+ ໃນໄລຍະ 10 ປີ ຜ່ານມາ. ADMM+ ແມ່ນກົນໄກທີ່ມີຂະໜາດໃຫຍ່ຢ່າງແທ້ຈິງ, ໄດ້ ແລະ ກຳລັງເສີມຂະຫຍາຍບົດບາດເປັນກົນໄກປຶກສາຫາລືກ່ຽວກັບນະໂຍບາຍ ແລະ ການຮ່ວມມືແທດຈິງ ກ່ຽວກັບດ້ານປ້ອງກັນຊາດ - ປ້ອງກັນຄວາມສະຫງົບ ຂັ້ນລັດຖະມົນຕີກະຊວງປ້ອງກັນປະເທດຢ່າງມີປະສິດທິຜົນ, ພ້ອມທັງມີບັນດາບາດກ້າວພັດທະນາຕົນເອງໃຫ້ເໝາະສົມກັບຄວາມຕ້ອງການກໍຄືສະພາບການຕົວຈິງ ເພື່ອແນໃສ່ຮັບມືກັບບັນດາສິ່ງທ້າທາຍຄວາມໝັ້ນຄົງແບບໃໝ່ທີ່ພວມພົ້ນເດັ່ນຂຶ້ນ”.
ໃນສະພາບການພາກພື້ນ ແລະ ໂລກ ປະເຊີນໜ້າກັບສິ່ງທ້າທາຍຫຼາຍຢ່າງ, ໂດຍສະເພາະແມ່ນໄລຍະທີ່ຫຍຸ້ງຍາກນີ້, ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ ຍິ່ງກວ່າເວລາໃດໝົດ, ທຸກປະເທດໃນໂລກ ຄວນສ້າງສັນຕິພາບ, ສະຖຽນລະພາບ, ຮ່ວມມື ແລະ ພັດທະນາ. ນີ້ແມ່ນເວລາເພື່ອໃຫ້ບັນດາກົນໄກຮ່ວມມືຫຼາຍຝ່າຍໃນພາກພື້ນດ້ວຍບົດບາດເປັນເສົາຄ້ຳ ແລະ ນຳພາຂອງ ອາຊຽນ ຕ້ອງໄດ້ຮັບການເສີມຂະຫຍາຍ ແລະ ADMM+ ກໍແມ່ນໜຶ່ງໃນບັນດາກົນໄກເຫຼົ່ານັ້ນ.
ກ່າວຄຳເຫັນທີ່ພິທີ, ທ່ານພົນເອກ ໂງຊວັນລິກ ໄດ້ສະຫຼຸບວິວັດການສ້າງຕັ້ງ ແລະ ພັດທະນາ, ໝາກຜົນການຮ່ວມມືໃນ ADMM+ ໃນໄລໄຍະ 10 ປີຜ່ານມາ ໂດຍສັງເຂບ ແລະ ຢັ້ງຢືນວ່າ:
“ໜຶ່ງໃນບັນດາຂີດໝາຍສຳຄັນໃນການປະກອບສ່ວນຂອງ ຫວຽດນາມ ກໍແມ່ນຂີດໝາຍສຳຄັນໃນປະຫວັດສາດ ອາຊຽນ ນັ້ນແມ່ນການກຳເນີດຂອງ ADMM+ ເມື່ອປີ 2010 ຢູ່ຮ່າໂນ້ຍ, ເຊິ່ງໄດ້ສ້າງຂີດໝາຍໃຫ້ແກ່ການສ້າງຕັ້ງກົນໄກຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ ເພື່ອແນໃສ່ເພີ່ມທະວີການສ້າງສັນຕິພາບ, ສະຖຽນລະພາບ ແລະ ການພັດທະນາຂອງພາກພື້ນ. ໂດຍແມ່ນສະມາຊິກໜຶ່ງທີ່ມີຄວາມຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງ ອາຊຽນ ກໍຄື ADMM+, ຫວຽດນາມ ຈະສືບຕໍ່ເຮັດຈົນສຸດຄວາມສາມາດຂອງຕົນ ເພື່ອພ້ອມກັບບັນດາປະເທດ ອາຊຽນ, ປະເທດເພື່ອນມິດ ແລະ 8 ປະເທດຄູ່ຮ່ວມມື ສືບຕໍ່ປະກອບສ່ວນໃຫ້ແກ່ພາກພື້ນ ແຫ່ງສັນຕິພາບ, ສະຖຽນລະພາບ ແລະ ພັດທະນາ”.
ທີ່ພິທີ, ທ່ານເລຂາທິການໃຫຍ່ ອາຊຽນ; ລັດຖະມົນຕີກະຊວງປ້ອງກັນປະເທດ ອິນເດຍ; ລັດຖະມົນຕີກະຊວງປ້ອງກັນປະເທດ ຍີ່ປຸ່ນ; ຮອງເລຂາທິການໃຫຍ່ ສປຊ ໄດ້ກ່າວຄຳເຫັນສະເຫຼີມສະຫຼອງວັນສ້າງຕັ້ງ ADMM+ ຄົບຮອບ 10 ປີ; ຕີລາຄາສູງບົດບາດຂອງກະຊວງປ້ອງກັນປະເທດ ຫວຽດນາມ ໃນຖານະເປັນປະທານ ອາຊຽນ, ນຳ ອາຊຽນ ຜ່ານຜ່າບັນດາສິ່ງທ້າທາຍຂອງປີ 2020 ແລະ ເຊື່ອໝັ້ນວ່າ ໝາກຜົນດັ່ງກ່າວ ຈະສືບຕໍ່ໄດ້ຮັບການເສີມຂະຫຍາຍໃນໄລຍະຈະມາເຖິງ.
 | ກວດກາຄືນວຽກງານກະກຽມໃຫ້ແກ່ກອງປະຊຸມ ADMM – 14 ແລະ ADMM+ ຄັ້ງທີ 7 ຍສໝ - ADMM – 14 ແລະ ADMM+ ຄັ້ງທີ 7 ແມ່ນສອງກອງປະຊຸມສຳຄັນທີ່ສຸດ, ສິ້ນສຸດບັນດາການເຄື່ອນໄຫວ, ກອງປະຊຸມການທະຫານ, ປ້ອງກັນຊາດ ອາຊຽນໂດຍກະຊວງປ້ອງກັນປະເທດ ເປັນເຈົ້າພາບຈັດຕັ້ງໃນປີຫວຽດນາມດຳລົງຕຳແໜ່ງເປັນປະທານອາຊຽນ 2020. |
 | ຫວຽດນາມຈະເປັນປະທານ ADMM ແລະ ADMM+ ຢ່າງເປັນທາງການ ຍສໝ - ພິທີມອບຮັບຕຳແໜ່ງປະທານກອງປະຊຸມລັດຖະມົນຕີກະຊວງປ້ອງກັນປະເທດອາຊຽນ (ADMM) ແລະ ປະທານກອງປະຊຸມລັດຖະມົນຕີກະຊວງປ້ອງກັນປະເທດອາຊຽນເປີດກວ້າງ (ADMM+) ປີ 2020 ໃນຕອນບ່າຍວັນທີ 18 ພະຈິກທີ່ ນະຄອນຫຼວງບາງກອກ, ປະເທດໄທ. |
 | ເພີ່ມທະວີຮ່ວມມືດ້ານປ້ອງກັນຊາດ ລະຫວ່າງ ອາຊຽນ ແລະ ບັນດາຄູ່ຮ່ວມມື ຍສໝ - ວັນທີ 17 ພະຈິກ, ທີ່ນະຄອນຫຼວງບາງກອກ, ປະເທດໄທ, ທ່ານ ພົນເອກ ໂງຊວັນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ ເຂົ້າຮ່ວມບັນດາການພົບປະບໍ່ເປັນທາງການລະຫວ່າງລັດຖະມົນຕີກະຊວງປ້ອງກັນປະເທດຂອງ ບັນດາປະເທດສະມາຊິກອາຊຽນ (ASEAN) ແລະ ລັດຖະມົນຕີກະຊວງປ້ອງກັນປະເທດ ບັນດາປະເທດຈີນ, ຍີ່ປຸ່ນ ແລະ ອາເມລິກາ. |
vovworld.vn
