 |
| ໂຮງໝໍແມ່ສູນກາງ ມອບຊຸດປ້ອງກັນຕ້ານໂລກລະບາດ 500 ຊຸດ ໃຫ້ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ.(ພາບ: PV/Vietnam+) |
ປັດຈຸບັນ, ຫຼາຍປະເທດໃນທົ່ວໂລກ ກຳລັງຮັບມືກັບການລະບາດຂອງພະຍາດລະບາດ COVID-19, ແລະປະເທດຝຣັ່ງ ມີກໍລະນີຕິດເສື້ອ ແລະ ອັດຕາການເສຍຊີວິດສູງສຸດເປັນອັນດັບ 4 ຂອງໂລກ. ທ່ານໝໍ ແລະ ພະຍາບານຝຣັ່ງ ກຳລັງຕໍ່ສູ້ເພື່ອຄວບຄຸມພະຍາດດັ່ງກ່າວ. ໃນປະເທດຝຣັ່ງ, ເຄື່ອງໃຊ້ທາງການແພດລວມທັງເຄື່ອງນຸ່ງປ້ອງກັນການລະບາດຂອງພະຍາດ ແລະ ຜ້າອັດປາກ ແມ່ນຈຳເປັນ.
ຄວາມເປັນຫ່ວງຂອງບັນດາທ່ານໝໍ ຂອງໂຮງແມ່ສູນກາງ ໄດ້ສະແດງໃຫ້ເຫັນຄວາມສາມັກຄີ ແລະ ຄວາມພ້ອມທີ່ຈະແບ່ງປັນກັບປະຊາຊົນຝຣັ່ງໃນການຕໍ່ສູ້ກັບ COVID-19.
 |
| ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝະລັ່ງ ມອບຂອງຂວັນຊ່ວຍເຫຼືອໃຫ້ສະຖານທູດຝຣັ່ງປະຈຳ ຫວຽດນາມ. |
ທີ່ການຕ້ອນຮັບ, ຜູ້ຕາງໜ້າ ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝະລັ່ງ ໄດ້ຂອບອົກຂອບໃຈໂຮງໝໍແມ່ສູນກາງ ທີ່ ໄດ້ໃຫ້ການຊ່ວຍເຫຼືອໃນຄັ້ງນີ້, ແລະ ຈະແຈກຢາຍເຄື່ອງຊ່ວຍເຫຼືອໃຫ້ແກ່ແພດໝໍ ແລະ ປະຊາຊົນຝຣັ່ງໂດຍໄວ.
ກ່ອນໜ້ານັ້ນ, ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝະລັ່ງ ໄດ້ມອບຜ້າອັດປາກການແພດ 51.000 ແຜ່ນໃຫ້ປະຊາຊົນຝະລັ່ງ. ຈຳນວນຜ້າອັດປາກການແພດ ທີ່ໄດ້ມອບຮັບໃນຄັ້ງນີ້ລວມມີມຸນຄ່າ ຫຼາຍກ່ວາ 200 ລ້ານດົ່ງ, ໄດ້ຖືກຮຽກຮ້ອງການສະໜັບສະໜູນຈາກສະມາຄົມອະດີດນັກສຶກສາຫວຽດນາມ ຢູ່ ປະເທດຝຣັ່ງ (UAVF); ບັນດາອົງການສູນກາງ ແລະ ທ້ອງຖິ່ນ, ບັນດາວິສາຫະກິດຫວຽດນາມ ໄດ້ຮ່ວມມືກັບຝະລັ່ງ… ປະຈຸບັນ, ສະມາຄົມສືບຕໍ່ຮຽກຮ້ອງການສະໜັບສະໜູນຕື່ມອີກ.
ນອກຈາກນັ້ນ, ໃນຕອນບ່າຍວັນທີ 24 ເມສາ, ກົມພົວພັນຕ່າງປະເທດ, ກະຊວງຕຳຫຼວດຫວຽດນາມ ໄດ້ມອບຜ້າອັດປາກ-ອັດດັງຂ້າເຊື້ອ ຈຳນວນ 10.000 ອັນຂອງກະຊວງຕຳຫຼວດຫວຽດນາມ ໃຫ້ກະຊວງພາຍໃນປະເທດຝລັ່ງ, ເພື່ອແນໃສ່ໜູນຊ່ວຍໃນວຽກງານປ້ອງກັນ, ຕ້ານໂລກລະບາດໂຄວິດ- 19 ຜ່ານ ທ່ານ Nicolas Warnery ເອກອັກຄະລັດຖະທູດຝລັ່ງ ປະຈຳຫວຽດນາມ.
ໄຊພອນ
