| VUFO ຈະພ້ອມກັບສະຖານທູດລາວ ເພື່ອເພີ່ມພູນຄູນສ້າງສາຍພົວພັນມິດຕະພາບ ແລະ ຄວາມສາມັກຄີພິເສດ ລະຫວ່າງ ສສ.ຫວຽດນາມ ແລະ ສປປ.ລາວ | |
| ຮອງນາຍົກລັດຖະມົນຕີ ສສ ຫວຽດນາມ ຢ້ຽມຢາມ ສປປ ລາວ ເພື່ອຮັດແໜ້ນການຮ່ວມມື |
 |
| ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫວຽດນາມ ແລະ ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ລາວ. ພາບ: TTXVN. |
ເນື່ອງໃນໂອກາດສະເຫຼີມສະຫຼອງວັນຊາດສາທາລະນະລັດ ປະຊາທິປະໄຕ ປະຊາຊົນ ລາວ ຄົບຮອບ 45 ປີ, ວັນທີ 01 ທັນວາ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫວຽດນາມ, ທ່ານ ຫງວຽນຊວນຟຸກ ນາຍົກລັດຖະມົນຕີ ຫວຽດນາມ ແລະ ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ສົ່ງສານອວຍພອນມາຍັງ ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ ລາວ ແລະ ທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ ລາວ.
ເນື້ອໃນສານມີຕອນຂຽນວ່າ: "ຫວຽດນາມ ອວຍພອນ ປະຊາຊົນລາວອ້າຍນ້ອງຢ່າງຈິງໃຈ ພາຍໃຕ້ການຊີ້ນຳນຳພາຢ່າງສະຫລາດສ່ອງໃສຂອງພັກປະຊາຊົນປະຕິວັດລາວ ໂດຍທ່ານເລຂາທິການໃຫຍ່, ປະທານປະເທດ ບຸນຍັງ ວໍລະຈິດ ນຳໜ້າ, ຈະສືບຕໍ່ຍາດໄດ້ບັນດາຜົນງານໃໝ່ທີ່ຍິ່ງໃຫຍ່ກ່ວາອີກ ໃນພາລະກິດປົກປັກຮັກສາ ແລະ ສ້າງສາປະເທດຊາດ; ປະຕິບັດມະຕິກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດ ລາວ ແລະ ແຜນການພັດທະນາເສດຖະກິດ - ສັງຄົມໄລຍະ 5 ປີ 2016 – 2020 ຢ່າງມີໄຊ, ກ້າວໄປເຖິງການຈັດກອງປະຊຸມໃຫຍ່ຄັ້ງທີ 11 ຂອງພັກປະຊາຊົນປະຕິວັດລາວປະສົບຜົນສຳເລັດ".
ລາວ-ຫວຽດນາມ, ຫວຽດນາມ-ລາວ ແມ່ນສອງປະເທດບ້ານໃກ້ເຮືອນຄຽງ, ຮ່ວມສາຍພູຫລວງ, ຮ່ວມແມ່ນ້ຳ, ການພົວພັນສະໜິດສະໜົມ ຖານອ້າຍນ້ອງ ລະຫວ່າງສອງຊາດ ໄດ້ຮັບການສ້າງຕັ້ງ ແລະ ເພີ່ມພູນຄູນສ້າງ ໃນປະຫວັດສາດ ແຫ່ງການສ້າງສາ ແລະ ປົກປັກຮັກສາ ປະເທດຊາດ. ການພົວພັນມູນເຊື້ອອັນດີງາມ, ຄວາມສະໜິດຕິດພັນ ຈິດໜຶ່ງໃຈດຽວ ລະຫວ່າງ ປະຊາຊົນ ສອງປະເທດ ລາວ-ຫວຽດນາມ, ຫວຽດນາມ - ລາວ, ໂດຍປະທານໂຮ່ຈິມິງ ແລະ ປະທານ ໄກສອນ ພົມວິຫານ ເປັນຜູ້ກໍ່ຕັ້ງ, ການນໍາຮຸ່ນຕ່າງໆ ແລະ ປະຊາຊົນສອງປະເທດ ເພີ່ມພູນຄູນສ້າງ. ນີ້ແມ່ນຊັບສົມບັດ ອັນລ້ຳຄ່າຂອງສອງຊາດ, ເໝາະສົມກັບກົດເກນ ພັດທະນາລວມ ຂອງສອງປະເທດ ໃນໄລຍະທາງ ແຫ່ງການພັດທະນາ ປະເທດຊາດ ວັດທະນາຖາວອນ, ປະຊາຊົນອີ່ມໜຳສຳລານ ແລະ ມີຄວາມຜາສຸກ.
ການຕໍ່ສູ້ປົດປ່ອຍຊາດ ແລະ ຍາດເອົາເອກະລາດ ຂອງແຕ່ລະປະເທດ, ຄວາມສະໜິດຕິດພັນທີ່ສະໜິດແໜ້ນ, ການສົມທົບກັນ, ການຊ່ວຍເຫລືອທີ່ບໍ່ລຳອຽງ, ສຸດອົກສຸດໃຈ ລະຫວ່າງສອງປະເທດ, ສອງຊາດລາວ-ຫວຽດນາມ ໄດ້ກາຍເປັນກຳລັງແຮງ ອັນໃຫຍ່ຫລວງ ແລະ ແມ່ນປັດໄຈສຳຄັນ ປະກອບສ່ວນນຳການ ປະຕິວັດສອງປະເທດ ໄປສູ່ໄຊຊະນະສົມບູນ ເມື່ອປີ 1975. ໃນ 45 ປີ ຜ່ານມາ, ພາຍໃຕ້ການນຳພາທີ່ ສະຫລາດສ່ອງໃສ ຂອງພັກປະຊາຊົນ ປະຕິວັດລາວ, ປະຊາຊົນລາວບັນດາເຜົ່າ ບັນລຸໄດ້ຫລາຍຜົນງານ ອັນໃຫຍ່ຫລວງ, ມີຄວາມໝາຍປະຫວັດສາດ: ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ໄດ້ຮັບການຮັກສາ ຢ່າງໜັກແໜ້ນ, ການເມືອງ - ສັງຄົມສະຖຽນລະພາບ, ເສດຖະກິດ ໄດ້ຮັກສາທ່າເຕີບໂຕພໍສົມຄວນ. ຍາມໃດລາວ ກໍ່ນອນຢູ່ໃນກຸ່ມ ບັນດາປະເທດເຕີບໂຕ ເສດຖະກິດສູງທີ່ສຸດ ໃນກຸ່ມອາຊຽນ, ຊີວິດທາງດ້ານວັດຖຸ, ຈິດໃຈຂອງປະຊາຊົນ ໄດ້ຮັບການປັບປຸງຢ່າງບໍ່ຢຸດຢັ້ງ, ປະຊາຊົນລາວບັນດາເຜົ່າ ມີຄວາມສາມັກຄີ, ເຊື່ອໝັ້ນອະານາຄົດ ທີ່ສົດໃສຂອງປະເທດຊາດ. ບົດບາດ ແລະ ທີ່ຕັ້ງຂອງລາວ ນັບມື້ນັບໄດ້ຮັບ ການຍົກສູງຢູ່ເທິງເວທີພາກພື້ນ ແລະ ສາກົນ.
 | ສະຫະພັນບັນດາອົງການຈັດຕັ້ງມິດຕະພາບແຂວງດົ່ງນາຍ ສົມທົບກັບສະມາຄົມມິດຕະພາບຫວຽດນາມ- ລາວ ແຂວງດົ່ງນາຍ ຈັດຕັ້ງພິທີສະເຫຼີມສະຫຼອງວັນຊາດລາວ ຄົບຮອບ 45 ປີ ຍສໝ - ທີ່ພິທີ, ສະມາຄົມມິດຕະພາບຫວຽດນາມ- ລາວ ແຂວງດົ່ງນາຍ ໄດ້ມອບຂອງຂວັນ 10 ພູດ ໃຫ້ແກ່ນັກສຶກສາລາວ 10 ຄົນ ທີ່ພວມຮໍ່າຮຽນຢູ່ມະຫາວິທະຍາໄລດົ່ງນາຍ. |
 | ຢ້ຽມຢາມຖາມຂ່າວ ແລະມອບຂອງຂວັນໃຫ້ແກ່ປະຊາຊົນບັນດາຕາແສງເລ່ຍ, ເມືອງເຮືອງຮວາ, ແຂວງກວາງຈິ ສສ.ຫວຽດນາມ ແລະປະຊາຊົນ, ກໍາລັງປ້ອງກັນຊາຍແດນ ສປປ.ລາວ ຍສໝ - ຄະນະກຸສົນຂອງສູນກາງສະມາຄົມພຸດທະສາສະໜາຫວຽດນາມ ແລະສະມາຄົມກຸສົນ “ແບ່ງປັນ-Sharing” ໄດ້ມອບຂອງຂວັນ 2.000 ພູດໃຫ້ແກ່ເດັກນ້ອຍທີ່ຮຽນຢູ່ໂຮງຮຽນອະນຸບານ; ມອບຂອງຂວັນຈຳນວນ 4.000 ພູດ ໃຫ້ແກ່ຄອບຄົວທຸກຍາກ ແລະໃກ້ຈະທຸກຍາກໃນ 7 ຕາແສງ ຢູ່ ເຂດເລ່ຍ, ແຂວງກວາງຈິ ແລະປະຊາຊົນ 10 ບ້ານ ຢູ່ ລຽບຕາມຊາຍແດນຂອງເມືອງສະໝ້ວຍ, ແຂວງສາລະວັນ ແລະເມືອງນອງ, ແຂວງສະຫວັນນະເຂດ ສປປ.ລາວ. |
 | ສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ ນະຄອນໂຮ່ຈີມິນ ໄດ້ຈັດງານພົບປະສ້າງສັນເນື່ອງໃນໂອກາດສະເຫຼີມສະຫຼອງວັນຊາດ ລາວ ຄົບຮອບ 45 ປີ ຍສໝ - ໃນວັນທີ 27 ພະຈິກ, ສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ ນະຄອນໂຮ່ຈີມິນ ໄດ້ຈັດງານພົບປະສ້າງສັນເນື່ອງໃນໂອກາດສະເຫຼີມສະຫຼອງວັນຊາດ ລາວ ຄົບຮອບ 45 ປີ ເພື່ອແນໃສ່ສະແດງໃຫ້ເຫັນຄວາມສາມັກຄີທີ່ເປັນມູນເຊື້ອອັນດີງາມລະຫວ່າງປະຊາຊົນນະຄອນໂຮ່ຈີມິນ ແລະ ປະຊາຊົນລາວ. |
ໄຊພອນ
