ວິສາຫະກິດ ຫວຽດນາມ ພວມໄດ້ນຳໃຊ້ການຄ້າເອເລັກໂຕນິກເຂົ້າໃນການສົ່ງເສີມ, ໂຄສະນາການຄ້າ ແລະ ຊອກຫາຄູ່ຄ້າ, ປະຕິບັດການພົວພັນທຸລະກິດຢ່າງມີປະສິດທິຜົນ

	ສະມາຄົມມິດຕະພາບຫວຽດນາມ - ຣູມານີ: ມານະພະຍາຍາມປະຕິບັດບັນດາກິດຈະກໍາທີ່ມີຄວາມໝາຍໃນສະພາບການໂລກລະບາດ COVID-19
	ຕັດສິນໃຈ ແລະມານະພະຍາຍາມສູງທີ່ສຸດໃນການກໍ່ສ້າງຫໍສະພາແຫ່ງຊາດລາວຫຼັງໃໝ່

ຕາມທ່ານ ຫວູຕຽນລົກ ປະທານ ຫ້ອງການການຄ້າ ແລະ ອຸດສາຫະກຳຫວຽດນາມ ແລ້ວ, ກ່ອນນີ້ການເຄື່ອນໄຫວ ນຳເຂົ້າ-ສົ່ງອອກ ເວົ້າລວມ ພຽງແຕ່ສະຫງວນໃຫ້ແກ່ບັນດາວິສາຫະກິດທີ່ມີຂອບຂະຫນາດໃຫຍ່, ມີກຳລັງແຮງດ້ານເສດຖະກິດ ການເງິນສູງ. ແຕ່ປະຈຸບັນ ການຄ້າເອເລັກໂຕນິກ ແລະ ການຄ້າເອເລກໂຕນິກຂ້າມຊາຍແດນ ໄດ້ມີການປ່ຽນແປງແລ້ວ ແລະ ບັນດາວິສາຫະກິດກາງ, ນ້ອຍ ແລະ ຈຸນລະວິສາຫະກິດ ມີໂອກາດກ້າວໄປເຊື່ອມໂຍງກັບການຄ້າທົ່ວໂລກ.

ວິສາຫະກິດ ຫວຽດນາມ ພວມໄດ້ນຳໃຊ້ການຄ້າເອເລັກໂຕນິກເຂົ້າໃນການສົ່ງເສີມ, ໂຄສະນາການຄ້າ ແລະ ຊອກຫາຄູ່ຄ້າ, ປະຕິບັດການພົວພັນທຸລະກິດຢ່າງມີປະສິດທິຜົນ. ພາບປະກອບ.

ສ່ວນ ທ່ານ ຫງວຽນຈູງທຶກ, ປະທານ ສະມາຄົມວິສາຫະກິດຂະຫນາດກາງ ແລະ ນ້ອຍ ຫວຽດນາມ - ເຢຍລະມັນ ໃຫ້ຮູ້ວ່າ: ມີວິສາຫະກິດຂະຫນາດກາງ ແລະ ນ້ອຍ ຫລາຍແຫ່ງ ພວມພາດຫລາຍກາລະໂອກາດພົວພັນຄ້າຂາຍທົ່ວໂລກ, ກາລະໂອກາດພັດທະນາເຄື່ອງໝາຍວິສາຫະກິດ, ເພາະຍັງບໍ່ທັນລົງທຶນເຂົ້າໃນການກໍ່ສ້າງ, ພັດທະນາການຄ້າເອເລັກໂຕນິກໃຫ້ວິສາຫະກິດຂອງຕົນ.

ການຄ້າເອເລັກໂຕນິກແມ່ນທ່າອ່ຽງ. ໃນໄລຍະປະຈຸບັນ ຫາກວິສາຫະກິດບໍ່ຮູ້ໝູນໃຊ້ການຄ້າເອເລັກໂຕນິກເພື່ອຄ້າຂາຍສິນຄ້າ ແລະ ບໍລິການ ແມ່ນອາດຈະປະສົບກັບຄວາມຫຍຸ້ງຍາກໃນການດຳເນີນທຸລະກິດ. ການຄ້າເອເລັກໂຕນິກເຮັດໃຫ້ຫລຸດຜ່ອນລາຍຈ່າຍ, ນຳມາເຊິ່ງຫລາຍຮັບ ຫລາຍ ກວ່າ. ມີວິສາຫະກິດ ຂະຫນາດກາງ ແລະ ນ້ອຍ ຂອງຫວຽດນາມ ກວ່າ 40% ໄດ້ນຳໃຊ້ການຄ້າເອເລັກໂຕນິກ.

ກະຊວງອຸດສາຫະກຳການຄ້າສົມທົບກັບບັນດາຫົວຫນ່ວຍທີ່ກ່ຽວຂ້ອງ ຫາກໍ່ເປີດຕົວ ພື້ນຖານຫນູນຊ່ວຍການສົ່ງອອກ ຫວຽດນາມ ECVN ປີ 2020. ບໍ່ພຽງແຕ່ເພື່ອຊ່ວຍວິສາຫະກິດ ຫວຽດນາມ ຜ່ານຜ່າຄວາມຫຍຸ້ງຍາກໂດຍໄວຍ້ອນໂລກລະບາດໂຄວິດ ເທົ່ານັ້ນ ຫາກ ECVN ຍັງໄດ້ຮັບຄວາມຫວັງວ່າຈະຊ່ວຍວິສາຫະກິດ ສຳຜັດ, ຍາດແຍ່ງກາລະໂອກາດຈາກບັນດາສັນຍາການຄ້າລຸ້ນໃຫຍ່ໂດຍໄວ.

ເລື່ອງຫວຽດນາມ ຄວບຄຸມ ຍູ້ໂລກລະບາດໃຫ້ຖອຍໄປ ແລະ ກັບຄືນສູ່ສະພາບປົກກະຕິໂດຍໄວ ບໍ່ພຽງແຕ່ສ້າງຄວາມໄວ້ເນື້ອເຊື່ອໃຈໃນໝູ່ປະຊາຊົນເທົ່ານັ້ນ ຫາກຍັງສ້າງທີ່ຕັ້ງບົດບາດໃຫ້ປະເທດຊາດ, ສ້າງກາລະໂອກາດໃຫມ່ເມື່ອອົງປະກອບເສດຖະກິດໂລກ, ວິທີການຜະລິດດຳເນີນທຸລະກິດ, ການໃຊ້ສອຍກໍ່ມີການປ່ຽນແປງພາຍຫລັງໂລກລະບາດ. ໃນສະພາບການນັ້ນ ວິສາຫະກິດຫວຽດນາມ ໄດ້ປ່ຽນໃຫມ່ຈີນຕະນາການພັດທະນາໂດຍໄວ, ປ່ຽນແປງວິທີເຮັດ, ຍົກສູງກຳລັງຄວາມສາມາດ, ຍາດແຍ່ງກາລະໂອກາດ, ຫັນທິດ ແລະ ຈັດຕັ້ງບັນດາການເຄື່ອນໄຫວເສດຖະກິດຄືນໃຫມ່, ຍາດແຍ່ງບັນດາກາລະໂອກາດຕະຫລາດ ແລະ ທ່າອ່ຽງຫັນທິດລົງທຶນ, ການຜະລິດໃນພາກພື້ນ, ທົ່ວໂລກ. ເມື່ອເກີດໂລກລະບາດ, ມີວິສາຫະກິດຫລາຍແຫ່ງໄດ້ປັບຕົວໃຫ້ແທດເໝາະ ແລະ ບືນຕົວຂຶ້ນຢ່າງແຮງ.

ໄລຍະຈະມາເຖິງ ລັດຖະບານ ສືບຕໍ່ສະຫນອງແຫລ່ງສິນເຊື່ອ, ຫລຸດຜ່ອນອັດຕາດອກເບ້ຍໃຫ້ກູ້ຢືມ, ສ້າງອົງປະກອບຫນີ້ຄືນໃຫມ່, ຫລຸດຜ່ອນອັດຕາດອກເບ້ຍເງິນກູ້, ຫລຸດຜ່ອນລາຍຈ່າຍກູ້ຢືມທຶນໃຫ້ແກ່ວິສາຫະກິດ. ປະຕິບັດບັນດາມາດຕະການຟື້ນຕົວ ແລະ ພັດທະນາການຜະລິດດຳເນີນທຸລະກິດຢ່າງຂ້ຽວຂາດ, ຕິດພັນກັບການສ້າງໂຄງປະກອບບັນດາຂະແຫນງການ, ຂົງເຂດຄືນໃຫມ່. ພ້ອມກັນນັ້ນ ຫນູນຊ່ວຍວິສາຫະກິດຂະຫນາດກາງ ແລະ ນ້ອຍ, ອຸດສາຫະກຳຫນູນຊ່ວຍ, ພິເສດ ບັນດາວິສາຫະກິດນອນໃນບັນດາຂະແຫນງການບໍລິການ, ທ່ອງທ່ຽວ, ການບິນ...ໃຫ້ເໝາະສົມ, ສົ່ງເສີມວິສາຫະກິດຫວຽດນາມ ພັດທະນາການຜະລິດດຳເນີນທຸລະກິດ, ສ້າງບັນດາລະບົບສະຫນອງ, ລະບົບມູນຄ່າ, ເພີ່ມທະວີການສົ່ງອອກ.

ຫວຽດນາມ ສາມາດປິ່ນປົວຜູ້ຕິດເຊື້ອພະຍາດ Covid – 19 ຫາຍດີໄດ້ 868/1054 ຄົນ ທົ່ວໂລກຢັ້ງຢືນມີຜູ້ຕິດເຊື້ອພະຍາດ Covid – 19 ເປັນຈຳນວນເກືອບ 27,72 ລ້ານຄົນ, ໃນນັ້ນມີຜູ້ເສຍຊີວິດກ່ວາ 900.000 ຄົນ.

ລົງນາມໃນຂໍ້ຕົກລົງການຮ່ວມມື ລະຫວ່າງ ຫໍພິພິທະພັນໂຮຈິມິນ ແລະ ສະຖາບັນມໍລະດົກ Ben Gurion (ອິດສະຣາເອນ) ຍສໝ - ລົງນາມໃນຂໍ້ຕົກລົງການຮ່ວມມື ລະຫວ່າງ ຫໍພິພິທະພັນໂຮຈິມິນ ແລະ ສະຖາບັນມໍລະດົກ Ben Gurion (ອິດສະຣາເອນ).

ລາວ: ບໍ່ມີຜູ້ຕິດເຊື້ອໂຄວິດ-19 ເພີ່ມ ປັດຈຸບັນທົ່ວປະເທດ ລາວ ສູນຈໍາກັດບໍລິເວນທີ່ຍັງເປີດຢູ່ ມີທັງໝົດ 40 ສູນ, ມີຜູ້ຖືກຈຳກັດບໍລິເວນຢູ່ສູນ 2.758 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.