ກຳປູເຈຍ ມີແຜນຈະເປີດດ່ານຊາຍແດນສາກົນຕື່ມອີກ ກັບຫວຽດນາມ
	ຫວຽດນາມ, ລາວຊຸກຍູ້ການຮ່ວມມືໃນການປ້ອງກັນຊາດຢ່າງມີປະສິດທິຜົນ

ພິທີລົງນາມໃນຂໍ້ຕົກລົງການຮ່ວມມືວ່າດ້ວຍການຮ່ວມມືໃນກິດຈະກຳວິທະຍາສາດໃນຂົງເຂດວັດທະນະທຳໄລຍະ 2020-2022 ລະຫວ່າງຫໍພິພິທະພັນໂຮ່ຈີມິນ ແລະສະຖາບັນມໍລະດົກ Ben Gurion ດ້ວຍຮູບແບບອອນລາຍ ໄດ້ຈັດຂຶ້ນໃນວັນທີ 8 ກັນຍາ ຢູ່ ຫວຽດນາມ ແລະ ອິດສະຣາເອນ.

ພິທີລົງນາມການຮ່ວມມືລະຫວ່າງຫໍພິພິທະພັນໂຮ່ຈີມິນແລະສະຖາບັນມໍລະດົກ Ben Gurion ຢູ່ຈຸດຂົວຮ່າໂນ້ຍ. ພາບ: VOV

ໃນຂອບເຂດຂໍ້ຕົກລົງການຮ່ວມມື, ຫໍພິພິທະພັນໂຮ່ຈີມິນ ແລະສະຖາບັນມໍລະດົກ Ben Gurion ຈະປະສານສົມທົບປະຕິບັດໂຄງການຄົ້ນຄ້ວາວິທະຍາສາດ, ວັດທະນະທຳໃນຂົງເຂດຫໍພິພິທະພັນ; ແລກປ່ຽນຄະນະຜູ້ແທນກ່ຽວກັບປະສົບການ, ການດຳ ເນີນງານພິພິທະພັນ, ອະນຸສອນສະຖານ ແລະກິດຈະກຳວາງສະແດງດ້ວຍເນື້ອໃນກ່ຽວກັບຊີວະປະຫວັດ, ຊີວິດ ແລະອາຊີບຂອງປະທານໂຮ່ຈີມິນ ແລະທ່ານນາຍົກລັດຖະມົນຕີ David Ben Gurion. ປີ 2021, ທັງສອງອົງການຈະຮ່ວມກັນຈັດງານວາງສະແດງຢູ່ສະຖາບັນມໍລະດົກ Ben Gurion ໃນອິດສະຣາແອນ ແລະງານວາງສະແດງທີ່ຫໍພິພິທະພັນໂຮຈິມິນ, ຫວຽດນາມ.

ກ່າວຄຳເຫັນທີ່ພິທີ, ອີງຕາມໜັງສືພິມພັກກອມມູນິດ, ທ່ານ Nadav Eshcar, ເອກອັກຄະລັດຖະທູດອິດສະຣາແອນ ປະຈຳ ຫວຽດນາມ ເນັ້ນໜັກວ່າມີຄວາມຄ້າຍຄືກັນຫຼາຍຢ່າງໃນບັນດາບົດປະພັນກ່ຽວກັບຊີວິດຂອງທ່ານ David Ben Gurion ແລະປະທານ ໂຮຈິມິນ. “ການຮ່ວມມືລະຫວ່າງສອງອົງການໃນການຄົ້ນຄ້ວາ, ການວາງສະແດງ, ແລະການແລກປ່ຽນຄວາມຮູ້ ແລະປະສົບການຈະເປັນສິ່ງລໍ້າຄ່າ. ປະຊາຊົນສາທາລະນະລັດອິດສະລາແອນ ຈະມີໂອກາດ ຮູ້ຈັກຕື່ມກ່ຽວກັບປະຫວັດ ປະທານ ໂຮ່ຈິມິນ ແລະປະຫວັດສາດຂອງຫວຽດນາມ. ປະຊາຊົນຫວຽດນາມ ຈະມີໂອກາດຮູ້ຈັກເພີ່ມເຕີມກ່ຽວກັບ Ben Gurion ແລະປະຫວັດສາດຂອງອິດສະຣາເອນ. ແລະທັງສອງຝ່າຍຈະມີຄວາມເຂົ້າໃຈກ່ຽວກັບສາຍພົວພັນພິເສດຂອງຜູ້ນຳສອງປະເທດ”.

ສາຍພົວພັນລະຫວ່າງປະຊາຊາດສອງປະເທດຫວຽດນາມ ແລະອິດສະຣາແອນ ໄດ້ຮັບການສ້າງຕັ້ງ ແລະ ກໍ່ສ້າງ ໂດຍປະທານ ໂຮ່ຈີມິນ ແລະນາຍົກລັດຖະມົນຕີອິດສະລາແອນ Ben Gurion. ພວກເຂົາໄດ້ພົບກັນໂດຍບັງເອີນທີ່ປາຣີ (ຝລັ່ງ) ໃນປີ 1946, ເຊິ່ງເປັນການແລກປ່ຽນກັນຢ່າງເປັນກັນເອງເພື່ອເສລີພາບຂອງແຕ່ລະປະເທດ. ນັບແຕ່ການສ້າງຕັ້ງການພົວພັນທາງການທູດໃນປີ 1993, ການພົວພັນລະຫວ່າງຫວຽດນາມ ແລະອິດສະລາແອນ ໄດ້ມີບາດກ້າວພັດທະນາຢ່າງບໍ່ຢຸດຢັ້ງໃນຫຼາຍຂົງເຂດ, ໃນນັ້ນມີຂົງເຂດວັດທະນະທຳ. ດ້ວຍຄວາມປາດຖະໜາຢາກເພີ່ມທະວີການຮ່ວມມືລະຫວ່າງສອງປະເທດຕື່ມອີກ, ໂດຍໄດ້ຮັບການເຫັນດີຈາກກະຊວງວັດທະນະ ທຳ, ກິລາ ແລະທ່ອງທ່ຽວ, ຂໍ້ຕົກລົງວ່າດ້ວຍການຮ່ວມມືໃນກິດຈະກຳ ວິທະຍາສາດໃນຂົງເຂດວັດທະນະ ທຳ (ໄລຍະ 2020-2022) ລະຫວ່າງຫໍພິພິທະພັນໂຮ່ຈີມິນ ແລະສະຖາບັນມໍລະດົກ Ben Gurion ໄດ້ຖືກລົງນາມ.

ລາວ: ບໍ່ມີຜູ້ຕິດເຊື້ອໂຄວິດ-19 ເພີ່ມ ປັດຈຸບັນທົ່ວປະເທດ ລາວ ສູນຈໍາກັດບໍລິເວນທີ່ຍັງເປີດຢູ່ ມີທັງໝົດ 40 ສູນ, ມີຜູ້ຖືກຈຳກັດບໍລິເວນຢູ່ສູນ 2.758 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.

ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມໃໝ່ ໃນວັນທີ 7 ກັນຍາ 2020 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫລງ ກ່ຽວກັບສະພາບການປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ COVID-19 ວ່າ: ມາຮອດ 5 ໂມງແລງ ຂອງວັນທີ 6 ກັນຍາ 2020, ທົ່ວປະເທດມີຜູ້ເດີນທາງ ເຂົ້າມາທັງໝົດ 1.809 ຄົນ.

ຫວຽດ​ນາມ ໃນ​ສາຍ​ຕາ​ຂອງ​ຜູ້ບ່າວ​ລາວ ພາຍຫຼັງໄລຍະຮຽນປະລິນຍາຕີ ຢູ່ ສະຖາບັນພົວພັນຕ່າງປະເທດ ແລະ ດຳລົງຊີວິດຢູ່ຫວຽດນາມເປັນເວລາ 04 ປີ, ຜູ້ບ່າວລາວ - ພຸມພິທັດ ອຸປະເສີດ ໄດ້ຕັດສິນໃຈຢູ່ຫວຽດນາມ, ຫາເງິນດ້ວຍຕົນເອງ ເພື່ອຮຽນຕໍ່ປະລິນຍາໂທ ດ້ວຍຄວາມປາດຖະໜາ ຢາກສືບຕໍ່ໄດ້ຄົ້ນຫາປະເທດຊາດ ແລະ ຊາວຫວຽດນາມ. ສິ່ງໃດທີ່ເຮັດໃຫ້ ພຸມພິພັດ ອຸປະເສີດ ມີຄວາມສະໜິດຕິດພັນກັບຫວຽດນາມຄືແນວນັ້ນ? ຄຳຕອບຈະໄດ້ເປີດເຜີຍໃນບົດສາລະຄະດີທີ່ທ່ານຈະໄດ້ຮູ້ຈັກຕໍ່ໄປນີ້.