| ເປັນມື້ທີ 28 ແລ້ວ ທີ່ຫວຽດນາມຢັ້ງຢືນບໍ່ມີກໍລະນີຕິດເຊື້ອໃນຊຸມຊົນ | |
| ມູນຄ່າການສົ່ງອອກຂອງລາວໄດ້ຟື້ນຕົວຄືນ |
ກ່າວຄຳເຫັນທີ່ກອງປະຊຸມຖະແຫຼງຂ່າວ, ທ່ານເອກອັກຄະລັດຖະທູດ Guido Hildner ໃຫ້ຮູ້ວ່າ, ໃນໄລຍະ 45 ປີແຫ່ງການສ້າງຕັັ້ງສາຍພົວພັນທາງການທູດ, ການພົວພັນລະຫວ່າງເຢຍລະມັນ ແລະຫວຽດນາມ ໄດ້ຮັບການພັດທະນາຢ່າງບໍ່ຢຸດຢັ້ງ. ໂດຍສະເພາະ, ການສືບຕໍ່ການພົວພັນຄູ່ຮ່ວມມືຍຸດທະສາດທີ່ໄດ້ຕົກລົງກັນໃນປີ 2011 ດ້ວຍແຜນການດຳເນີນງານສອງປີ 2020/2021 ສ້າງເປັນພື້ນຖານໃຫ້ແກ່ການພົວພັນຄູ່ຮ່ວມມືເພື່ອມຸ່ງໄປສູ່ອະນາຄົດ.
 |
| ທ່ານເອກອັກຄະລັດຖະທູດ Guido Hildner. |
ນອກຈາກການເພີ່ມທະວີ ແລະພັດທະນາການຮ່ວມມືສາກົນ, ສອງປະເທດຍັງມີຄວາມພະຍາຍາມຫຼາຍໃນການປົກປັກຮັກສາກົດໝາຍສາກົນ ແລະແກ້ໄຂຂໍ້ຂັດແຍ່ງໂດຍສັນຕິວິທີ.
ປີ 2020, ທັງສອງປະເທດແມ່ນສະມາຊິກບໍ່ປະຈໍາການຂອງສະພາຄວາມໝັ້ນຄົງສະຫະປະຊາຊາດ, ຫວຽດນາມເປັນປະທານອາຊຽນ, ເຢຍລະມັນເປັນປະທານໝູນວຽນຂອງສະພາ EU ໃນ 6 ເດືອນທ້າຍປີ. ເຢຍລະມັນ ແລະຫວຽດນາມ ຮ່ວມມືເຊິ່ງກັນແລະກັນໃນຫຼາຍຂົງເຂດເຊັ່ນ: ການປ່ຽນແປງດິນຟ້າອາກາດ, ການປົກປັກຮັກສາສິ່ງແວດລ້ອມ ແລະການພັດທະນາພະລັງງານ…
ປະຈຸບັນ, ມີນັກສຶກສາຫວຽດນາມປະມານ 7.500 ຄົນ ພວມຮໍ່າຮຽນຢູ່ເຢຍລະມັນ, 163 ໂຄງການຄົ້ນຄ້ວາວິທະຍາສາດຮ່ວມ ລະຫວ່າງ ບັນດາມະຫາວິທະຍາໄລເຢຍລະມັນ ແລະຫວຽດນາມ. ໃນຂະນະນັ້ນ, ຢູ່ຫວຽດນາມ, ມີນັກຮຽນປະມານ 2000 ຄົນ ພວມຮຽນພາສາເຢຍລະມັນຢູ່ໂຮງຮຽນມັດທະຍົມຕອນປາຍ 8 ແຫ່ງໃນຂອບເຂດໂຄງການເພື່ອປະຕິບັດຂໍ້ລິເລີ່ມ “ໂຮງຮຽນ - ຄູ່ຮ່ວມມືໃນອະນາຄົດ” (PASCH).
 |
| ບັນຍາກາດທີ່ກອງປະຊຸມຖະແຫຼງຂ່າວ. |
ກ່ຽວກັບການພົວພັນດ້ານເສດຖະກິດ, ເຢຍລະມັນແມ່ນຄູ່ຮ່ວມມືການຄ້າທີ່ສຳຄັນທີ່ສຸດຂອງຫວຽດນາມໃນອີຢູ. ປີ 2019, ມູນຄ່າການສົ່ງອອກຂອງຫວຽດນາມໄປຍັງເຢຍລະມັນບັນລຸ 10,9 ຕື້ ໂດລາສະຫະລັດ, ມູນຄ່າການສົ່ງອອກຂອງເຢຍລະມັນໄປຫວຽດນາມບັນລຸ 4,8 ຕື້ໂດລາສະຫະລັດ. ໃນ 6 ເດືອນຕົ້ນປີ 2020, ເຖິງແມ່ນວ່າໄດ້ຮັບຜົນກະທົບຈາກໂລກພະຍາດ COVID-19, ມູນຄ່າການສົ່ງອອກຂອງຫວຽດນາມໄປຍັງເຢຍລະມັນຍັງເພີ່ມຂຶ້ນ 1,6%. ໃນປີທີ່ຜ່ານມານັກລົງທຶນເຢຍລະມັນໄດ້ລົງທຶນຫຼາຍກ່ວາ 2,1 ຕື້ໂດລາສະຫະລັດ.
ສັນຍາການຄ້າເສລີລະຫວ່າງອີຢູ ແລະຫວຽດນາມ ທີ່ມີຜົນບັງຄັບໃຊ້ຕັ້ງແຕ່ວັນທີ 1 ສິງຫາ 2020 ຈະຊ່ວຍຊຸກຍູ້ການພັດທະນາຂອງການພົວພັນດ້ານເສດຖະກິດລະຫວ່າງສອງປະເທດ.
ປະຈຸບັນ, ມີຊາວຫວຽດນາມປະມານ 170.000 ຄົນ ພວມດຳລົງຊີວິດ ແລະ ຮໍ່າຮຽນຢູ່ເຢຍລະມັນ. ໃນຈຳນວນດັ່ງກ່າວ, ຫຼາຍຄົນໄດ້ຖືສັນຊາດເຢຍລະມັນແລ້ວ ແລະສ້າງເປັນຊຸມຊົນທີ່ເຂັ້ມແຂງ.
ທ່ານເອກອັກຄະລັດຖະທູດແຫ່ງສາທາລະນະລັດສະຫະພັນເຢຍລະມັນປະຈຳ ຫວຽດນາມ ກໍ່ສະແດງຄວາມເຊື່ອ ໝັ້ນວ່າໃນໄລຍະຈະມາເຖິງຈະມີຊາວຫວຽດນາມມາເຢຍລະມັນນັບມື້ນັບຫຼາຍເພາະວ່າຕະຫຼາດແຮງງານຢູ່ທີ່ນີ້ມີຄວາມຕ້ອງການສູງຫຼາຍ ແລະດຶງດູດກຳລັງແຮງງານທີ່ມີສີມືຂອງຫວຽດນາມ.
ໄຊພອນ
