 |
| ພາບປະກອບ |
ນັບແຕ່ເມື່ອສັນຍາ EVFTA ເລີ່ມມີຜົນສັກສິດນັບແຕ່ເດືອນ ສິງຫາ 2020, ລະດັບເຕີບໂຕການສົ່ງອອກໄປຍັງ ອີຢູ ໄດ້ປັບປຸງເທື່ອລະກ້າວ ແລະ ເພີ່ມຂຶ້ນ 18% ໃນໄລຍະ 3 ເດືອນຕົ້ນປີ 2021. ກໍ່ຄ້າຍຄືກັນ, ວົງເງິນສົ່ງອອກສິນຄ້າຂອງຫວຽດນາມ ໄປຍັງບັນດາປະເທດໃນສັນຍາ CPTPP ກໍ່ບັນລຸລະດັບເຕີບໂຕສູງໃນໄລຍະ 3 ເດືອນຕົ້ນປີ 2021. ວົງເງິນສົ່ງອອກໄປຍັງ ອັງກິດ ກໍ່ເພີ່ມຂຶ້ນ 22% ໃນໄລຍະ 3 ເດືອນຕົ້ນປີ 2021. ກະຊວງອຸດສາຫະກຳ ແລະ ພັດທະນາຊົນນະບົດຫວຽດນາມ ໃຫ້ຮູ້ວ່າ, ມູນຄ່າສົ່ງອອກໄມ້ ແລະ ເຄື່ອງປ່າຂອງດົງໃນເດືອນ ມີນາ ຄາດວ່າບັນລຸ 1,5 ຕື້ USD. ໄລ່ລວມໄລຍະ 3 ເດືອນຕົ້ນປີ, ມູນຄ່າສົ່ງອອກເຄື່ອງປ່າຂອງດົງບັນລຸເກືອບ 4 ຕື້ USD, ເພີ່ມຂຶ້ນ 41,5% ເມື່ອທຽບໃສ່ໄລຍະດຽວກັນຂອງປີ 2020. ບັນດາຕະຫຼາດສົ່ງອອກໄມ້ ແລະ ເຄື່ອງປ່າຂອງດົງຕົ້ນຕໍ່ລວມມີ: ອາເມລິກາດ ຍີ່ປຸ່ນ, ຈີນ, ສະຫະພາບເອີລົບ ແລະ ສ.ເກົາຫຼີ.
ກະຊວງອຸດສາຫະກໍາ ແລະການຄ້າຫວຽດນາມ ໄດ້ສົມທົບກັບສະຖາບັນວິທະຍາສາດບໍລິຫານວິສາຫະກິດ ແລະເສດຖະກິດດີຈີຕອນຫວຽດນາມ, ສະຫະສະມາຄົມວິສາຫະກິດຂະໜາດນ້ອຍ ແລະກາງຫວຽດນາມ ຈັດຕັ້ງພິທີເປີດຕົວໂຄງການຮ່ວມມືໜູນຊ່ວຍວິສາຫະກິດຂຸດຄົ້ນສັນຍາການຄ້າເສລີລະຫວ່າງ ຫວຽດນາມ ແລະເອີລົບ ດ້ວຍລະບົບການຄ້າເອເລັກໂຕນິກ. ຕະຫຼາດການຄ້າເອເລັກໂຕນິກນີ້ແມ່ນປະຕູຊ່ວຍກໍ່ສ້າງລະບົບນິເວດດີຈີຕອນທີ່ສົມບູນແບບຜ່ານບັນດາມາດຕະການດີຈີຕອນເພື່ອຊ່ວຍໃຫ້ວິສາຫະກິດປະຕິບັດບັນດາການເຄື່ອນໄຫວເຊື່ອມຕໍ່, ການຄ້າທີ່ສະດວກຜ່ານລະບົບໜຶ່ງດຽວ (ການຊໍາລະດີຈີຕອນ, logistics, ໃບບິນເອເລັກໂຕນິກ, ລາຍເຊັນເອເລັກໂຕນິກ...).
ຫວຽດນາມ ໄດ້ເລີ່ມຕົ້ນປີ 2021 ດ້ວຍຫຼາຍສັນຍານທີ່ຕັ້ງໜ້າ. ການສົ່ງອອກໃນສອງເດືອນຕົ້ນປີຂອງຫວຽດນາມ ເພີ່ມຂຶ້ນກ່ວາ 20% ເມື່ອທຽບກັບປີກາຍ. ການລົງທຶນຂອງຕ່າງປະເທດເຂົ້າຫວຽດນາມ ກໍ່ຢູ່ໃນລະດັບດີ. ໃນສອງເດືອນຕົ້ນປີ, ຫວຽດນາມ ໄດ້ດຶງດູດຈຳນວນເງິນລົງທຶນ FDI ປະມານ 5.5 ຕື້ໂດລະສະຫະລັດ.
ແງ່ຫວັງເສດຖະກິດຂອງຫວຽດນາມ ໃນໄລຍະຈະມາເຖິງ ເຖິງວ່າຍັງປະສົບກັບຄວາມຫຍຸ້ງຍາກຫລາຍຢ່າງ, ແຕ່ ຫວຽດນາມ ພວມສະແດງໃຫ້ເຫັນຄວາມສາມາດຟື້ນຕົວຢ່າງແຮງກວ່າບັນດາພື້ນຖານເສດຖະກິດທີ່ຄ້າຍຄືກັນ ແລະ ແງ່ຫວັງຂອງພື້ນຖານເສດຖະກິດໃນໄລຍະກາງ ແລະ ຍາວຍັງຕັ້ງຫນ້າຢູ່.ຫວຽດນາມ ພວມມີແງ່ຫວັງໄດ້ຊົມໃຊ້ຜົນປະໂຫຍດຈາກບັນດາທ່າອ່ຽງດ້ານການຄ້າ, ການລົງທຶນ ແລະ ການຜະລິດທົ່ວໂລກໃນປະຈຸບັນ.
 | ນັກຊ່ຽວຊານອິນເດຍມີຄວາມປະທັບໃຈຕໍ່ຜົນງານດ້ານເສດຖະກິດຂອງຫວຽດນາມ ຍສໝ - ປີ 2016, ຫວຽດນາມໄດ້ປະກາດໃຊ້ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ. ຜູ້ຂຽນກໍ່ຖືວ່າ ບັນດການປ່ຽນແປງທີ່ມີລັກສະນະໂຄງປະກອບນີ້ ໄດ້ປັບປຸງເງື່ອນໄຂເສດຖະກິດຂອງປະຊາຊົນ ແລະ ບັນດາການປະຕິຮູບດ້ານເສດຖະກິດນີ້ ໄດ້ນຳມາເຊິ່ງສະພາບການແຫ່ງຄວາມສະເໝີພາບໃຫ້ແກ່ການລົງທຶນເອກະຊົນພາຍໃນປະເທດ. |
 | HSBC: ການເຕີບໂຕເສດຖະກິດ ຫວຽດນາມ ຈະຢູ່ລະດັບ 7,6% ໃນປີ 2021 ຍສໝ - ບົດລາຍງານຕີລາຄາຫວຽດນາມ ແມ່ນໜຶ່ງໃນຈຳນວນໜ້ອຍພື້ນຖານເສດຖະກິດມີການເຕີບໂຕບັນລຸຜົນເປັນບວກໃນປີ 2020 ດ້ວຍອັດຕາ 2,9% ຍ້ອນບັນດາປັດໄຈຕັ້ງໜ້າລວມມີ ບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ຢ່າງມີປະສິດທິຜົນໂດຍໄວ, ກັບຄືນການເຄື່ອນໄຫວທີ່ເປັນປົກກະຕິ ແລະ ການສົ່ງອອກບັນດາສິນຄ້າປະເພດເອເລັກໂຕນິກ. |
 | Standard Chartered ຄາດຄະເນເສດຖະກິດ ຫວຽດນາມຈະຟື້ນຟູຢ່າງແຮງໃນປີ 2021 ຍສໝ - ຕາງໜ້າ ທະນາຄານ Standard Chartered ໄດ້ຢັ້ງຢືນວ່າ ຫວຽດນາມ ຈະສືບຕໍ່ແມ່ນສະຖານທີ່ດຶງດູດບັນດານັກລົງທຶນ. ນີ້ແມ່ນປັດໄຈຕັ້ງໜ້າໃຫ້ແກ່ແງ່ຫວັງເຕີບໂຕຂອງຫວຽດນາມໃນໄລຍະກາງ ແລະ ໄລຍະຍາວ. |
ໄຊພອນ
