 |
| ທ່ານປະທານສະມາຄົມມິດຕະພາບ ຫວຽດນາມ - ສິງກະໂປ ແລະ ທ່ານ Jaya Ratnam ເອກອັກຄະລັດຖະທູດ ສິງກະໂປ ປະຈຳ ຫວຽດນາມ |
ຫວ່າງແລ້ວນີ້, ທ່ານ ຫວູວຽກງວານ ປະທານສະມາຄົມມິດຕະພາບ ຫວຽດນາມ ໄດ້ມີການຕ້ອນຮັບ ແລະ ເຮັດວຽກ ກັບທ່ານ Jaya Ratnam ເອກອັກຄະລັດຖະທູດ ສິງກະໂປ ປະຈຳ ຫວຽດນາມ ຢູ່ສຳນັກງານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO).
ທີ່ການເຮັດວຽກ, ທ່ານ ປະທານ VSFA ຫວູວຽກງວານ ໄດ້ສະເໜີແຜນການສ້າງເວທີປາໄສມິດຕະພາບ ຫວຽດນາມ ສິງກະໂປພາຍຫຼັງຝັກໃຝ່, ປຶກສາຫາລື ກັບຫຼາຍອົງການຂອງ ຫວຽດນາມ ແລະ ສິງກາໂປມາເປັນໄລຍະໜຶ່ງ ແລະ ໄດ້ຮັບການຕ້ອບສະໜອງທີ່ຕັ້ງໜ້າ.
ຂໍ້ລິເລີ່ມສ້າງເວທີປາໄສມິດຕະພາບ ຫວຽດນາມ - ສິງກະໂປໄດ້ສ້າງຂຶ້ນໃນສະພາບການ ນັບແຕ່ເວລາສ້າງຕັ້ງການພົວພັນເມື່ອປີ 1973, ການພົວພັນສອງປະເທດໄດ້ຜ່ານຜ່າໄລຍະເວລາເກືອບ 50 ປີ ແລະໄດ້ກາຍເປັນການພົວພັນຮ່ວມມືຢ່າງຮອບດ້ານ, ມໍ່ໆມານີ້ໄດ້ຍົກຂຶ້ນສູ່ລະດັບການພົວພັນຄູ່ຮ່ວມມືຍຸດທະສາດ.
ແຜນການສ້າງຕັ້ງເວທີປາໄສມິດຕະພາບ ຫວຽດນາມ - ສິງກະໂປ ເພື່ອແນໃສ່ເປົ້າໝາຍສ້າງກົນໄກເຊື່ອມຕໍ່, ແລກປ່ຽນ, ແປ່ງປັນຂໍ້ມູນຂ່າວສານ, ບົດຮຽນປະສົບການ ກ່ຽວກັບບັນດາດ້ານເສດຖະກິດ, ສັງຄົມ, ການພົວພັນຕ່າງປະເທດ…ລະຫວ່າງບັນດາວົງການນັກຮຽນຮູ້, ປະຊາຄົມວິສາຫະກິດ, ນັກຮຽນ, ນັກສຶກສາ ຂອງ ຫວຽດນາມ ແລະ ສິງກະໂປ.
ທ່ານ ຫງວຽນດຶກຮຸ່ງ, ຮອງປະທານທັງເປັນເລຂານຸການໃຫຍ່ VSFA, ອະດີດເອກອັກຄະລັດຖະທູດ ຫວຽດນາມ ປະຈຳ ສິງກະໂປ ກໍ່ແບ່ງປັນຄວາມຫວັງວ່າ ເວທີປາໄສນີ ອາດຈະກາຍເປັນການເຄື່ອນໄຫວທາງການທູດ ດ້ວຍບັນດາເນື້ອໃນທີ່ລະອຽດ ໃນຫຼາຍຂົງເຂດຄື ການລົງທຶນການຄ້າ ແລະ ຫຼາຍຂົງເຂດທີ່ແຕກຕ່າງກັນ, ເພີ່ມທະວີຄວາມເຂົ້າໃຈເຊິ່ງກັນແລະກັນ, ເຊື່ອມຕໍ່ບັນດາວິສາຫະກິດລະຫວ່າງສອງປະເທດ, ວາງອອກບັນດາການຕີລາຄາ, ຂໍ້ສະເໜີແນະ ແກ້ໄຂຄວາມຫຍຸ້ງຍາກ, ຊຸກຍູ້ການຮ່ວມມືກັບບັນດາໂຄງການແທດຈິງ.
ຝ່າຍທ່ານ Jaya Ratnam ເອກອັກຄະລັດຖະທູດ ສິງກະໂປ ໄດ້ຕີລາຄາສູງ ແລະ ສະໜັບສະໜູນ ຂໍ້ສະເໜີສ້າງເວທີປາໄສມິດຕະພາບ ຫວຽດນາມ - ສິງກະໂປ.
ທ່ານໄດ້ຕີລາຄາການພົວພັນ ຫວຽດນາມ ສິງກະໂປອີງໃສ່ບັນດາພື້ນຖານມີ່ໝັ້ນແກ່ນ, ການນຳສອງປະເທດໄດ້ຮັກສາການພົວພັນແບບຍືນຍົງ. ສິ່ງສຳຄັນທີ່ສຸດແມ່ນຕ້ອງຮັກສາການພົວພັນອັນແໜ້ນແຟ້ນນີ້ ແລະ ຖືວ່ານີ້ແມ່ນບັນດາຈຸດສຸມການຮ່ວມມື.
ປີ 2023 ສອງປະເທດຈະສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ. ນີ້ແມ່ນຫຼັກໝັ້ນສຳຄັນໃນການພົວພັນລະຫວ່າງສອງປະເທດ ແລະ ກໍ່ແມ່ນເງື່ອນໄຂສະດວກເພ່ອຜັນຂະຫຍາຍບັນດາຂໍ້ລິເລີ່ມເຊິ່ງ VFSA ແລະ ສະຫະພັນ ໄດ້ສະເໜີ. ເສດຖະກິດອາດຈະແມ່ນໜຶ່ງໃນບັນດາຂົງເຂດການຮ່ວມມືໄດ້ສະແດງຢ່າງຈະແຈ້ງທີ່ສຸດຈາກທັງສອງຝ່າຍ.
 | ທ່ານເອກອັກຄະລັດຖະທູດ Jaya Ratnam ມີຄວາມປາດຖະໜາຢາກຮ່ວມມືກັບ VUFO ເພື່ອຊຸກຍູ້ການພົວພັນແລກປ່ຽນຂັ້ນປະຊາຊົນລະຫວ່າງສອງປະເທດ ຍສໝ - ໂດຍຕ້ອນຮັບເອກອັກຄະລັດຖະທູດ ສິງກະໂປ ແລະ ບັນດາທູດການຕ່າງປະເທດ ລວມມີທ່ານນາງ ຫງວຽນເຟືອງງານ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO), ທ່ານ ຫງວຽນດຶກຮຸ່ງ, ອະດີດເອກອັກຄະລັດຖະທູດ ຫວຽດນາມ ປະຈຳ ສິງກະໂປ, ຮອງປະທານທັງເປັນເລຂາທິການໃຫຍ່ສະມາຄົມມິດຕະພາບ ຫວຽດນາມ - ສິງກະໂປ... |
 | ທ່ານຮອງນາຍົກລັດຖະມົນຕີ ຟ້າມບິ່ງມິງໂອ້ລົມທາງໂທລະດັບກັບທ່ານ ລັດຖະມົນຕີກະຊວງການຕ່າງປະເທດ ສິງກະໂປ ຍສໝ - ທີ່ການໂອ້ລົມສົນທະນາ, ທ່ານ ລັດຖະມົນຕີກະຊວງການຕ່າງປະເທດ ສິງກະໂປ Vivian Balakrishnanໄດ້ສະແດງຄວາມຊົມເຊີຍຕໍ່ຜົນງານຂອງ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ ແລະ ເລື່ອງທ່ານຮອງນາຍົກລັດຖະມົນຕີໄດ້ຮັບການເລືອກຕັ້ງເຂົ້າເປັນສະມາຊິກຂອງກົມການເມືອງ. |
 | ປະຊາຄົມຊາວຫວຽດາມ ອາໄສຢູ່ສິງກະໂປ ຕ້ອນຮັບບຸນເຕັດ ສະຫຼຸ ຢູ່ສິງປະໂປ ຍສໝ - ປີນີ້ຍ້ອນໂລກລະບາດໂຄວິດ - 19 ແລະ ບັນດາຂໍ້ກຳນົດຢ່າງແໜ້ນແຟ້ນຂອງ ລັດຖະບານ ສິງກະໂປ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ -1 ດັ່ງນັ້ນ ຈຳນວນຜູ້ເຂົ້າຮ່ວມ ແລະ ບັນດາການເຄື່ອນໄຫວໃນພິທີຖືກຈຳກັດ, ແຕ່ບັນຍາການເບີກບານມ່ວນຊື່ມ, ອົບອຸ່ນຂອງບຸນເຕັດ ປະຊາຄົມ ຢູ່ແຫ່ງນີ້ ບໍ່ຫຼຸດລົງ. |
ບຸນຄົງ
