| ສະພາແຫ່ງຊາດ ຫວຽດນາມ ປຶກສາຫາລືກ່ຽວກັບເລື່ອງໃຫ້ສັດຕະຍາບັນສັນຍາການຄ້າເສລີລະຫວ່າງຫວຽດນາມ ແລະ ສະຫະພາບ ເອີລົບ (EVFTA) | |
| ກວດກາ, ປຶກສາຫາກ່ຽວກັບວຽກງານແກ້ໄຂ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 |
 |
| ສະພາແຫ່ງຊາດ ຮັບຮອງເອົາການເຄື່ອນໄຫວວຽກງານ ຂອງອົງການກວດສອບ ແລະ ກວດກາ ແຫ່ງລັດ |
ກອງປະຊຸມໄດ້ເຫັນດີ ເປັນເອກະພາບ ຮັບຮອງເອົາບົດລະຫລຸບ ຜົນການຈັດຕັ້ງປະຕິບັດ ການເຄື່ອນໄຫວວຽກງານ 5 ປີ ຜ່ານມາ ຂອງອົງການກວດສອບແຫ່ງລັດ ທີ່ສະເໜີໂດຍ ທ່ານ ມະໄລທອງ ກົມມະສິດ ປະທານອົງການກວດສອບແຫ່ງລັດ, ເຊິ່ງນັບແຕ່ ປີ 2016-2020 ອົງການກວດສອບແຫ່ງລັດ ໄດ້ເຄື່ອນໄຫວ ແລະ ປະຕິບັດພາລະບົດບາດ, ສິດ ແລະ ໜ້າທີ່ຂອງຕົນຕາມ ກົດໝາຍວ່າດ້ວຍການກວດສອບ ແຫ່ງລັດກຳນົດ ໂດຍມີຜົນສຳເລັດຫລາຍດ້ານທີ່ພົ້ນເດັ່ນ ເປັນຕົ້ນແມ່ນ ອົງການກວດສອບແຫ່ງລັດ ໄດ້ດຳເນີນການກວດສອບ ຈຳນວນ 557 ເປົ້າໝາຍ, ແຜນກວດສອບ 590 ເປົ້າໝາຍ, ສະເພາະປີ 2020 ແຜນກວດສອບຈຳນວນ 136 ເປົ້າໝາຍ ແລະ ສາມາດປະຕິບັດໄດ້ 136 ເປົ້າໝາຍ. ຄຽງຄູ່ກັນນັ້ນ, ກອງປະຊຸມເຫັນວ່າ ຍັງມີຂໍ້ຄົງຄ້າງບາງດ້ານ ທີ່ຈະຕ້ອງໄດ້ສືບຕໍ່ແກ້ໄຂ ເປັນຕົ້ນ ການຜັນຂະຫຍາຍບາງ ມາດຕາຂອງກົດໝາຍ ວ່າດ້ວຍການກວດສອບແຫ່ງລັດ ເປັນນິຕິກຳໃຕ້ກົດໝາຍຍັງຊັກຊ້າ ແລະ ແກ່ຍາວ, ການປະຕິບັດມາດຕາ 19 ຂອງກົດໝາຍວ່າດ້ວຍການກວດສອບແຫ່ງລັດ ກ່ຽວກັບການແກ້ໄຂການລະເມີດ ຍັງບໍ່ທັນເດັດຂາດ ແລະ ມີຜົນສັກສິດເທົ່າທີຄວນ, ການກວດສອບຍັງບໍ່ທັນ ມີການວິເຄາະ, ວິໄຈ ໃຫ້ເຫັນລາຍລະອຽດ ຂອງການລະເມີດຢ່າງຈະແຈ້ງ ເພື່ອມີມາດຕະການແກ້ໄຂໃຫ້ຖືກຈຸດ ແລະ ທັນເວລາ, ການຫັນເປັນທັນສະໄໝ ເພື່ອເຊື່ອມຕໍ່ລະບົບຂໍ້ມູນ ຍັງບໍ່ທັນເປັນລະບົບ ແລະ ອື່ນໆ.
ສ່ວນການເຄື່ອນໄຫວ ຂອງອົງການກວດກາແຫ່ງລັດ ສະພາແຫ່ງຊາດ ກໍໄດ້ເຫັນດີຕາມການລາຍງານຂອງທ່ານ ທ່ານ ຄຳພັນ ພົມມະທັດ ປະທານອົງການກວດກາແຫ່ງລັດ, ເຊິ່ງໃນໄລຍະ 5 ປີ ຜ່ານມາ ອົງການກວດກາແຫ່ງລັດ ໄດ້ມີຜົນສຳເລັດໃນຫລາຍດ້ານ, ເປັນຕົ້ນ, ໄດ້ກວດກາ 4.129 ເປົ້າໝາຍ, ໄດ້ເກັບກໍາ ແລະ ໄລ່ລຽງມູນຄ່າ ການລົງທຶນຂອງລັດ ຈໍານວນ 4.601 ໂຄງການ ໃນນີ້ ກວດກາສໍາເລັດ 692 ໂຄງການ, ກວດເຫັນຜົນເສຍຫາຍ 5.689,12 ຕື້ກວ່າກີບ, 31,77 ລ້ານໂດລາສະຫະລັດ ແລະ 38,89 ລ້ານບາດ. ພ້ອມນັ້ນ, ຍັງໄດ້ກວດກາການຈັດຕັ້ງ ປະຕິບັດຄໍາສັ່ງເລກທີ 15/ນຍ ພົບເຫັນຜູ້ລະເມີດກົດໝາຍ 1.119 ຄົນ, ໄດ້ຮັັບຄໍາຮ້ອງຄໍາສະເໜີ 4.817 ສະບັບ, ແກ້ໄຂ 1.524 ສະບັບ, ຊຶ່ງເປັນການປະກອບສ່ວນສຳຄັນ ໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດ ໝາຍ ເຮັດໃຫ້ບັນດາປະກົດການ ຫຍໍ້ທໍ້ໃນກົງຈັກລັດ ໄດ້ຮັບການແກ້ໄຂໃຫ້ຫລຸດ ໜ້ອຍຖອຍລົງເທື່ອລະກ້າວ.
 |
ຄຽງຄູ່ກັນນັ້ນ, ສະພາແຫ່ງຊາດ ເຫັນວ່າຍັງມີບາງບັນຫາ ທີ່ອົງການກວດກາແຫ່ງລັດ ຈະຕ້ອງໄດ້ສືບຕໍ່ປັບປຸງແກ້ໄຂ ເປັນຕົ້ນ: ການຜັນຂະຫຍາຍ ແຜນຍຸດທະສາດ ສະກັດກັ້ນ ແລະ ຕ້ານການສໍ້ລາດບັງຫລວງຍັງຊັກຊ້າ, ການສຶກສາອົບຮົມ ຜົນຮ້າຍຂອງການສໍ້ລາດບັງຫລວງ ຕໍ່ເປົ້າໝາຍຕ່າງໆໃນທົ່ວສັງຄົມ ຍັງບໍ່ເລິກເຊິ່ງ, ບັນດາປະກົດການ ສວຍໃຊ້ໜ້າທີ່ຕໍາແໜ່ງສໍ້ລາດບັງຫລວງ ດ້ວຍຫລາຍຮູບການ ແລະ ຫລາຍລະດັບແຕກຕ່າງກັນຍັງແຜ່ຫລາຍ, ສັງຄົມທັກທ້ວງຕິຕຽນຫລາຍແຕ່ການກວດກາ ແລະ ສະກັດກັ້ນຍັງເຮັດໄດ້ໜ້ອຍ, ມີຫລາຍກໍລະນີກວດເຫັນ ແຕ່ບໍ່ໄດ້ຮັບການແກ້ໄຂຈິງຈັງ, ການກວດກາຕາມຜົນການກວດສອບ ໂດຍສະເພາະແມ່ນການກວດກາຂົງເຂດການລົງທຶນ, ການຄຸ້ມຄອງງົບປະມານ, ການເກັບລາຍຮັບ, ການຄຸ້ມຄອງນໍາໃຊ້ຊັບພະຍາກອນທໍາມະຊາດ ຍັງເຮັດໄດ້ໜ້ອຍ, ມີບາງເປົ້າໝາຍກວດພົບເຫັນຄວາມເສຍຫາຍຫລາຍ ແຕ່ການເກັບກູ້ເງິນຄືນໃຫ້ລັດໄດ້ໜ້ອຍ ແລະ ອື່ນໆ.
 | ສະພາແຫ່ງຊາດ ຫວຽດນາມ ແລະ ລັດຖະສະພາເອີຣົບ ເພີ່ມເຕີມຂໍ້ມູນຂ່າວສານ ແລະ ການສົນທະນາ ຍສໝ - ຕອນບ່າຍວັນທີ 30 ຕຸລາ, ຢູ່ຫໍສະພາແຫ່ງຊາດ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບ ຄະນະຜູ້ແທນກຳມະທິການການຄ້າສາກົນ, ລັດຖະສະພາ ເອີລົບໂດຍທ່ານ Bernd Lange, ປະທານກຳມະທິການເປັນຫົວໜ້າຄະນະເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ. |
 | ແຂວງກວ້າງຈິ ແລະ ສະຫວັນນະເຂດ, ສາລະວັນ ຮ່ວມມືດ້ານ ກວດກາ - ກວດສອບລັດ ຍສໝ - ຕອນເຊົ້າ ວັນທີ 20 ສິງຫາ 2019 ນີ້, ຄະນະຜູ້ແທນ ຄະນະກຳມະການກວດກາ - ກວດສອບແຂວງ ສາລະວັນ (ສປປ ລາວ) ນຳໂດຍ ທ່ານ ຄຳຂັນ ຈັນສະໝອນ ຫົວໜ້າ ຄະນະກຳມະການກວດກາ ພັກແຂວງສາລະວັນ ໄດ້ມີການພົບປະກັບຄະນະກຳມະການກວດກາພັກແຂວງ, ອົງການກວດສອບລັດແຂວງກວ້າງຈິ. ... |
 | ສະພາແຫ່ງຊາດ ຮັບຮອງກົດໝາຍວ່າດ້ວຍການຕອບໂຕ້ ການທຸ່ມຕະຫລາດ ແລະ ການຊ່ວຍໜູນ ຂອງປະເທດຜູ້ສົ່ງອອກ ໃນວັນທີ 14 ມິຖຸນາ 2019, ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ VIII ໄດ້ພິຈາລະນາ ແລະ ຮັບຮອງ ຮ່າງກົດໝາຍ ວ່າດ້ວຍ ການຕອບໂຕ້ ການທຸ່ມຕະ ຫລາດ ແລະ ການຊ່ວຍໜູນ ຂອງປະເທດຜູ້ສົ່ງອອກ ສະບັບສ້າງໃໝ່, ເຊິ່ງສະເໜີໂດຍ ທ່ານ ນາງ ເຂັມມະນີ ... |
kpl.gov.la
