| ກະຊວງການຕ່າງປະເທດຫວຽດນາມ ແລະ ນິວຊີແລນ ເພີ່ມທະວີການຮ່ວມມືຢ່າງຮອບດ້ານ | |
| ເພີ່ມທະວີບົດບາດຂອງກະຊວງການຕ່າງປະເທດ 2 ປະເທດໃນການຊຸກຍູ້ການຮ່ວມມືລະຫວ່າງຫວຽດນາມ - ນິວຊີແລນ |
ໃນວັນທີ 23 ມີນາ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວກຢູງ, ຫົວໜ້າ SOM ASEAN ຂອງຫວຽດນາມ ໄດ້ເຂົ້າຮ່ວມພ້ອມດ້ວຍກັບຫົວໜ້າ SOM ຂອງບັນດາປະເທດອາຊຽນ ແລະ ປະເທດນິວຊີແລນ ເຂົ້າຮ່ວມກອງປະຊຸມສົນທະນາອາຊຽນ - ນິວຊີແລນຄັ້ງທີ 28 ດ້ວຍຮູບການຖ່າຍທອດສົດ.
ກ່າວຄຳເຫັນທີ່ການເຈລະຈາ, ຫົວໜ້າ SOM ປະເທດນິວຊີແລນ ທ່ານ Alison Mann ໄດ້ຢືນຢັນຄວາມສຳຄັນຂອງການພົວພັນກັບອາຊຽນ, ໃຫ້ຄຳໝັ້ນສັນຍາສືບຕໍ່ເປັນຄູ່ຮ່ວມມືທີ່ຕັ້ງໜ້າຂອງອາຊຽນໃນຂອບ ແລະ ຂະບວນການເຈລະຈາ, ສະໜັບສະໜູນອາຊຽນ ໃນການສ້າງປະຊາຄົມ ແລະ ປະຕິບັດການເຊື່ອມໂຍງໃນພາກພື້ນ, ແລະ ສະໜັບສະໜູນບົດບາດເປັນໃຈກາງຂອງອາຊຽນ ໃນສະຖາປັດຕະຍະກຳຂອງພາກພື້ນ.
 |
| ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກວກຢູງ, ຫົວໜ້າ SOM ASEAN ຂອງຫວຽດນາມ. (ພາບ: baoquocte) |
ນິວຊີແລນ ກໍ່ໄດ້ຢືນຢັນສືບຕໍ່ສະໜັບສະໜູນອາຊຽນ ເພື່ອຍົກສູງຄວາມສາມາດຂອງຕົນ ໃນການຕອບໂຕ້ຢ່າງມີປະສິດທິຜົນ ຕໍ່ການລະບາດຂອງພະຍາດ COVID-19 ແລະ ສົ່ງເສີມການຟື້ນຟູທີ່ຍືນຍົງ; ສະເຫຼີມສະຫຼອງຄົບຮອບ 45 ປີແຫ່ງການພົວພັນການສົນທະນາສອງຝ່າຍໃນເດືອນພະຈິກປີ 2020, ລວມທັງການຊ່ວຍເຫລືອມູນຄ່າ 1 ລ້ານໂດລາໃຫ້ແກ່ກອງທຶນຮັບມືກັບພະຍາດ COVID-19 ຂອງອາຊຽນ ແລະ 23,5 ລ້ານໂດລາ ໃນການສະໜັບສະໜູນອາຊຽນເພື່ອຮັບມື ແລະ ແກ້ໄຂຜົນກະທົບຂອງການລະບາດ.
ສອງຝ່າຍເຫັນດີຈະເຮັດວຽກຢ່າງໃກ້ຊິດ ເພື່ອຊຸກຍູ້ການຈັດຕັ້ງປະຕິບັດຖະແຫຼງການວິໄສທັດສາມັນອາຊຽນ - ນິວຊີແລນ ທີ່ໄດ້ຮັບຮອງເອົາໂດຍບັນດາຜູ້ນຳໃນກອງປະຊຸມສຸດຍອດໄດ້ສະຫລຸບ ໃນທ້າຍປີ 2020 ເພື່ອເຮັດໃຫ້ສາຍພົວພັນຄູ່ຮ່ວມມືຍຸດທະສາດ ລະຫວ່າງ ອາຊຽນ - ນິວຊີແລນ ຢ່າງເລິກເຊິ່ງກວ່າອີກ.
ຕາງໜ້າບັນດາປະເທດອາຊຽນ, ກ່າວຄຳເຫັນກ່ຽວກັບການຮ່ວມມືທາງທະເລ, ທ່ານຮອງລັດຖະມົນຕີຫວຽດນາມ ຫງວຽນກວກຢູງ ໄດ້ຢືນຢັນຄວາມສຳຄັນຂອງການຮ່ວມມືທາງທະເລ ຕໍ່ສະພາບແວດລ້ອມຄວາມໝັ້ນຄົງ ແລະ ການພັດທະນາເສດຖະກິດຂອງບັນດາປະເທດ ກໍ່ຄື ຊີວິດການເປັນຢູ່ຂອງປະຊາຊົນໃນພາກພື້ນ.
 |
| ກອງປະຊຸມສົນທະນາອາຊຽນ - ນິວຊີແລນຄັ້ງທີ 28 ດ້ວຍຮູບການຖ່າຍທອດສົດ. (ພາບ: baoquocte) |
ທ່ານຮອງລັດຖະມົນຕີຫວຽດນາມ ຫງວຽນກວກຢູງ ກໍ່ເນັ້ນໜັກວ່າ, ຍ້ອນວ່າບັນດາປະເທດທີ່ຕັ້ງຢູ່ໃນພາກພື້ນມະຫາສະໝຸດອິນເດຍ - ປາຊີຟິກ, ເຊິ່ງມີເສັ້ນທາງເດີນທະເລທີ່ສຳຄັນ ແລະ ກຳລັງປະເຊີນໜ້າກັບສິ່ງທ້າທາຍຫຼາຍຢ່າງ, ອາຊຽນ ແລະ ນິວຊີແລນ ຈຳເປັນຕ້ອງໄດ້ເພີ່ມທະວີການປະສານງານຢ່າງໃກ້ຊິດໃນກອບ EAS, ARF, ADMM + ແລະ EAMF ເພື່ອແນໃສ່ຊຸກຍູ້ການເຈລະຈາ ແລະ ການຮ່ວມມື, ສ້າງຄວາມໄວ້ເນື້ອເຊື່ອໃຈ, ເຄົາລົບກົດໝາຍສາກົນ, ລວມທັງ UNCLOS 1982, ແລະ ສະໜັບສະໜູນຄວາມພະຍາຍາມໃນການສ້າງ ແລະ ຮັກສາມາດຕະຖານທີ່ຮັບຜິດຊອບ, ເຊັ່ນ: ຖະແຫຼງການ DOC ແລະ COC, ເພີ່ມທະວີການຮ່ວມມືທາງທະເລແບບຍືນຍົງ, ແລະ ປະສານງານເພື່ອສ້າງ ແລະ ປັບປຸງປະສິດທິພາບການດຳເນີນງານຂອງກົນໄກ ແລະ ກອບການຮ່ວມມືທາງທະເລໃນພາກພື້ນ.
 | ທະນາຄານພັດທະນາອາຊີ ສ້າງແຜນຍຸດທະສາດພັດທະນາເສດຖະກິດ - ສັງຄົມ ໄລຍະ 2021 – 2025 ກັບຫວຽດນາມ ຍສໝ - ທ່ານນາຍົກລັດຖະມົນຕີ ຫງວຽນຊວັນຟຸກ ສະເໜີໃຫ້ ADB ສືບຕໍ່ສົມທົບຢ່າງແໜ້ນແຟ້ນກັບບັນດາກະຊວງ, ຂະແໜງການ, ທ້ອງຖິ່ນ ເພື່ອກະກຽມໃຫ້ດີທີ່ສຸດບັນດາໂຄງການທີ່ມີຄຸນນະພາບມີປະສິດມິຜົນ, ຈຳເປັນຕ້ອງເພື່ອແນໃສ່ຕອບສະໜອງຄວາມຕ້ອງການແຫຼ່ງຊັບພະຍາກອນລົງທຶນພັດທະນາຂອງຫວຽດນາມ. |
 | ນາຍົກລັດຖະມົນຕີ ຫວຽດນາມ: ປະຕິບັດວິໄສທັດປະຊາຄົມ ອາຊຽນ 2025 ໃນປະຫວັດສາດ 53 ປີທີ່ຍືນຍົງຄົງຕົວ ແລະ ພັດທະນາຂອງ ອາຊຽນ, ເປັນຄັ້ງທຳອິດທີ່ ອາຊຽນ ຢືນຢູ່ຕໍ່ໜ້າບັນດາສິ່ງທ້າທາຍຢ່າງຮ້າຍແຮງຍ້ອນໂລກລະບາດໂຄວິດ-19 ກໍ່ຂຶ້ນ. ເຖິງຢ່າງໃດກໍ່ຕາມ, ໃນຄວາມຫຍຸ້ງຍາກນັ້ນ ຫວຽດນາມ ອີກຄັ້ງໜຶ່ງໄດ້ຢັ້ງຢືນບົດບາດນຳໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງປະເທດປະທານໝູນວຽນໃນປີ 2020 ນີ້. |
 | ຫວຽດນາມ - ນິວຊີແລນ ແນໃສ່ຊຸກຍູ້ວົງເງິນການຄ້າໄດ້ບັນລຸ 1,7 ຕື້ USD ຍສໝ - ປະຈຸບັນ, ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີ 16 ຂອງນິວຊີແລນ, ໃນນັ້ນຫວຽດນາມແມ່ນປະເທດສົ່ງອອກໃຫຍ່ອັນດັບທີ 15 ເຂົ້າທ້ອງຕະຫລາດນີ້ ແລະ ເປັນປະເທດນຳເຂົ້າໃຫຍ່ອັນດັບທີ 18 ຂອງນິວຊີແລນ. |
ຄຳຮຸ່ງ
