 |
| ນັກຮຽນຫວຽດນາມ ກັບຄືນປະເທດ (ພາບ: TTXVN) |
ໂລກລະບາດໂຄວິດ - 19 ພວມກໍ່ຜົນກະທົບຢ່າງຮ້າຍແຮງຕໍ່ລະບົບສຶກສາໃນທົ່ວໂລກ. ເຮັດໃຫ້ເສັ້ນທາງກັບຄືນສູ່ໂຮງຮຽນຂອງບັນດານັກສຶກສາຫວຽດນາມ ໄປຮຽນຢູ່ຕ່າງປະເທດຍິ່ງຫຍຸ້ງຍາກລຳບາກ.
ຕາມຕົວເລກສະຖິຕິຂອງກົມຮ່ວມມືສາກົນ, ກະຊວງສຶກສາ ແລະ ບຳລຸງສ້າງ ຫວຽດນາມແລ້ວ, ປັດຈຸບັນ ຫວຽດນາມ ມີນັກສຶກສາ ປະມານ 190.000 ຄົນທີ່ພວມຮ່ຳຮຽນ, ຄົ້ນຄ້ວາ ຢູ່ຕ່າງປະເທດ. ຍ້ອນຜົນກະທົບຈາກໂລກລະບາດໂຄວິດ - 19. ຍ້ອນຜົນກະທົບຈາກໂລກລະບາດໂຄວິດ - 19, ມີນັກສຶກສາ, ນັກຮຽນ, ນັກຄົ້ນຄ້ວາຫຼາຍຄົນຕ້ອງກັບຄືນປະເທດ ແລະ ຮຽນທາງອອນລາຍ. ເພາະສະນັ້ນ, ເປົ້າໝາຍໄປຮຽນຢູ່ຕ່າງປະເທດ ເພື່ອຊົມໃຊ້ພື້ນຖານການສຶກສາທີ່ກ້າວໜ້າ, ທັນສະໄໝ, ມີໂອກາດການຝຶກງານ, ມີວຽກເຮັດງານທຳທີ່ດີ, ລົງພຶດຕິກຳຕົວຈິງວັດທະນະທຳ, ພາສາ…ຂອງບັນດານັກສຶກສາບໍ່ສາມາດປະຕິບັດໄດ້.
ບັນດາມາດຕະການຈຳກັດການເຂົ້າເມືອງເຮັດໃຫ້ນັກສຶກສາຫວຽດນາມບໍ່ໄດ້ໄປຮຽນ, ກໍ່ຄວາມຫຍຸ້ງຍາກໃຫ້ແກ່ຍຸດທະສາດຊຸກຍູ້ຂອງບັນດາໂຮງຮຽນຂອງບັນດາປະເທດ ແລະ ແກ້ໄຂບັນຫາຂາດຜູ້ອອກແຮງງານ.
ໄປຮຽນຢູ່ຕ່າງປະເທດ ເພື່ອສຳຜັດກັບສະພາບແວດລ້ອມການສຶກສາທີ່ກ້າວໜ້າ, ໂຄງການບຳລຸງສ້າງທີ່ທັນສະໄໝ, ເໝາະສົມກັບທ່າອຽງ, ຊອກຫາກາລະໂອກາດຝຶກງານ, ເຮັດວຽກຢູ່ຕ່າງປະເທດ, ພ້ອມທັງຄົ້ນຫາບັນດາສິ່ງທີ່ໃໝ່ອ່ຽມ ກ່ຽວກັບວັດທະນະທຳ, ປະເທດຊາດ ແລະ ຊາວ ປະເທດປະຈຳຖິ່ນ… ແມ່ນເປົ້າໝາຍເຊິ່ງສ່ວນຫຼາຍນັກຮຽນວາງອອກເມື່ອຄັດເລືອກການໄປຮຽນຢູ່ຕ່າງປະເທດ. ແຕ່ວ່າ, ໂລກລະບາດໂຄວິດ - 19 ໄດ້ເຮັດໃຫ້ເສັ້ນທາງໄປຮຽນຢູ່ຕ່າງປະເທດຂອງນັກຮຽນຫຼາຍຄົນຖືກຢຸດສະຫງັກ. ບໍ່ພຽງແຕ່ເທົ່ານັ້ນ, ສະພາບການຮ່ຳຮຽນບໍ່ເໝາະສົມເຮັດໃຫ້ ນັກຮຽນບໍ່ສາມາດຮັບເອົາຄວາມຮູ້ ກໍ່ຄືບັນດາທັກສະທີ່ຈຳເປັນຕໍ່ຂະແໜງທີ່ຕົນເອງຮຽນ ໄດ້ຕາມຄວາມຫວັງ; ສຳລັບບັນດານັກຮຽນທີ່ພວມຮຽນປີທີ 3, 4 ກາລະໂອກາດຝຶກງານ, ຊອກຫາວຽກເຮັດງານທຳຢູ່ປະເທດທີ່ຕົນເອງຮຽນກໍ່ພວມຄ່ອຍອັດລົງ.
 | ຫວຽດນາມ ຕ້ອງການວັກຊິນ 150 ລ້ານຫຼອດໃນປີນີ້ ຍສໝ - ໃນອາທິດນີ້ ກະຊວງສາທາລະນະສຸກ ຫວຽດນາມ ຈະສືບຕໍ່ພິຈາລະນາຊື້ວັກຊິນປ້ອງກັນພະຍາດໂຄວິດ-19. ບັນດາບໍລິສັດຜະລິດວັກຊິນ ເຊິ່ງຫວຽດນາມ ກໍາລັງພິຈາລະນາແມ່ນວັກຊິນຂອງລັດເຊຍ ແລະອາເມລິກາ. |
 | ສື່ມວນຊົນ ອາເມລິກາ ຮັບຮູ້ ຜົນສຳເລັດ ຂອງ ຫວຽດນາມໃນການຄວບຄຸມໂລກລະບາດໂຄວິດ - 19 ຫວຽດນາມໜ້າຈະເປັນທີ່ໄດ້ຮັບຮູ້ຫຼາຍກ່ວາອີກ ຍ້ອນຄວາມສາມາດໃນການຄວບຄຸມໂລກລະບາດໂຄວິດ - 19 ໃນໄລຍະສັ້ນ ດ້ວຍບັນດາຂັ້ນຕອນທີ່ຮັບປະກັນຄວາມປອດໄພໂດຍພື້ນຖານ. |
 | ຫວຽດນາມ ຈະຮັບເອົາວັກຊິນກັນພະຍາດໂຄວິດ - 19 ດ້ວຍຈຳນວນ 4,88 ລ້ານໂດສ ແລະ ນຳເຂົ້າກວ່າ 117.000 ໂດສ ໃນທ້າຍເດືອນ ກຸມພາ ປີ 2021 ຍສໝ - ຫວຽດນາມ ຈະຮັບເອົາວັກຊິນກັນພະຍາດໂຄວິດ - 19 ຈາກ 2 ແຫຼ່ງສະໜອງ, ນັ້ນແມ່ນ ກົນໄກ COVAX ທົ່ວໂລກ ດ້ວຍຈຳນວນ 4,88 ລ້ານໂດສ ແລະ ນຳເຂົ້າກວ່າ 117.000 ໂດສ. |
ບຸນຄົງ
