ຫວຽດນາມ ໄດ້ສະແດງຄວາມວິຕົກກັງວົນ ກ່ຽວກັບວິກິດການມະນຸດສະທຳທີ່ຮ້າຍແຮງຢູ່ຊີຣີ

	ທ່ານ ຮ່ວາງບີງກວນ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ຕ້ອນຮັບເອກອັກຄະລັດຖະທູດອີຣານ
	ຊຸກຍູ້ການຮ່ວມມືລະຫວ່າງປະຊາຊົນຫວຽດນາມ ແລະ ອີຣານ

ເມື່ອບໍ່ດົນມານີ້, ທີ່ກອງປະຊຸມຂອງສະພາຄວາມໝັ້ນຄົງສະຫະປະຊາຊາດ, ຮອງເລຂາທິການໃຫຍ່ສະຫະປະຊາຊາດ ທ່ານ Mark Lowcock ໄດ້ກ່າວເຕືອນວ່າ, ວິກິດການມະນຸດສະທຳຢູ່ຊີຣີບັນລຸລະດັບທີ່ຮ້າຍແຮງສູງ.

ຕາມສຳນັກຂ່າວສານຫວຽດນາມປະຈຳສະຫະປະຊາຊາດ, ໃນກອງປະຊຸມປະຈຳເດືອນ ຂອງສະພາຄວາມໝັ້ນຄົງ ກ່ຽວກັບສະພາບການມະນຸດສະທຳໃນປະເທດຊີຣີ, ທ່ານ Mark Lowcock ໄດ້ກ່າວວ່າ, ອີງຕາມລາຍການອາຫານໂລກ (WFP), ປະຊາຊົນ 12,4 ລ້ານຄົນ, ເທົ່າທຽມ 60% ປະຊາກອນຂອງປະເທດຊີຣີ, ແມ່ນກຳລັງປະເຊີນໜ້າກັບສະຖານະການຂອງຄວາມບໍ່ຫມັ້ນຄົງດ້ານສະບຽງອາຫານ.

ທ່ານເອກອັກຄະລັດຖະທູດຫວຽດນາມ ດັ້ງດີງກູຍ, ຫົວໜ້າຄະນະຜູ້ແທນຫວຽດນາມປະຈຳສະຫະປະຊາຊາດ. (ພາບ: TTXVN)

ສິ່ງທີ່ໜ້າກັງວົນກວ່ານັ້ນກໍ່ແມ່ນວ່າພຽງ ແຕ່ໃນໄລຍະໜຶ່ງປີ, ປະຊາຊົນ 4,5 ລ້ານຄົນໄດ້ຕົກຢູ່ໃນສະພາບການຮ້າຍແຮງດັ່ງກ່າວນີ້. ນີ້ໄດ້ຮັບຖືວ່າແມ່ນຜົນມາຈາກວິກິດການເສດຖະກິດທີ່ນັບມື້ນັບຮ້າຍແຮງໃນ 18 ເດືອນທີ່ຜ່ານມາ ພ້ອມກັບຜົນກະທົບອັນໜັກໜ່ວງຂອງພະຍາດ COVID-19.

ທ່ານຮອງເລຂາທິການໃຫຍ່ Mark Lowcock ຍັງໄດ້ແຈ້ງໃຫ້ຊາບກ່ຽວກັບຜົນກະທົບຂອງຄວາມບໍ່ໝັ້ນຄົງດ້ານຄວາມປອດໄພໃນຫລາຍໆພື້ນທີ່ ຕໍ່ຊີວິດຂອງປະຊາຊົນຊີເຣຍ, ຍ້ອນວ່າພົນລະເຮືອນມີ ໃຜບາດເຈັບລົ້ົ້ມຕາຍເພີ່ມຂຶ້ນ ໃນພາກເໜືອຂອງປະເທດຊີຣີ.

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດຫວຽດນາມ ດັ້ງດີງກູຍ, ຫົວໜ້າຄະນະຜູ້ແທນຫວຽດນາມປະຈຳສະຫະປະຊາຊາດ ໄດ້ແບ່ງປັນຄວາມວິຕົກກັງວົນລວມຂອງບັນດາສະມາຊິກສະພາຄວາມໝັ້ນຄົງ ກ່ຽວກັບສະພາບການມະນຸດສະທຳທີ່ຮ້າຍແຮງຢູ່ຊີຣີ, ໃນນັ້ນພິເສດແມ່ນຂໍ້ມູນຂ່າວກ່ຽວກັບຄວາມບໍ່ ໝັ້ນຄົງດ້ານສະບຽງອາຫານ ແລະ ຜົນກະທົບຈາກວິກິດການເສດຖະກິດທີ່ຮ້າຍແຮງໃນປະຈຸບັນຕໍ່ປະຊາຊົນຊີຣີ, ໂດຍສະເພາະ ສຳຫຼັບກຸ່ມທີ່ມີຄວາມສ່ຽງເຊັ່ນເດັກນ້ອຍ.

ທ່ານເອກອັກຄະລັດຖະທູດຫວຽດນາມ ດັ້ງດີງກູຍ ໄດ້ຮຽກຮ້ອງໃຫ້ບັນດາຝ່າຍຢູ່ຊີຣີ ເພີ່ມທະວີການຮ່ວມມື ເພື່ອຮັບປະກັນການຊ່ວຍເຫຼືອດ້ານມະນຸດສະທຳ ບໍ່ຖືກລົບກວນ ແລະ ໃນເວລາທີ່ເໝາະສົມເພື່ອໄປເຖິງທຸກຂົງເຂດ.

ທ່ານເອກອັກຄະລັດຖະທູດ ດັ້ງດີງກູຍ ກໍ່ຮຽກຮ້ອງເພີ່ມທະວີການສະໜັບສະໜູນຈາກສາກົນ ໃຫ້ປະຊາຊົນຊີຣີ, ໂດຍເນັ້ນໜັກເຖິງຄວາມຈຳເປັນໃນການສະໜັບສະໜູນໃນການປະຊິດເຂົ້າເຖິງວັກຊິນປ້ອງກັນ ແລະ ຕ້ານ COVID-19 ຂອງປະຊາຊົນຊີເຣຍໃນສະພາບການແຜ່ລະບາດຂອງພະຍາດ ທີ່ຍັງສືບຕໍ່ເກີດຂື້ນໃນປະເທດຊີຣີ.

ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ຊ່ວຍເຫຼືອປະເທດຊີຣີ ໃນການຕອບໂຕ້ກັບພະຍາດ COVID-19 ຍສໝ - ທີ່ກອງປະຊຸມປະຈຳເດືອນຂອງສະພາຄວາມໝັ້ນຄົງ, ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ເພີ່ມທະວີການສະໜັບສະໜູນສຳລັບ ປະເທດຊີຣີ ໃນການຕອບໂຕ້ກັບພະຍາດ COVID-19 ແລະ ແກ້ໄຂບັນຫາຄວາມໝັ້ນຄົງດ້ານສະບຽງອາຫານ.

ຫວຽດນາມ ເຂົ້າ​ຮ່ວມກອງປະຊຸມທາງອອນລາຍປະຈຳເດືອນ ກ່ຽວກັບສະພາບການຢູ່ຊີຣີ​ຂອງ ສະ​ພາ​ຄວາມ​ໝັ້ນ​ຄົງ ສ​ປ​ຊ ຍ​ສ​ໝ - ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດຫວຽດນາມ ຟ້າມຫາຍແອັງ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ໄດ້ເນັ້ນໜັກເຖິງຄວາມສຳຄັນຂອງເລື່ອງສືບຕໍ່ຮັກສາການໂອ້ລົມສົນທະນາ ແລະ ການເຈລະຈາມີລັກສະນະສ້າງສັນລະຫວ່າງ ລັດຖະບານຊີຣີ ແລະ ຝ່າຍຄ້ານ, ໃນນັ້ນຄວນເປັນເອກະພາບກ່ຽວກັບໂຄງການດຳເນີນງານໂດຍໄວ ເພື່ອດຳເນີນບັນດາກອງປະຊຸມຄັ້ງຕໍ່ໄປ.

ສະຫະປະຊາຊາດມີຄວາມວິຕົກກັງວົນຕໍ່ສະພາບຄວາມເຄັ່ງຕຶງເພີ່ມຂຶ້ນຢູ່ທິດຕາເວັນຕົກພາກໃຕ້ຊີຣີ ທ່ານເລຂາທິການໃຫຍ່ສະຫະປະຊາຊາດ Antonio Guterres ສະແດງຄວາມວິຕົກກັງວົນຕໍ່ສະພາບຄວາມເຄັ່ງຕຶງເພີ່ມຂຶ້ນຢູ່ທິດຕາເວັນຕົກພາກໃຕ້ຊີຣີ.

ຄຳຮຸ່ງ