 |
| ຄະນະນຳສະຖານເອກອັກຄະລັດຖະທູດລາວ ນຳໂດຍ ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ.ລາວ ປະຈຳ ສສ.ຫວຽດນາມ ໄດ້ເຂົ້າວາງພວງມາລາ ແລະເຊັນປຶ້ມເພື່ອອາໄລເຖິງດວງວິນຍານຂອງທ່ານ ເຈືອງວີ້ງຈ້ອງ ອະດີດກຳມະການກົມການເມືອງ, ອະດີດຮອງນາຍົກລັດຖະມົນຕີ ແຫ່ງ ສສ.ຫວຽດນາມ. ພາບ: ຂປລ |
ໃນຕອນເຊົ້າວັນທີ 21 ກຸມພາ 2021, ຄະນະນຳສະຖານເອກອັກຄະລັດຖະທູດລາວ ນຳໂດຍທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ.ລາວ ປະຈຳ ສສ.ຫວຽດນາມ ໄດ້ເຂົ້າວາງພວງມາລາ ແລະເຊັນປຶ້ມເພື່ອອາໄລເຖິງດວງວິນຍານຂອງທ່ານ ເຈືອງວີ້ງຈ້ອງ ອະດີດກຳມະການກົມການເມືອງ, ອະດີດຮອງນາຍົກລັດຖະມົນຕີ ແຫ່ງ ສສ.ຫວຽດນາມ.
ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ.ລາວ ປະຈຳ ສສ.ຫວຽດນາມ ໄດ້ສະແດງຄວາມໂສກເສົ້າເສຍດາຍ ແລະ ອາໄລອາວອນຢ່າງສຸດຊຶ້ງຕໍ່ການຈາກໄປຂອງ ທ່ານ ເຈືອງວີ້ງຈ້ອງ ເຊິ່ງການຈາກໄປຂອງສະຫາຍບໍ່ພຽງແຕ່ເປັນການສູນເສຍອະດີດຜູ້ນໍາພັກ-ລັດ, ຜູ້ມີຄວາມປີຊາສາມາດ ທີ່ປ່ຽມລົ້ນໄປດ້ວຍປະສົບການຂອງພັກ, ລັດ ແລະປະຊາຊົນຫວຽດນາມ ແຕ່ຍັງເປັນການສູນເສຍເພື່ອນມິດຜູ້ໃກ້ຊິດສະໜິດສະໜົມຂອງພັກ, ລັດ ແລະປະຊາຊົນລາວ. ທ່ານ ເຈືອງວີ້ງຈ້ອງ ໄດ້ປະກອບສ່ວນອັນສຳຄັນເຂົ້າຮ່ວມຂະບວນການຕໍ່ສູ້ຕ້ານພວກຈັກກະພັດຜູ້ຮຸກຮານ ເພື່ອພາລະກິດທ້ອນໂຮມປະເທດຊາດເປັນເອກະພາບ, ທ່ານ ເຈືອງວີ້ງຈ້ອງ ໄດ້ອຸດທິດຊີວິດເພື່ອພາລະກິດປົກປັກຮັກສາ ແລະສ້າງສາປະເທດຊາດຂອງປະຊາຊົນຫວຽດນາມອ້າຍນ້ອງ, ທ່ານ ເຈືອງວີ້ງຈ້ອງ ເປັນເພື່ອນສະໜິດສະໜົມທີ່ໃກ້ຊິດຂອງພັກ, ລັດ ແລະປະຊາຊົນລາວ.
ພາຍຫຼັງເຈັບໜັກມາເປັນໄລຍະໜຶ່ງ, ເຖິງວ່າພັກ, ລັດ ແລະ ຖັນແຖວສາດສະດາຈານ, ແພດໝໍ ພ້ອມດ້ວຍຄອບຄົວໄດ້ປິ່ນປົວ ແລະ ເບິ່ງແຍງດູແລຢ່າງສຸດຈິດສຸດໃຈ ແຕ່ຍ້ອນອາຍຸສູງ, ສຸຂະພາບອ່ອຍເພຍ, ທ່ານອະດີດຮອງນາຍົກລັດຖະມົນຕີ ຫວຽດນາມ ເຈືອງວີ້ງຈ້ອງ ໄດ້ເຖິງແກ່ມໍລະນະກຳໃນເວລາ 3 ໂມງ 25 ນາທີຂອງວັນທີ 19 ກຸມພາ ປີ 2021 ຢູ່ເຮືອນພັກສ່ວນຕົວ ຢູ່ບ້ານເລືອງທ້ວນ, ຕາແສງ ເລືອງເກື໊ອຍ, ເມືອງ ຢົ່ງຈົມ, ແຂວງ ເບັ້ນແຈ, ລວມອາຍຸ 79 ປີ. ງານສົບທ່ານອະດີດຮອງນາຍົກລັດຖະມົນຕີ ເຈືອງຫວິງຈ້ອງ ຈະຖືກດຳເນີນຕາມງານສົບລະດັບຊາດ. ຄະນະຈັດຕັ້ງງານສົບແຫ່ງລັດ ລວມມີສະມາຊິກ 21 ທ່ານ, ໂດຍທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິນ ເປັນຫົວໜ້າຄະນະ.
 | ທ່ານນາຍົກລັດຖະມົນຕີເປັນປະທານກອງປະຊຸມແລກປ່ຽນວຽກງານຍາມຕົ້ນປີໃໝ່ຂອງ ຄະນະປະຈຳລັດຖະບານກ່ຽວກັບສະພາບການບຸນເຕັດ, ການປ້ອງກັນ ຍສໝ - ທ່ານນາຍົກລັດຖະມົນຕີໄດ້ສະເໜີໃຫ້ລັດຖະມົນຕີສາທາລະນະສຸກກ່ຽວກັບສະພາບການປ້ອງກັນ, ສະກັດກັ້ນໂລກລະບາດໂຄວິດ - 19 ແລະ ບັນດາບັນຫາໃນວຽກງານສຳຄັນນີ້, ໃນນັ້ນມີແຜນນະໂຍບາຍຂອງຄະນະປະຈຳລັດຖະບານຢູ່ກອງປະຊຸມຄັ້ງກ່ອນ (ຕອນບ່າຍວັນທີ 4 ບຸນເຕັດ) ກ່ຽວກັບການຊື້ວັກຊິນເພື່ອສັກໃຫ້ປະຊາຊົນ. |
 | ຫວຽດນາມດຶງດູດທຶນ FDI ເປັນຈຳນວນກ່ວາ 2 ຕື້ USD ໃນເດືອນທຳອິດຂອງປີ 2021 ເງິນລົງທຶນຈາກຕ່າງປະເທດ ເຂົ້າ 14 ຂົງເຂດ, ໃນນັ້ນຂົງເຂດອຸດສາຫະກຳປຸງແຕ່ງ, ປະດິດຄິດສ້າງພວມນຳໜ້າ ດ້ວຍຍອດເງິນລົງທຶນບັນລຸເກືອບ 1,54 ຕື້ USD. |
 | ເອກອັກຄະລັດຖະທູດຫວຽດນາມແລກປ່ຽນກັບພັກກອມມູນິດ ອາຟຼິກກາໃຕ້ ກ່ຽວກັບໝາກຜົນຂອງກອງປະຊຸມໃຫຍ່ຄັ້ງທີ 13 ຂອງພັກ ຍສໝ - ທ່ານ ຮ່ວາງວັນເລິ້ນ ເອກອັກຄະລັດຖະທູດຫວຽດນາມ ແລະ ທ່ານ Frans Baleni ກຳມະການກົມການເມືອງ, ຫົວໜ້າຄະນະພົວພັນການຕ່າງປະເທດສູນກາງ ພັກກອມມູນິດ ອາຟຼິກກາໃຕ້ ໄດ້ເປັນປະທານຮ່ວມການແລກປ່ຽນ. |
ໄຊພອນ
